Kapaidahr sang Manaman oh Mweimwei en Prihstuhd

Sang Elder D. Todd Christofferson

En Pwihn en Wahnparon Ehk Riemeno

Tohn Mwomwodiso kin dodohngki manaman en Koht ni papah oh kapaiada mehteikan Nan Mwomwodiso, ni ihmw akan, oh Nan sampah pwon.

Aht Kadehde Ong sampah me prihstuhd Sarawi en Koht inenen kesempwal Ong Sapwelime dodohk en mour oh komourala, me karehda ah kapwurehdo prihstuhd en sampah pwehki sang ni kahrepeo, oh e mweimwei ongehr Mwomwodiso en Sises Krais en Souleng en Imwin-Rahn akan.

Kesempwal pen Manaman oh Mweimwei en Prihstuhd

Sises me wia Tapwin Mwomwodiso. Mwomwodiso wia dipwisou en dodohk ehu me E kawadahr pwehn kanekehla dodohk kesempwal en wahdo aramas akan Nan rongamwahu wet duwehte Nan mwehi me e kouson kier pohn sampah wet. Nan Mwomwodiso wet:

E kak kalohki Sapwelime rongamwahu o Ong sampah.
E kak kihda pepdais oh Songen inou teikan—pil iangahki inou en kolahng Sapwelime wehi en celestial.
E kak kihpene peneinei en mihpene kokolahte.
E kak kihda kisakis en komouro, pil iangahki Ong irail akan me mehlahr ahpw sohte alehdi.
E kak sewese anahn akan en sapwelimen Koht seri kan me pahn kohdo.

En kanekehla kahrepe laud pwukat, oh kounopada Ong ketidohr Sounkomouro, Mwomwodiso wet anahne kaweid en Koht, mweimwei, oh manaman. Mwomwodiso wet iei “mwomwodiso mehlel” (Doctrine and Covenants 1:30) pwehki Krais kihdi Sapwelime Kaun oh manaman sang ni Sapwelime Prihstuhd, “Prihstuhd Sarawi, mwurin kosondi sang rehn Iehros en Koht” (Doctrine and Covenants 107:3).

Ahpw Ong Prihstuhd Sarawi wet, Mwomwodiso wia Pwihn kesempwal ehu, wiewia mehkot mwahu Nan sampah ahpw sohte kak alehdi kahrepe me keieu kesempwal iei en kounopada seri en Koht akan Ong popohl soutuk Reh. Pwehki Prihstuhd wet, oh kih en Katanga dodohk en prihstuhd, mie mweimwei oh kosondi en Mwomwodiso wet.

“Nan Mwomwohdiso, mweimwei kan koaros en prihsduhd kin wiawi pahn kaweidpen irail kan me kolokol kih kan en prihsduhd.

“Ohl me warohng kan en Mwomwodiso alehdi mweimwei en prihstuhd sang ni mweimweidahn Prihstuhd oh kasarawilahn wiahla Prihstuhd men. Towe en Mwomwodiso koaros kak dodohngki mweimwei wet ni arail pahn kasarawilahn de pwukoahki dodohk en kanekehla sapwelimen Koht dodohk.”

Sang ni kih kan en prihstuhd, sapwelimen Kauno dodohk pahn kin ansou koaros pweida. Sohte me kak wiahda pein ah kosondi me sohte mih ni Sapwelime kaweid. Sohte me kak pweida ni dodohk en priestcraft, raparapahki en Pein dehdekila oh pein kin idahwen pein ah kosondi.

Priesthood pil wia mehkot kesempwal nan imwem tohn Mwomwohdiso wet. President Dallin H. Oaks,Tepin padahk en prihsduhd men pahn kin doadoahk te pahn kaweid pen emen me kolokol kih kan me kin doadoahk nan mwomwohdiso ahpw kaidehn ong peneinei. Pahpa kan kin kaunda oh doadoahngki priesthood nan imwarail akan—counseling, kaunda an peneinei tuhpenen kan, kieng priesthood de kamwauehla peneinei kan de mehtei kan, oh pil song teikan—sohte anahnepen kaweid de mweimwei sang emen me kolokol key kan en priesthood.

“Mehlel wet kin doadoahk ansou me pahpao sohte kin mie oh nohnou me wia moangen peneinei o. E pahn kauhnda nan ihmwe oh wia dipwisou en doadoahk en wahdo manaman oh kapai kan en prihsduhd o nan ah peneinei sang ni ah kasarawihlar oh katengtengdier nan tehnpas sarawio.”

Kapwurpwurdohn Priesthood nan Atail Ansou

May 15, 1829

Kapwurpwurdohn mweimwei en priesthood ong rahn pwukat kin wiawi ni kosondi, en keirekidi ehu. Pwoahson en pwuhk sarawi en nan rahnpwukat, Pwuhk en Mormon, me kawehwepe wiawi nan 1829, Kauno tapiadahr Sapwelime priesthood. Ni pasapengpen an Joseph Smith oh Oliver Cowdery’s kapakapiki duen papdais, John souhn Papdais pwarehng ira oh kieng ira Aaronic Priesthood, me “kolokol key kan en apwaliada tohnleng kan, oh rongamwahu en kouluhla, oh Papdais en koduhdi sang dihp” (Doctrine and Covenants 13:1). Sang mweimweiwet, Joseph oh Oliver papdaisihla emen emen oh mwuhr ekei aramas ni Mwomwohdiso ah koukouda.

Mwurin May 15, 1829

Sohte pwainda mwurin Sohn papdaisla ah pwaredo, wahnporon en mahsoko Peter, James, and John pwoarda oh kihla me keioun laud, de Melchizedek, priesthood, ingahki “key kan en Nan kanihmwo, oh irair en rongamwahuo … ni mpwungen mehkoros” (Doctrine and Covenants 27:13; pil kilang 128:20).

