Telbiil, Klisiich, me a Iaksok

Mlara Elder Ronald A. Rasband

Er a Chelechad er a Teruich me a terung el Apostol

A templo e a rengul sel klisichel me a osebecheklel a yaksok el mo er tirkel mekedung ruchei er sel Ongerung Lemei a Rubak el Jesus Kristo.

Zunga ra Joseph Smith el dechor ra medal sel Templo ra Kirtland

Sera Ongeim el buil 1833, eng kel ongeuang el klou el demak el rubak ra Asahel Perry ma re bebil ra rsechelil a mirael ra New York el mora Kirtland, Ohio. Te dimlak el chedal sel beches el mloluut el Ikelesia, ngdi te mle sorir el mesang a Profet Joseph Smith. Te mlo dum el milchir sel kot el ongdibel el mo mesaod er a okedecherul a Templo er a Kirkland.

Nguriul er a bocha lomuchel er a ongdibel, e a Profet a uldersii sel mo chedechedaol el kirel a okedecherur a templo. E ngokor e omekedong er tirkel mla risei me locholt a ngara uldesuir el kirel tial morngii el klou lureor. Ngoumesind er a rechad a millekoi el kmo a Ikelesia a kmal chebuul a bo louedikel el kirel tial ureor. Te melekoi ra okedecherur a kekerei, e diak el meringel a cherar el blai.

Meng merael a cheldecheduch, ea Demak el Rubak er a Perry me a resechelil orrechereched, loltobed a ududir, e mengudel. Aika ng mlo er ngii a medechel el mo harau olengrir el mo remei e olengeseu ra okedecherul a templo? Telal bung ruriul, ea demak el rubak a ulkedii ra Joseph Smith, e otebedii a kleim el kluk el udoud el kolt, e uldersii el mora Profet. (A uai tial ludoud er chelechal taem a ngara telal dart el kluk!)

A Joseph a dilchor er a medal ongdibel e uldersii tial zintsiu ludoud. Ngokor, e mesisiich el melekoi, el dilul kmo “a ureor a mla muchel ea Blil [a Rubak] a mo dechor el oltirakl er sel teletael el bla lodersii” a Rubak el Jesus Kristo.

Sel telungalk ra Perry a di mle telkib e te mlo chedal a Ikelesia el ngara Kirkland, te ngilai a klengeltengat ra templo ra telal rak ruriul ersvel Templo ra Nauvoo, ea uriul e te milobech ra ked el mora Utah.

Sel taem ra Templo ra Kirkland er a lemoterkokl ra 1836, eng kmal mle kekerei el diak el sebechel lotekur a idisir a re Uriul-klebesei el Santo el sorir el ngar sei sel bo lolterkokl er ngii. Ma Ikelesia ra lorael mo klou, me a re idisir a re Santo a ngara miting el ngara rikl. A President James E. Faust (1920–2007), el milesiou el stake president er ngak serak kekerei el chad a ulmekrael er ngak er ak mokedong el General Authority ra 2007, a miltebengii tial ues el kirel a ongerung el templo ra Ikelesia:

“Nguchei ra Templo er a Nauvoo ra bol merek sera 1846 ea re Santo a mo keldibel ra rikl, e blechoel kmeed ra templo, el mo orrenges er a Joseph me a re bebil ra re meredel ra Ikelesia el mengedecheduch. Bebil ra taem ea re telael el chad a ngara ikel longdibel”—molmuut ra le mekngit a eanged sel bebil ra taem.

“Di ua [Elder] George A. Smith lomtab el ngar sel kora otebedechur el teletelel, ‘Sera le temel a Prophet Joseph … [ea Ikelesia] a mlo kdubech el lungil sera le ngara rikl.’”

Kede tmeu a rengud er tial kuk temed, A Ikelesia ra Jesus Kristo er a Uriul-klebesei el Santoi a ungil merael ra rikl, chelsel a blai, me a beluulechad el rokir. Sel lukurulel a uldimukl er a okedecherul a betok el templo el kmal mekedekudem “loltirakl er sel teletael mlodars”—ng teletelel el di blechoel luldimukl ra klengeltengat, chedaol uldars, klaumerang, me a tenget.

