M’ag, Gilngin, nge Michmich nge

Keb rok Elder Ronald A. Rasband

Ko fare Ulung ko fare Ragag nge L’agruwi Apostle

Fare temple ea rib gaqfan ko gelnigin nge yiroren nikan micheg ko piqen niyaed ba yul’yul’ u m’on kobin L’agruw ea Wub roek Samoel Yesus Kristus.

yaqan Joseph Smith nibe yakiy u poqowchen fare Kirtland Temple

Langgin ea May ko 1833, bin anngeg ea thangtuw roeg Asahel Perry nge nge bugi fager roek ea ranonoed u northern New York nga Kirtland, Ohio. Gathiyaed choenggin fare Galasiya nikifin sulweg, machene yaed baqadag ningar madaq niged fare profet Joseph Smith. Kar tawgaed nifel’ napan kar uned ko bin ko m’on ea muqlung nikan tay ningan weliy marngeqgen ea damuw ko Kirtland Temple.

Tomuren nikan tabob nag fare muqlung, me weliy fare profet marngeqgen ea damuw ko fare temple. Me yoeg ko piqen nibay u roem ning roegned lanyan’raed ko binem ea murwel niribgel. Boqor i giyaed ea yoeg ni Galasiya ea rib gafgow ninge muruwliy ban’en ni aram rogon. Mi yaed yoeg ningan toey reb ea naqun nibaqchig, ni so-but’ pulwon.

Nap’on niybe non, me mukun Tutuw Perry nge fapi fager roek ngataqbang, miyaed fek’ ea salpiy roeraed, ngar gamon niged. Bay nira gamon ningar piqid pulwon ea milekag roeraed ko sul makur piqid boech nifen i toey ea temple? Me taqboech, me yaen ea tutuw roeg ku Joseph Smith, mefek ba five-dollar gold coin, nge piq ngak fare profet. (Biney ea salpiy era daboq ea bagamon reb ea raqay!)

Me sakiy Joseph ngam’on ko fare muqlung me tining fare salpiy ngalang. Me, non nib gel, ni gaqar “kefel’ rogon ea murwel ma naqun [ku Samoel] ea yira toey niboed rogon” nike yoeg Samoel Yesus Kristus.

Tabinaew ku Perry ea ramanged choenggin ea Galasiya u Kirtland, me taqboech u Nauvoo Temple mir thapeged fapi tawqath ko temple, me taqboech miyaed yaen u but’ nge madaq nga Utah.

Nap’on nni yibliy fare Kirtland Temple ko 1836, madab kitaw gubin fapi choenggin ea galasiya ngay ningar uned kore mebil nem. Be gaq ea galasiya, mekuqer rogon Choenggin ni yaed bequn ko muqlung u baqanyen. President James E. Faust (1920–2007), ni murwel ni stake president roeg u nap’on nikabfel’ yangreg ngu nap’on nigag reb ea taqyuw u nap’on nnipinngeg ning gumang reb ea General Authority u langgin ea 2007, ea weliy marnmgeqgen ea bin l’ agruw ea temple ko Galasiya:

“Um’on ningan muq i toey fare Nauvoo Temple ko 1846 choenggin ea galasiya ea yaed be mukun ngawen, u taqben ea temple, ngar rungqagged laman Joseph nge kuboech ea tiyoegang’ niyaed be non. Boeching yael ebe gaman ea biyuq urngin nibe mukun”—ni boeching yael eb tagan ea lang.

“Ni yoeg [Elder] George A. Smith, Nap’on ko rran roek Prophet Joseph … [Galasiya] ebe mon’og uwen.’”

Kad falfalaen’ gaed kotiney ea rran, Fare Galasiya roek Yesus Kristus ni fen ko Gidiiq ko tin Tomur-ea rran ebe mon’og uwen, langgin ea naqun, ngu daken ea fayleng i yaen. Re mon’og nem eb muqun ea fare dumuw ko temple ngay nibe yaen nib popoy “nibe yaen u rogon u gum’ingin nikan tay”—ba gum’ingin ni gubin ngiyael’ maboq ea tawqath riy , mebil , michan’ nge maligaech.

