Fanow ku Got nifan ko Tabinaew nib Manemus

Rebe n’en ni ba adag fagli labthir roeg kore gospel rok Yesus Kristus ney nikan sulweg e fane ga’fan e tabinaew ko galasia nge machib ni “yo’oren e murwel ku Got ko thap nge n’uf ngalang ko falfalaen’ e yibe muruwliy u fithik e tabinaew.” Um’on ningan tawfe nagrow, labthir roeg e karir fafalan’gow kopi n’en niyow be fil ere miyow pining fapi bugulyiror rorow ngar uned ngorow ngareb e lesson kofapi tamchib.

Yowbe mada’nag fapi tamchib miyow be ulul i fil e gospel u tomren nikan tawfe nagrow, labthir roeg er filew rogon “ningar chugliyew pifakrow u fithik e tomilang nge yul’yul’ nge rogon ningar “ayliy [yew] tafarow”(Doctrine and Covenants 93:40, 43).

Rifilew ni, “tabinaew e rib ga’fan kofare fanow ku tasunmiy nifan ko milekag nib manemus Rok pifak” nge falfalan’ u lane yafos ko tabinaew e thiyira fek u daken fapi machib rok Samoel Yesus Kristus.”

Rifilew ni mabgol nib “mangil rogon nge pi tabinaew nib mangil e ke fel’ make paer u dakean e pi kenggin e yilen ko mich, meybil, kalngan’, n’ag fan, tay fan, tu’ufeg, adag, murwel, nge gubin e tin nib mangil ban’en.”

Kar filed ni fapi tabinaew e rayog ninge par nib manemus nge “pi gafarig rodad u roey e kubayi un ngaram, kemus nike un ban’en ngay nib manemus” (Doctrine and Covenants 130:2).

Makar filed ni “rifan epi michib nge gubin e gosgos u lane Galasia e fan ko labthir nge bitir rorad ningar pired niyad ba falfalan’ u tabinaew, nikan m’ag u lane mabgol nib manemus, makan puthuy ko fapi girdii’ rorad.”

Kore llowan’ nem, yadbe athpeg ningan m’agrad ngata’bang ngar pired nib tabinaew nib manemus.

Tomuren nikan tawfenag fagli labthir rog, mir rin’ew epin’en niyow befil, nikar bow kotin nu fayleng ban’en karanow kotin gam’ingin e gospel. Yow matay e mu’lung ko tabinaew min fil fare chep nib thothup, miyow mayan ko mu’lung ko Galasia, miyow ma muruwliy e murwel ko tabinaew ya ngeyog ninge paer e tabinaew romad u ta’bang. Kopin’em nikan muruwliy nifan e mukun ngata’bang, yowbe athpeg ningar ngonbgliyew rebe tabinaew nribay fare fanow ko falfalan’ riy ma yowbe sap kotin nib manemus ban’en.

Ko 1965, fare duw nga tomuren nikan tawfenag fagli labthir roeg, bin th’abi chugur e temple nga São Paulo, Brazil, was in Mesa, Arizona, ba cugur ninge gaman 6,000 miles (9,650 km) pangin pal nga urel. Milekag e rib toelang pulwon ko tabinaew romad, ere fagli labthir roeg er soen nigew fare São Paulo Brazil Temple ngan yibliy min bing ko 1978 um’on nirayog ningar fekew fapi gam’ing ko temple min m’agrow ngata’bang. Ngiyal’ nem e gubay ko mission u Rio de Janeiro.

Gonpon l’agrow e pul mugmu’ nag e mission roeg ko February 1980, mission president roeg e pi’ matwon e cha’ ni gamow nge gag ninggu unew ngaboech fapi choenggin e Rio de Janeiro stake ngguwaroed ko temple u São Paulo ye ngeyog ninggu endowed min m’aggeg nge fagli labthir roeg ngata’bang. Niwoed fagli labthir roeg, Bo’or e duw nikug soen nag e taw’ath ko gam’ing nge tha’ ko temple.

Ren’em nibuch e thilyeg rogon e sap rog ngam’on me pi’ ngug guy epi yul’yul’ ko thin ku President Russell M. Nelson: pi Ngiyal’ u langgin e temple ere ayweg nem ngam lemnag e tin nib celetial ban’en magguy ko mini’ e rigur, mini’ e rayog ningam woed, nge mmitimang e yafos e rayog ningam fanay nib manemus.”

Chingiyal’ nem u langgin e temple eri awfan kogin kabay ko murwel komission roeg. Ren’em nib be’ech nuguy, nibe micheg e temple nge fana ga’fan e fanow ku Got nifan ko pi tabinaew eri gagiyog nag e yafos rog.

