Tawa’ath u dakean Gelngin nge Mat’won e Priesthood

Yesus Kristus e I’ir e en nlolgen fare Galasia. Ke sumniy e Galasia nifan e tin nib ga’fan e muruwel nifan e nge bayuliynag e gidii’ ko biney e mfen ko gospel ni ku wod rogon fabin e mfen ni kakrom ko napan ni’i moy u fayleng. Udaken e Galasia:

• Mrayag ni nge machib nag e gospel rok’ u dakean e fayleng.

• Mrayag ni nge pi’ e tawfe nge boch fapi m’ag ngodad—nikab mu’un fare m’ag ngay ko kanawo’en ni ngan sul nga gul’il’ungun ko celestial.

• Mrayag ni nge m’ag e tabinaew nga ta’abang ni manemus.

• Mrayag ni nge pi’ fare thawa’ath ko wo’en e thapeg nag, nra un e gidii’ ngay ni dani thapeg u m’on ni yim’.

• Mrayag ni nge pigpig ko tin nib tu’uf rok’ pifak Got ko ngiyal’ ney.

Ra ngan mu’nag i rrin’ e pin’ey nrib ga’fan, min fal’ag rogoy nifan fare wub rok’ fare Tathapeg, ma fare Galasia e bt’uf Got riy ni nge powi’iy, pi’ gelngin, nge mat’won. Biney e Galasia e ir fare “Galasia nibay e chiney nib riyul’” (Doctrine and Covenants 1:30) ni bachan e Kristus e ir e ngongliy rogon me gagiyegnag u dakean gelngin nge mat’won e priesthood Rok’, “Fare Priesthood nib Thothup, u tomuren fare Yarmiy ko fare Fak Got” (Doctrine and Covenants 107:3).

Machane fa’anra dariy e biney e priesthood nib thothup, ma fare Galasia e wod nikemus ni reb e ulung, nibe ayuweg e fayleng nge fel’ machane dariy gelngin ni nge rrin’ ni ga’angin fal’ngin ni nge fal’ag rogon fapi pumo’on nge bpin nifak Got nifan fare falfalaen’ ko yafos ni manechubog me sul ko gin nibay Got riy. Ya u dakean e biney e priesthood, nge fapi kiy ni nge powi’iy ere priesthood ney, ya u dakean e galin’ey me yib mot’woy nge yaram ulan e Galasia.

“Ulan e Galasia, ma gubin e mat’won e priesthood e yima fanay utan pa’ e tin ba’aray e gidii’ ni bay fapi kiy ko priesthood roraed.

“Chonggin e Galasia nib pumo’on nib fel’ thawingraed e yadma thapeg mot’won e priesthood roraed u dakean e priesthood ni yima pi’ nge gam’ing riy ko fapi office ko priesthood. Gubin chonggin e Galasia ma rayag ni ngar fo’od niged e ayuw u dakean fare mot’won napan ni bay ni mel’eg ngareb e murwel ko pigpig nifan e muruwel rok’ Got.”

U dakean fapi kiy ko priesthood, ma gubin e muruwel rok’ Somoel nib ga’fan era gel ko gubin ban’en. Dariy be’ nrayag ni nge rrin’ rok’ ni yigo ir rok’ ni dar puluw ko tin nibe powi’iy Got. Dariy be’ nrayag ni nge mon’og ko ngonglen e gam’ing nib fal’ngak’, nikemus nibe rrin’ nikemus nifan ngak.

Priesthood e rikab ga’fan ulan e tabinaew ko fapi chonggin e Galasia. President Dallin H. Oaks, Bin Somm’on e Counselor ulan fare bin Somm’on e Presidency, e machib nag, “Biney e yalen ni fare mat’won e priesthood e rayag ni ngan fanay u tan mat’won e en nibay fapi kiy ko priesthood rok’ nifan e tin nib ga’fan ulan e Galasia, machane biney e darma un e tabinaew ngay.” Chitamangin e tabinaew e yaed e yaed ma muruel ko fare gelngin e priesthood ulan e tabinaew roraed—puruy’gad u ta’abang, mo’olung ko tabinaew, rapi’ed fare priesthood fa fare tawa’ath ko priesthood ni nge gol nag e tabinaew roraed fa ngak be’, nge boch ban’en—ni dariy be’ nibe gagiyeg nag raed fa mat’won nike pi’ be’ ngorad nibay fapi kiy ko priesthood rok’.