Ba ramqen nifel’—Kirtland Temple, nibe yib roek Glen S. Hopkinson, ea dabin copy nag.

Mongfan ni boqor ea Temples?

“Pi profet rodaed ea uroegned ni temple ea bayi suguy daken ea North nge South America, fapi isles of the Pacific, Europe, ngu gubin yang,” President Eza Taft Benson (1899–1994) ni noeg nikakrom i yaen. “Faqan re murwel ney ea ngan muruwliy nib popoy ere ngan rin’, ya bathundreds of temples will be needed.”

Be yoeg President Russell M. Nelson ningad popoy niged i toey ea temples “nib chan ea ke yoeg Samoel ngodaed ningad rin’ed. Fapi tawqath ko temple e be pi’ e ayuw i kunuy piyu Isreal u l’agruw raba’ fare veil. Pit tawqath ney e kube pi’ e ayuw ko gidii’ ni nge fal’eg rogon raed ni ngar ayuwegned e fayleng ni ngar fal’egned e fayleng ko bin Migid e Wub ku Somoel!

U langgin fare mebil niyibley fare the Kirtland Temple, Joseph Smith ea yibliy “ni gubin ea gidii’ nrayaen ngalanggin ea naqun ku Samoel ea yaed ra thamiy gelngin. …

“Ma gamad bening ngoem, Chitmangmad nigab Thothup, ni gamad ea pi tapigpig roem ea bay guchuwgaed i yaen kore naqun ney ni gamad befek gelngim,me fidngam ea bay i par u daken raed, maramqem ea bay i liyeg raed, me pi engel roem ea bay i yiroriy raed“ Doctrine and Covenants 109:13, 22; emphasis added; mukum guy ko verse 23).

Nap’on nugra biqeg ea pi verse nem, Mug lemnag fare likay nitay Nephi nifen ko tin chiney ea rran. Musap ni boed rogon e pi thin: “Me yibi buch ni Gag, Nephi, e gguy fare gelingin fare Saaf ku Got{24, ni yibi aw nga dakean choenggin e galasiya roek’ fare Saaf, ngu dakean fapi gidiiʼ roek’ Somoel ni fal’eg ba m’ag nga thilraed, ni pi’in ni kar garar gaed u fayleng; ni kar longbiyed yaed ko fel’ u gelingin Got u fithik’ e rir” (1 Nephi 14:14; emphasis added).

Bimich u wun’ug ni temples kotin tomur ea rran eb gaqfan ko fare thin ni weliy Nephi nikub gaqfan ko yiroren nge gelngin nnimcheg ngak ea pi yu’yul’ u m’on ko fare Wub ni L’agruw.

Ine duw nike yaen, u nap’on nugbe murwel ni bishop ko fare university ward, Mirigin oewcheg ngak buchipin nib fel’ yangren ko ward roeg. Kube gin oewcheg ngak. Gamnang ni’ir President Emily Belle Freeman, General President ko bpin nib fel’ yangren. E yoeg ulanggin reb ea conference, nu daken ea temple, Yesus Kristus ere chubiydaed nib toelaeng ngabang i ban’en nib thothup.

“Nap’on nugra yaen nga naqun roek, mugnang rebe m’ag nirib gaq u thil mow,” ke yoeg President Freeman. Kug beech ko Yiqal RoekkugfekGelngin makan yibliyegningug ngongliy tafen.”

Michmicheg Gelngin

President Nelson ea iyoeg marngeqgen fare gelngin Yesus Kristus ea bay ko fapi thaq u temple. Machane fek nga dakenem fare yoke roek fare Tathapeg e be yipfan ni rayog ni ngam thapeg fare gelingin Roeknge fare gelingin e bayul roek. Maki michib nag President Nelson:

“Napan gadaedra ayuweg fapi m’ag rodaed nifan e temple, ma rayag ni gadaedra thapeg gelngin Somoel nib gel. Ulan e temple, e rayog ni ngad thapegned e ayuw ko tin nibe buchbuch u fayleng.”

