Mukngeltengat lokiu a Ngerachel me a Klisiich er a Priesthood

A Jesus Kristo a bdelul a Ikelesia. Ea Ikelesia a dongu el Ngii a mla toketekii el mo mengedmokl a meklou a ultutelel ureor el kirel osebelir a rokui el chad er tial lulebongel taem el di uai se er a lekiei er a beluulechad. Ngokui a Ikelesia:

• E Ngii omerk er a ebangkelio er Ngii er a beluulechad el rokir.

• E Ngii a meskid a techolbechelid me a rokui el telbiil— luldimukl er a rolel a telbiil el bedul a rengedel a celestial

• E Ngii a sebechel lomak a telungalek el mo er a ulebongel.

• E Ngii a meskid a sengk er a mo suobel, luldimukl er tirkel mla mo dibus.

• E Ngii a olngeseu er a ikel lousbech a rengelekel a Dios er chelechal taem.

A mo uchul a kedmeklel tial meang el moktek, me a luut er a Osobel mei, e a Ikelesia ousbech a melemolem lulekrael er a Dios, ngerachel, me a klisichel. A Ikelesia a merang el Ikelesia (Doctrine and Covenants 1:30) le Kristo a tilketekii lokiu a dereder Ngii me a klisichel a priesthood er Ngii, el ngii a Chedaol Priesthood, loltirakl er a Ngelekel a Dios (Doctrine and Covenants 107:3).

E le lak tial chedaol priesthood, e a Ikelesia a kuk di ta er a chelechad, el meruul a ungil er a beluulechad eng di diak a klisichel mo er sel ngarbab el moktek er ngii el mengedmokl er a rsechal me a redil ngelekel a Dios el kirel a deureng er a diak a ulebenglelel klengar er a Rngedel. Tiaikid el priesthood, me a kiis lorrurt a urerel tial priesthood, e ngarngii a ngerachel e chelderoder a urerel a Ikelesia.

“Chelsel a Ikelesia, ea rokui el ngerachel er a priesthood a oureor lokiu a dereder er tirkel lolab a kiis er a priesthood.

“A reklikiid el sechal chedal a Ikelesia a nguu a ngerachel er a priesthood lokiu omor er a chim e moterekokl el mo er a obis er a priesthood. A rokui el chedal a Ikelesia a sebechir el nguu a ngerachel sel moterekokl a lechub e te mokedong el mo olngeseu meleketek er a urerel a Dios.”

Ngokiuu a kiis er tial priesthood, e a ikel soal a Rubak a mo mekedmokl. Ng diak a chad el di oba sel soal a rengul el diak loltirakl a ulekrael er Ngii. Ng diak a mo ngeltengat er a omeruul el olai, losiik er a di mo ungil er ngii me a rechad el mo oltirakl er ngii.

A priesthood a dirrek el klou a urerel er a chelsel a telungalek er a rechedal a Ikelesia. A President Dallin H. Oaks, Kot el Counselor er a First Presidency, a ulisechakl el kmo, “A deruchellel a priesthood a sebechel mekedmokl el di ngara cheungel a dereder er ngike el ngii a oba kiis er sel teletael a klou a ultutelel er a Ikelesia, e ng di ng diak el mekedmokl er a chelsel a telungalek.” A rechedam a bdelul e ousbech er a priesthood er a telungalek er tir—el mellach, e oumiting lobengkel a telungalek, omekngeltengat e omekungil er a rechedal a telungalek me a rebebil, me a lmuut el bebil—el diak lolai er a kengei er a chad lolab a kiis er a priesthood.

“Osisiu el teletael a meruul sel sekum e a chedam a dibus e a chedil a ngii a bdelul a telungalek. Ngii a bdelul a blai e ngii a usbechall el melai a klisiich me a klengeltengat er a priesthood el mei ra blil lokiu a klengeltengat me a omerenged er a templo.”

Priesthood: Klisiich Lomekngeltengat

Ng belkul a kmo, a moktek er a ngerachel me a klisiich er a priesthood el Jesus Kristo mla olutii a mo omekngletengat. Ng mesterir a rechedal a Ikelesia el mo ousbech er a klisichel a Dios el mesiou e omekngeltengat er a rebebil er a chelsel a Ikelesia, blai, me a beluulechad el rokir. A rechedal a ikelesia obengkel Osobel el mengedmokl er a Urerel lolsobel, lultuil er a chedaol sengk me a klisiich lengelakl er a di klisichir lolngeseu el meleketek er a rengedel a Dios er a beluulechad (mesa Doctrine and Covenants 65:2, 5–6).

A Rubak a mla smodii el kmo tial ngarbab el Melchizedek Priesthood a mengedmokl a kedmekill er a ebangkelio e oba kiis er a ikel ongasireng el tekoi, luldimukl er a kiis er a klemedengei er a Dios.

A le uasiei, e a klisichel a kledios a mocholt lokiu chedaol ruoll.

Le lak aika el chedaol ruoll, me a ngerachel er a priesthood, ea klisichel a kledios a diak le bo er a chad (Doctrine and Covenants 84:19–21).

Ng uaisei, el chedaol ruoll, a omeruul er a priesthood a lechub eng sakrament el kid a meruul a telbiil lobengkel a Dios, lomuchel er a techolbechelid e melemolem er a ikel telbiil el bo dengai er a blil a Rubak. Ng otirekled er a ikal telbiil e kid a obult er sel di “klechad” el mo sechal me a redil el santo (mesa Mosiah 3:19) lokiu a krasia er a Kristo e kede klikiid—e mesuld a kngtid—er medal a Dios (mesa Doctrine and Covenants 20:29–31; 3 Nephi 27:16–20).

Tiakid el tekoi “Olutel a Cherrengelel a Ebangkelio er a Jesus Kristo: Eru el Dart el Rak el Chisel mo er a Beluulechad,” lokiu a First Presidency me a Chelechad er a Teruich me a teru el Apostol a kmal ungil meketeklii:

“Aki ouchais el kmo a Ikelesia er a Jesus Kristo er a Uriul-klebesei el Santo, el ulemuchel se er April 6, 1830, a Ikelesia er a Kristo er a Beches el Renged e mla moluut. Tia el Ikelesia a delalm er a cherrungel el klengar ngike el ngii a mesisiich el dodai, el Jesus Kristo, me a sel Klou el Tngakireng er Ngii me a Okiis er a Kodall. A Jesus a mla lmuut el omekedong er a re Apostol e mla mesterir a ngerachel er a priesthood. Ngii a olengit er kid el rokui el mo er Ngii me a Ikelesia er Ngii, e mo nguu a Chedaol Reng, me a chedaol ruoll er a mo suobel, me a diak a ulebengelel el deurreng.”