Angei wis non ewe Manamanen Kot

Non ewe mwich me mwen ei manau, Samach won Nang a aiti ngeni Noun kewe ngun semirit An we kokot faniten ar fefeita me pwapwa esemuch.

“Pwe repwe fori ew fonufan ikewe ekkei repwe nonnom;

Kot a apasa Repwe sotunikich, pwe Repwe kuna ika sipwe fori mettoch meinisin minne ewe Ra annuku ngenikich;

“Me ion ra aponueta ewe aewin napanaper repwe angei ekkoch nap seni met ra akaewin angei, me ekkewe rese aponueta ewe aewin napanaper resap angei ningoch non ena muu ren ekkewe ir repwe apwonueta ewe aewin napanaper, me ir repwe aponueta ewe aruan napanaper repwe angei ningoch won mokurer feinfeino.”

“Me ewe Samon a apasa: Ion upwe tinano? Me ewe a ponueni usun ewe Noun Aramas: Iei i Ngang, tinieino. Me ewe emon a ponueni me a apasa: Iei i Ngang, tinieino. Me ewe Samon a apasa: Upwe tinano ewe aewin.

“Me ewe oruemonun a song, me ese aponueta an we aewin muu; me, non ena ran, chommong ra tapweno mwirin” (Abraham 3:24–28).

Chemeni pwe eu chok kokot mine a afat non ewe mwich me mwen ei manau—an ewe Sam kokot. Samach won Nang ese apasa ewe kapas eis, “Met sipwe fori?” Ese kuta ekiekin emon, sokkun kokot, ika tingor. Nge, A fori mecheresin An we kokot me eis, “Ion upwe tinano?“ Auchean An ei kapas eis a ekieki usun ion epwe titino an epwe aponueta ewe kinikin me napanapen An we kokot.

Ekkei niwinin pungunon an ewe chon ungeni we ungeni mi pwan awewei non kewe Pukefel.

“Iwe nengeni, pokiten Setan a ungeniei, me a mochen epwe ataieno ewe pungun finata an aramas, mine ua … fen ngeni , me pwan, mochen upwe ngeni ai manaman … , Ua fori pwe epwe koturu;

“Me a winiti Setan, … ewe tefin, ewe semenapen chofona, epwe etupwano me ochunano aramas, me emwenir non an angang, usun afen chommong ekkewe rese rongorong ngeni ai kapas” (Moses 4:3–4; emphasis added).

Lucifer ese nom non ewe kokot a punguno seni chommong ekkewe chon nom non ewe mwichen ei manau me mwan. I emon ese wor ar repwe tongei an nus non ewe utut ika etipeeu. A ungeni! Tipetekia, pesepesengaw, namanam tekia a ferine ungeni an ewe Sam kokot.

Ewe kokot a wewei ewe angang an ewe Sam me ewe Nau mine a fis faniten aramas meinisin ewe feiochun manau esemuch.

Ewe kapas allimen Jises Kraist iei chok ewe aan sipwe tongeni angei ekkewe feioch Kot a pwonei non an we kokot, usun we annuk, nongonong, epinipin, me pwon mi pin mwan me fefin repwe nuku me apiru. “Ese pwan wor eu it a kawor fan nang tiwenon chok ei Jises Kraist … ren mine aramas repwe tongeni manau” (2 Nifai 25:20). Ennet, ewe Samon Jises Kraist i “{35ewe ann(36), ewe ennet o ewe manau: ese wor emon epwe feinno ren ewe Sam ika ese punun [I]” (John 14:6; pwan ekkoch mi pacheta).