April 3, 1836

Ekei kisehn Prihsuhd me anahn kohdo mwuri ansou, Nan Tehnpas Sarawi en Kirtland, soukohp en mahs silimen, iei Moses, Elias, oh Elijah, pwarohng Joseph Ih Oliver oh kihong Ira kih kan en kihpene mehn Isrehk ih dodohk kan me kin wiawi Nan Tehnpas en Kauno (kilang Doctrine and Covenants 110:11–16).

Summer 1829–April 1835

Kokohp akan sansal Nan Doctrine oh Covenants me kohsang Soukohp Joseph Smith me iangahki kasarawi laud kan Ong ohl akan (Melchizedek) oh kounopadahn (Aaronic) prihstuhd kan; ansou en Tuhpenehn Pwihn en prihstuhd kan, me iangahki bishop akan; oh Pwihn en prihstuhd quorum oh soun Sarawi akan.

1835–1973

Soukohp kin kaweid priesthood oh wiepehkan en Nan Mwomwohdiso wet. Ni karasepe, isiakan kan koukouda Nan Kirtland pwe en sewese Kuorem en Ehk riemeno. Mwurin aramas tohto ah mwesel sang Pali Kapi oh koukoudahn tohn Mwomwohdiso Nan wasa tohto, Kuorem pwukat kilelehdieng en doadoahk nan stake en Mwomwohdiso wet.

1973–Present

Nan mwein Presidents Spencer W. Kimball (1895–1985), Ezra Taft Benson (1899–1994), and Gordon B. Hinckley (1910–2008), Pwihn en Isiakan kan oh neitail quorum kan tapida dodohk pahn kaweid en Pwihn en Ehk Riemen ni dake kan en Mwomwodiso oh wasa kan me Mwomwodiso ahneki. Kuorem en stake pahn sohla. Rahnwet, Pwihn en Ehk Riemen en General Authority oh Pwihn en Isiakan kan sewese Wahnparon akan “nan kawada Mwomwodiso oh kosonehdi sohng kan koaros en duwepehnete Nan wehi kan koaros” (Doctrine and Covenants 107:34). Kuorem en isiakan kak wiawihda ni Mwomwohdiso ah pahn laudila.

Elder Christofferson kasamwoh brother Sampson oh Amako Nan Gambia, West Africa, nan February 2022.

Priesthood: Manaman en Kapaiada

Ni lepin kosoi, kahrepen manaman en priesthood oh manaman me Sises Krais Kapwurehdo iei men Kapaiada aramas,. E mweidohng tohn Mwomwodiso kan en dodohngki manaman en Koht ni arail pahn papah oh kapaiada mehteikan Nan Mwomwodiso, Nan wasahn kouson kan, oh wasa koaros Nan sampah. Towe kan iang Ih Sounkomouro oh kanekehla Sapwelime dodohk en komour oh lapalap, ni arail alehda kisakis Kapwuriamwei kan oh manaman me sikilahsang pein arail Ong ni sewese wehin Koht en keirida oh audehda sampah (kilang Doctrine and Covenants 65:2, 5–6).

Kauno ketin kawehwehdi me [Melchizedek] prihsduhd kin kaweid rongamwahu wet oh kolokol kih kan en doadoahk sarawi kan me kin sohte sansal nan wehio, oh me pil iangahki kih kan en eripit en Koht.

“Eri, manaman sarawi kan iei me sansal nan tiahk sarawi kan en Melkisedik Prihsduhd.”

“Oh ma sohte tiahk sarawi kan, oh pil mweimwei en prihstuhd, manaman en Koht sohte pahn kak kohiong pohn aramas me wie uduk” (Doctrine and Covenants 84:19–21).

Tiahk sarawi kan, udahn, irail me alehdi kasarawihn-prihstuhd de kamadipw Sarawi me kitail kin wiahiong atail inou Ong Koht, tepikihda pepdais oh doulahte Nan inou kan me kitail kin alehdi Nan Tehnpas en Kauno. Sang ni kolokol inou kan me pahn kahreiong atail wekilahsang “udahn” ohl oh lih emen Ong Souleng kan (kilang Mosiah 3:19 sang ni tomw pen Krais kasarawihla—sohte dipe de mweimwei—ehu mwohn Koht (kilang Doctrine and Covenants 20:29–31; 3 Nephi 27:16–20).

Ire wet sang “Kapwurupwurdohng Rongamwahu en Sises Krais ni unsek: Kalohk Ehu Ong Sampah,” sang Irail keieu en Presidency oh Soun Sawas akan en Wahnparon Ehk Riemeno, kasalehda ire me konehng:

“Se kadehdehki me Mwomwohdiso en Sises Krais en Souleng en Imwin Rahn Akan, me wiawiadahr Epreil 6, 1830, wia Sapwelimen Krais Mwomwohdiso en Kadehde Kapw. Mwomwohdiso wet poahsoanda pohn mour unsek en takain pwukokeimwo, Sises Krais, oh Sapwellime Tomw soutuko oh Iasadao. Sises Krais ketin pwurehng malipehier Wahnpoaron akan oh ketkihong irailehr mweimwei en prihsduhd. E ketin luke kitail en kohdo Reh oh towehda Sapwellime Mwomwohdiso, oh alehda Ngehn Sarawi, oh tiahk sarawi kan en komourla, oh alehda popohl soutuk.

© 2025 sang Intellectual Reserve, Inc. All rights reserved. Intingda nan USA Kamanaman ong Lokaiahn Wai: 6/19. Kamanaman ong Kawehwe: 6/19. Kawehwehpen Padahk en Liahona ong nan Ehu Ehu Sounpwong kan, September 2025. Pohnpeian. 19604 885