”Fapi gam’ing [Roek Samoel] t’uf e ma m’ag daed Ngak u dakean bugi micheg ko priesthood nib thothup. Ma arame, napan ni gadaed be fol ko fapi m’ag, ma bayi tawa’ath nagdaed ko golnag, me pi’ fen ni gilingdaed. Nge oh, rib t’uf Gelngin ngodaed ko pi rran ni bayi yib ngam’on.

“Fare yafos nge gelngin nib thothup nib t’uf ko gidiiq roedaed ea chiney nge tin kube yib ea rran ea fare gelngin ea Chitmangdaed nge Fak, Yesus Kristus. Rayog Gilingrow ngodaed u daken ea m’ag nigadaed ra ngongoliy u ngorow.”

Gilngin ea Tharmiy ea bagaqfan, brothers nge sisters, nibchan ea gadaed be par kobfayleng nibta denen. Napan ra dariy gilngin, madabyog ningad “pired kore rran nibay yib” fad “sakiy gaed u nap’on nibayi mug” (Malachi 3:2). Daqandaninged ko wiqin ere rran nem, machene pita moeloeg roek eke muq i piq kanib ni “mot’owliy kanawqen” ea wub Roek (Malachi 3:1). Machiney, re fayleng ney ea dar gapas i yaen kore rran nem.

Rib t’uf fare gilngin nikan micheg kopi yul’yul’ ninga ayweg daed:

Ngadapiged Got nge gonpiy ea yafos rodaed.
Makalngan’um mag chugur nigem ku Samoel.
Tawqath, gapas, powi’iy nge pigpig.
“Ere ayweg daed kopi gafgow rodaed, lumel, me fel’eg gum’irchaq daed” (see Mosiah 3:19).
Mugay ea gapas nge falfalan’ ku Kristusu nap’on gadaed be yaen ko fare kanawo m’ag.
Fal’eg rogoy “ko fare rran ko moqruf ” nge “fapi gechig kopi piqen ni kireb” (Doctrine and Covenants 109:46)
Muqnag i muruwliy ea murwel ku Samoel u m’on kobin L’agruw ea Wub Roek.

Sasing ko dome ko Tucson Arizona Temple nipiq James Whitney Young

Matnag ko Salvation

murwel roek ea Chitmangdaed nu Tharmiy “ea ngeyog nag ea yifos nib manemus” (Moses 1:39). Rareb ea temple mabe yip’fan fare plan ko Got, nibsar ngargon mat’won Samoel ulan ere murwel nem.

Gilngin nikan fek, gubin ea bpin nge pumqon niyaed befol-ko fare m’ag—mabgol faday—ni piqen niyaed re fol ko m’ag roeraed ea yire tawqath nag kore yifos ney nge bin kubay yib ea yafos.

Ni ran’ey nibay ko tafney rodaed e ngad athamgil gaed ngad thapeged gelingin ulan fare naqun roek Somoel, min m’ag e tabinaew, min tayfan fapi motochiyel ni kad ted u temple ni’ir era piq e tawqath roek Got ngodaed—ko yafos nib manemus. Pi gum’ing ko temple nge motochiyel ni kam fal’eg uroem e iraram e kiy nira gel nag e yafos roem, mabgol nge tabinaew roem, nge rogon rayog ni ngam sabthriy fare lumel ku moqoniyan’. Tin ni garam tayfan u tempele nge pigpig ni gabe tay ni fan e gidii’ ni kakrom ere tawqath nigem me mon’og nag e yi’iy ni yibe thogthog nag ngoem nge gapas ni ran pi’ ngoem ni kum ul’ul’ ngam par ko fare kanawoqen e motochiyel.”

Gag reb ea Apostle roek Samoel Yesus Kristus, Gube micheg ni p’inn’ey eb riyul’.

© 2025 ko Intellectual Reserve, Inc. Gubin nibay mat’won. Kan yoloey u USA. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Fare Mulwon nifan e Liahona ko biney e pul, ko October 2024.Yapese19359 000