Napon ni le’ngig, Rosana, nge gag e gumabgol gow ni l’agrow e duw nga tomuren nikug mu’nag e mission roeg, min m’agmow ngata’bang u lane temple ni gamow be fanow nag ninggu chuliyew rebe tabinaew nib manechibog. Ning ngurn’ew ni aram ragon, gu murwel gow u ta’bang ninggu fel’egew rebe yalen niwoed fabnem nifil e labthir romow ngomow, ni gubin mab sar ko fare Tathpeg, machib Roek, nge machib kopi profet Roek kotin chiney.

Dabo’ e pifak mow e yadbe chugliy pifak rad kore chepin e gospel ney ko falfalan’. Ngomow, tabinaew e gubin ban’en nibchane e gamow manang fan fane ga’fan e tabinaew u langgin e fanow ku Got.

Nigag rebe General Authority, Kug taw’ath nikug m’ag fare dalip i bitir roeg ngak le’ngin rad u lane temple. Gusap nga owcharad u napon nikar ragbog gad ngata’ben fare altar u lane temple e ban’en niribfel’ ya’an. Gube guy pifakag niyad be taw’ath kofare chepin e gospel ni fil fagli labthir roeg ngog me Rosana nge Gag e kug filew ngorad. Gube guy epi taw’ath nem nibe ulul i yan ko pi yangar ni kabay ngam’on. Me pug’uran ngog ko mini’ e muruwliy me yog rogon.

pug’uran ngan’uy Kristmas

Tabinaew e rib ga’fan ko fanow ko falfalan’ ku Got, machene fa’anra demoey fare Tathpeg ni Yesus Kristus, ma dabiyog rogon ere fanow nem. Bayul Roek nge fapi tha’ nge m’ag nibay u langgin e gospel Roek eke yognag fare michmich ko fafalan’.

President Nelson eke yoeg ni: “Falfalan’ e murwel ko tabinaew. Kemus nu daken ea gam’ing ko gospel roek Yesus Kristus ea rayog ni tabinaew ea nge toelang ngalang ko falfalan’. Yibe athmagliy ya ngad pired ni tabinaew nib falfalan’—endowed, sealed, min fal’eg rogoy ko yafos nib manemus u pa owchen Got.”

Bay guwon ngabyang nidawor gu’un ngay biyay, mug gay ngugfek rebe ya’an e Nativity niba achichig nibe pug’uran ngog nge Rosana fare Tathpeg. Gube kunuy ni kari yo’or.

Napon nugbe lemnag epi Nativity nem, le’ngig nge gag e gulem nigew, “Mange rib ga’fan u lane yafos romow?” Fare fulweg riy, ni gamow manang, e fare Tathpeg, gospel Rok, nge tabinaew romow. Ningan pug’uran ngomad e adag ko Chitamngiy nu Tharmiy ngomad nibe yib u daken fare Tathpeg nifapi michmich ko tabinaew nib manemus e rayog, m’on ko Kristmas ni l’agrow e duw nike yan mugtew gubin fapi Nativity romow ngadaken e shelves u tafen mow—mug pagew ni dabkug tayew nga urel u tomuren e Kristmas. Re yalen nem eke ayweg mad kug tayed e kan thothup ko Christmas u lane tabinaew romad ko gubine duw.

Gubin e rran ni gamad rasap kopi Nativity nem, miyadbe pug’uran ngomad fina ga’fan fare Tathpeg ngalane yafos romad. Yadbe pug’uran ngomad ni gapas u fayleng e chiney (muguy ko Luke 2:14) nge falfalan’ nib manemus kobin bay yib e fayleng e bemilfan kofare Tathpeg nge tayfan fare tha’ nikug ngongliyed Ngak. Mayadbe pug’uran ngomad “nike yib ngbafayleng, i Yesus, ningan kruth nag, mefek gubin e denen ko fayleng ngadaken, me be’ech nag ko gubin ban’en nib alit;

“Nu daken e gubin marayog ninge fel’rogon ni’en ni ketay e Chitamngiy ngamotwon me gaghiyog nag” (Doctrine and Covenants 76:41–42).

Pin’ey nib riyul’ nikug filew ko labthir romow, Rosana nge Gag e kug pi’ew ngak pifak mow. Ere Chiney e pifak mow e yadbe fil e pin’ey nib riyul’ ku pifak rad. Fare awoch nniyung ngalan gum’ircha’en fagli labthir roeg ni 60 e duw nike yan u lane fachi tabinaew romad u Brazil eke kuf keyib wa’amngin “marib mangil, marib fel’ lemen boech ko gubin ban’en nib fel’ lemen, marib wechwech boech kotin nib wechwech ben’en, arogon, mab be’ech boech kotin nib be’ech ban’en” (Alma 32:42).

Gube micheg ni pi’en fol ko fanow ku Got nifan kopi tabinaew, me adag ni weod rogon ni adag Samoel, miyad tayfan fapi tha’ rodad ere raborran miyad fanay “fapi taw’ath ko yafos nib manemus nge falgfalan’ nib pulo’” niyad bay ko girdii’en e tabinaew rorad nge fare Chitamngiy nge fare Fak.