A Glorious Light—Kirtland Temple , by Glen S. Hopkinson, diak el kirel moiuiid

Ngerang Meng Betok el Templo?

“A re di mla oeak medad a ulemlaoch el kmo a ikal templo a mo delalem er a beluu ra Diluches ma Dimes ra Merikel, ma ikel iungs ra Taiyeho, Europe, ma ngidil ker,” President Eza Taft Benson (1899–1994) a milekoi ra telal rak ra memong. “Alsekum me tial lureor el melubet a ketmekiil el ngarsel terebel el kirel ngarngii, ea dart el templo a usbechall.”

A President Russell M. Nelson a millekoi el kid a omekedechor a ikal templo el ngar sel mekedekudem el retel er chelechal taem “le Rubak a mla kmu er kid meng kired el meruul. A klengeltengat er a templo olngeseu el mengudel er a Israel le te diul di ngara ikrel eru el oliochel . A ikal klengeltengat a dirrek el molngeseu el kudmekelterir a rechad el mo olengeseu el mengedmokl ra beluulechael kirel Ongeru Lemei a Rubak!

Ngar sel nglunguchel lolterkokl er a Templo ra Kirtland, ea Joseph Smith a miluluuch ma rokui el chad el soiseb er a kerengsel a blil a Rubak bo lolchesuar ra klisichel . …

A kiolengit er kau, Chedaol Chedam, ma re mesiungem le bol tobed er tial blai loba klisichem , ea ngklem bo lobang, e a klebkelem longeluoleu er tir , ea re anghel longkar er tir (mesa Doctrine ma Covenants 109:13, 22 ; smisichii a belkul; mesa el dirrek a bades 23).

Sel kunguiu a ikel bades, ak momdasu ra Nephi er sel ues lilsang ra ikal uriul sils. Uleklatk ra osisiu el llechukl: a Nephi, a milsang a klisichel a Ngelekel a Sib er a Dios , el mle metengel er a resanto er a ikelesia er a Ngelekel a Sib, me a rolab a telbiil el chedal a Rubak, el tir a mle berriid er a beluulechad; te mle bliull er a llemalt me a klisichel a Dios el ngarbab el klebkall (mesa1 Nephi 14:14 ; smisichii a belkul).

A kumerang el kmo a ikal templo ra uriul-klebesei a ngarngii a ngerechelel el klou a belkul er sel lotutel a ulochel a Nephi e orechudel el kirel osebecheklel ma klisichel a iaksok el mo er tirkel mekedung ruchei er sel Ongeru el Lemei.

Telal rak er a memong, sera ak kusiou el bishop er a ward ra daingak, e ak kmal mle chemat ra imol kekerei el dil el ngara ward er ngak. Ng direke omal ra renguk. Ko medengelii el President Emily Belle Freeman, General President ra Rengeasek el Redil. Ngara direke mlo merek el klemechel ra klou el longdibel, e ngulsisechakl el kmo ngokiu ra templo, ea Jesus Kristo a tikeuid el mora ngarbab el terebel ra reng.

“Bek el taem el kuliong er sel maori er a Blil, e ak kumelchesiu ra dmolech el deliongel ra telbiil Lobengkel,” President Freeman a millekoi. “Ak cheledaol lokiue sel Reng er Ngii, oba chedaol klisiich lokiu a Klisichel, e mla moterekokl el momekdubech er a Rengedel.”

Iaksok el Klisiich

A President Nelson a mla melekoi el blechoel el kirel a klisichel a Jesus Kristo el ngarngii el okiu ra ikel telbiil ra templo. “Omerenged el mo ra Osobel a belkul a kmo ngarngii a techellem el mo re Ngii ra klisichel el olsobel,” ngii a melekoi. A President Nelson a dirrek el mla lisechakl:

“E sel doltirakl a telbiled er a templo, eng mo klou a techelled el ngmai olisiich er a Rubak. Chelsel a templo, e kede ngmai osebechakl er a ikel ongetikaik er a beluulechad.”