President Russell M. Nelson a awewei:

“Ewe kokot a aucheani ewe Foruta, me ena a auchea me ru ewe Turutiw me ewe Achasefan. Ekkei ekkewe unungat nongonongen auchean ewe kokot. Ewe forutan fonufan a feito seni Kot. Manau iei me mano a fis non ei fonufan seni ewe Turutiw an Adam [nengeni 2 Nifai 2:25; Moses 6:48]. Manau fochofoch me ewe tufichin manau esemuch a kawor seni Jises Kraist [nengeni 2 Nifai 2:21–28]. …

“… Sia feito ngeni ei fonufan non chok fansoun mochomoch, nikitu ngeni ach tes me sosotuch, me moneta ngeni ach sipwe feino mwach me fefeita ngeni eu ningochun etiwetiw ngeni neimw [nengeni Psalm 116:15; Alma 42:8]. Ekiekich me ach foffor me [non ei manau] epwe kon auchea ika pwe sia weweiti an Kot we kokot me ach kinisou me anneasosich ngeni An kewe annuk [nengeni Doctrine and Covenants 59:20–21].”

Sia kaeo auchean ennet seni ach esina me kaeo sokofesenin itenapen ewe kokot an ewe Sam non ewe Puken Mormon: Eu Kapasen Pwarata usun Jises Kraist. Ren awewe, ekieki ekkei itenap fan mi kefinita:

“Ewe kokot mi umoumoch an ewe Chon Fori mi napanap” (2 Nifai 9:6).

“Ewe kokot an ach Kot” (2 Nifai 9:13).

“Ewe kokotun amanau” (Jarom 1:2; Alma 24:14).

“Ewe kokotun ngaseno” (Alma 12:25, 26, 30, 32, 33; 42:11, 13).

“Ewe kokoten niwinsefanitto” (Alma 41:2).

“Ewe kokoten pwapwa” (Alma 42:16).

“Ewe auchean kokotun umoumoch” (Alma 42:31).

Eu me eu ekkei itenap a anisi kich ach sipwe weweochuti usun auchean ekkewe pwon an ewe Sam ren an we kokot me anapano ach weweiti popun me auchean manauach won ei fonufan.

Naponon, ewe itenap a napengeni nounou non ewe Puken Mornon usun an Kot we kokot a anonga won ewe ngaseno a tufich seni ewe Achasefan an Jises Kraist.

Alma a apasa, “Ika esap popun ewe kokkotun ngaseno, minne a foruta seni nepoputan ewe fonufan, esap tongeni wor manausefanin ekkewe mi mano; nge mi wor ew kokkotun ngaseno a foruta, minne epwe esenipato ewe manausefanin ekkewe mi mano,” (Alma 12:25).

A pwan apasa, “Poputa ne nuku non ewe Noun Kot, pwe i epwe wareto an epwe angasa noun aramas, me i epwe riaffou me mano pwe epwe achasefani ar tipis; me i epwe manau sefan seni mano, minne epwe wato ewe manausefan, pwe aramas meinisin repwe uta me mwen mesan, ar repwe kapung non ewe soponon me ranin kapung, anongonong won ar kewe angang.”(Alma 33:22).

Ngunuch epwe uren kinisou ika sia ekieki an Kot ei auchean kokotun amanau, ngaseno, niwinsefan, umoumoch, me pwapwa. Ach weweiti ewe kokotun amanau a awora murinon ekiek, a apwapwai kich, me apochokuna kich ach sipwe ungeni sosotuch me ach osukosuk.

Samach won Nang a mochen sipwe niwiniti neimw ngeni I. A etiwa me pwonei ekkewe feioch, nge I ese echimw, eriafou ika aweiresi ach sipwe angang ach pungun finata mine A ngeni kich. Sipwe fori me fini ach sipwe niwin sefan ngeni I ren ach apiru ewe nenien apiru an Noun we mi Achengicheng.

Poun Mi Chiwen Atamau, seni Elizabeth Thayer

“Ewe an a moneta, me ika sia nengeni sipwe ani manau esemuch” (Alma 37:46; emphasis added).

U fokkun pwapwa ne pwarata pwe Samach won Nang i ewe chon fori ei kokot fan iten Noun semirit. Jises Kraist i ach chon Angasano me Chon Amanau. Me ngang emon noun ewe Samon kewe Aposel non fansoun soponon, ua pwarata pwe Iei “ewe an, ewe ennet, me ewe manau” (John 14:6; emphasis added).