“Ta’ab motochiyel e ba’ napan ni demoy fare chitamangiy nge chitinngiy ni baga’ lungun u lane tabinaew. Ma powi’iy e tabinaew rok ma feek gelngin nge meybil ko fare priesthood nga lane tabinaew rok u dakean e endowment rok nge chiyliy u lane temple.”

Priesthood: Fare Gelngin ninge Tawa’athnag

Fare fan gelngin nge mat’won e priesthood nike fulweg Yesus Kristus e nge tawa’ath nag e gidii’. Ma pi’ gelngin chonggin e Galasia ni ngar fanayed fare gelngin Got ngar tawa’ath niged mi yad pigpig ngak e gidii’ ulan e Galasia, ulan e tabinaew, nge dakean e fayleng. Chonggin e Galasia e yaed be un ko muruwel rok’ fare Tathapeg ko wo’en e thap nge wo’en e n’uf ngalang ko falfalaen’, ni yad be fanay gelngin e biney e tawa’ath nge gelngin nib gel ngorad ngar pi’ed e ayuw ko gul’il’ungun Got ni nge sug u dakean e fayleng (muguy ko Doctrine and Covenants 65:2, 5–6).

Somoel e ke weliy ni “biney e priesthood ko [Melchizedek] nib gel nibe machib nag e gospel ma kubay fapi kiy riy ko tin ni mornga’agen gul’ul’ungun Got, nge llowaen’ ku Got nikemus ni’ir e manang.

“Ere, ulan fapi gam’ing, fare gelngin tirok Got ea bayi m’ug.

“Ma fa’anra dariy fapi gam’ing riy, nge fare mot’won fare priesthood, ma fare gelngin Got e e dabiyag ni nge dag ngak e gidii’’ (Doctrine and Covenants 84:19–21).

Fapi gam’ing, e wod, fapi gam’ing nima pi’ e priesthood ni wod e sakrament ni gadaed ma ngongliy e m’ag ngak Got, nra tabab ko tawfe min ul’ul’ ngan thapeg e m’ag ulan e nu’un rok’ Somoel. U dakean e pi m’ag ney ni gadaedra fol riy e yira thilyegdad ko fare “fekyathin” ngad manged gidii’en Got (muguy ko Mosiah 3:19) ni udakean fare bayul rok’ Kristus ma yira yibliyem ngam polo’—ni dakuriy e kireb rom fa denen rom—u powchen Got (muguy ko Doctrine and Covenants 20:29–31; 3 Nephi 27:16–20).

Biney e thin nike yib ko “Fare Sulyarmen nike Polo’ Ga’angin ko Gospel rok Yesus Kristus: Bugithin ko Proclamation ngak e Fayleng,” nike yib rok’ fare bin Somm’on e Presidency nge Council ko fare Ragag nge L’agruwi Apostels, ni weliy e biney nrib puluw rogon ngay:

Gamaed be yoeg ni Fare Galasia ku Yesus Kristus ni Fan ko Gidii’en Got ko Tin Tomur e Rran, e ni yarmiy ko April 6, 1830, ni’ir fare Galasia Rok Kristus nib Be’ech nike sulyarmen. Biney e Galasia e kan yuluy nag nib fel’ rogon nibay e en nib ga’ riy, ni’ir Yesus Kristus, nge fare Bayul Rok nge fare Foskoyam’ ni tay. Yesus Kristus e ke yarmiy biyay fapi Apostles rok ma ke pii’ ngoraed gelngin e priesthood. Be piningdaed ni gubin ningaed bad Ngak nge Galasia Rok, ningan thapeg e Kan ni Thothup, nge fapi gam’ing ko thap, nge falfalaen’ ni manemus.”