“A ikel meklou a ultutelel chedaol ruoll er a [Osobel] a rongedid el mo er Ngii lokiu a chedaol telbiil er a priesthood. Me sel, doltirakl a telbiled, e Ngii a ousengk el merkid loba omekungil er Ngii me a mesisiich el Klisichel. E, kid a mo ousbech a Klisichel er a ikal merael mei el klebesei.”

“Sel melemalt e mesisiich el reng el rechedad a ousbech er chelechal taem ma ikel merael mei el sils a sel klisichel a Dios el Chedam me a Ngelekel, ra Jesus Kristo. Kede nguu a techall el mora Klisichir sel doruul e mengeluoleu a telbiil Lobengterir.

A klisiich er a babeluades a ngarngii a belkul, rodom ma rodos, leng kid el kiei ra kmal ktekudel el beluulechad. A lak seikid el klisiich, eng modiak el sebeched el “lotekur sel sils el ngii a mei” malechub “dechor sel ngii le mermang” ( Malachi 3:2 ). Ng diak ke dodengelii sel sils el kmong oingerang, ngdi ngkel Loderchelel a mlamo durokl el mei el “mengetmokl er a rolel” sel Ngii a mermang ( Malachi 3:1 ). Ngdi chelechal taem, ea beluulechad a diak el lokokil merael el kirel sel sils.

Kid a ousbech er a klisiich el iaksok el mo er tirkel mekedeung el molengeseu er kid:

Mei ma Rubak mel kiei ra chelsel a klengar er kid.
Mouchel e bom keed el mora Rubak.
Momekngeltengat, mongelaod, mongetakl, e mosiou.
“Moungil mesisiich a ongarem el me rekid, ngibes el reng, ma chamireng” (mesa Mosiah 3:19 ).
Mngara budech ma deurreng ra Kristo sel dorael er sel rael ra telbiil.
Mongetmokl el kirel sel sils ra omeleseb me sel kereor el mora re dengerengel (mesa Doctrine ma Covenants 109:46 ).
Mrekui a urellel a Rubak ruchei er sel Ngii Lemei ra Ongerung el taem.

Siasing ra blai ra Temple er a Tucson Arizona mlara James Whitney Young

Re Mengkerengel Lolsobel

A urerel a Demad ra Babeluades me a klebkellel a mo kutmeklii a diak el luut ra kodall me a diak a ulebengelel klengar er a chad (mesa Moses 1:39 . A bek el templo a dechor el mengkerengel a uldesuel a Dios er a olsobel el ngara beluulechad, el melutk el mora ngerechelel a Osobel el kirel sel lureor ma klebkall.

Bliuul ra Klisichel, a bek el sechal ma redil mengeluoleu a telbiil— bechiil ma lak—el oltirakl el mengeluoleu a telbiil ra templo a mo mukngeltengat er tial klengar mesel klengar el merael mei.

President Nelson a mla iaksok: “A ulebongel el dersta er kid osiik er ngii a mo ngmai a klisiich er a chelsel a blil a Rubak, mo mouak el telungalek, e blak a rengud loltirakl a telbiil el mekedmokl er a chelsel a templo el ngii a mo uchul e kede mo nguu sel ngarbab el sengk er a Dios— er a diak a ulebengelel klengar. A chedaol ruoll er a chelsel a templo me a telbiil el mruul er a chelsel a ngii a mo smisichii a klengar kau, chelbielem me a telungalek er kau, me a techellem el mo odngakl odechelakl er a cherarou. Sel mongull er a chelsel a templo me a omesiungem el kirir a rebeldekem a mo klengeltengat leko er kau e mo smisiich chedaol ocholt me a budech e smisichii a blak el reng er kau el melemolem el ngara rolel a telbiil.”

Ngak el Apostol er a Rubak el Jesus Kristo, a ouchais a ikang el kmong klemerang.