Ahkinsewowoyeyuhk ke Wal ac Kuh luhn Pristut

Jisus Kraist pa sifac ke Alu uh. Alu uh pa kuhfwen mwe orekma se El oraclah in ahkfahsryelah orekma ma eneneyuhk nuh ke molwelah luhn mwet nuhkwewa ke lwen sahflah inge oacna ke pacl se El tuh moul muhta fin facluh ah. Ke Alu uh:

• El kuh in fahkwelihk wosasuc Lal fin facluh nohfohn.

• El kuh in use nuh sesr pacptais ac akwuhk nuhkwewa sahyac—finne nuh ke innek in pwen kuht nuh ke tohkohsrahi celestial Lal.

• El kuh in oracni sucu uh nuh tok ma pahtpaht.

• El kuh in use nuh sesr mwe sang luhn moul ma pahtpaht, finne nuh selos suc misac tiacna eis.

• El kuh in sang enenuh luhn tuhlihk nuhtin God in pacl inge uh.

In ahkfahsryelah sripac yohk inge, ac in ahkolah nuh ke sifilpac fohlohk luhn Mwet Lahngo, Alu uh enenuh kolyuhk luhn God, wal Lal, ac kuh Lal ke pacl nuhkwewa. Alu uh pa alu pwacye ac oasr fin facluh misenge (Doctrine and Covenants 1:30) ke sripen Kraist El tahfuh ke kolyuhk Lal ac kuh Lal ke pristut Lal, suc pa Pristut Muhtahl, tukun Masap luhn Wen nuhtin God (Doctrine and Covenants 107:3).

Tuhsruhktuh ke pristut muhtahl se inge, Alu uh ac u se na lac , e oruh ma wo fin facluh tuhsruhktuh wacngihn kuh la in oruh srihpac yohk se emet in ahkoelah wen ac acn nuhtin God nuh ke engan ke moul ma pahpaht Yohrohl. Ke pristut se inge, ac ki in kol orekma luhn pristut se inge, oasr wal ac kuh ac ma nuhkwewa tahklac wo ke Alu se.

“Ke Alu uh, wal luhn pristut nuhkwewa orekmakihnyuhk ye kolyuhk luhn elos suc sruok ki luhn pristut.

“Mukul nuhkwewa ke alu muh wo ac fal eis wal ke pristut ke ahkweyeyucklac ac pahng nuh ke ohfuhs luhn pristut. Nohfohn mempuhr ke Alu uh kuh in ahkyohkye wal se ituhkyang nuh selos inge ke elos suleyucklac kuh pahng in kahsruh ahkfahsrye orekma luhn God.”

Ke ki luhn pristut, orekma yohk sripac luhn Leum fah kuhtanglah ke pacl nuhkwewa. Wacngihn sie mwet kuh in sifacna oakiyac akwuhk la ma tiacna fahsr fal ke kolyuhk Lal. Wacngihn mwet kuh in orwaclah wo ke wal ac kuh se sel ingacn, fin el suk in wo nuh sel sifacna.

Pristut oacyacpac oruh orekma yohk lun lohm sin mempuhr ke Alu uh. Prestuhn Dallin H. Oaks, Mwet in kahsruh se met ke Prestuhnsi Se Met, luti lah, “Wal luhn pristut kuh in orekmakihnyuck tukun sie mwet ma sruok ki luhn pristut nuh ke orekma se muhkwena pa yohk srihpac nuh ke Alu uh, tuhsruhk tiacna oacna sie ke sucu.” Pahpah uh karihngihn ac ahkyohkye pristut ke sucu lalos—sang kahs in kahsruh, oruh toeni luhn sucu, sang mwe insewowo luhn pristut kuh ahkkweyeyuhk nuh sin mwet ke sucu kuh mwet sahyac, ac kuhtuh pac sahyac—suc tiacna enenuh kolyuhk kuh kuh luhn sie mwet ma oasr ki luhn pristut se.

Mwe luti se inge oacyacpac sikyak finne pahpah el wacngihnlac ac ninac el pa mwet kol ke sucu. El muhta in karihngihn ke lohm sel ac el pa yohk srihpac in use kuh ac mwe insewowo luhn pristut nuh ke sucu lal ke mwe sang ac sili ke tempuhl.

Pristut: Kuh in Ahkinsewowoye

Sripac luhn wal ac kuh luhn pristut ma Jisus Kraist el fohlohkohnwack pa in ahkinsewowoye. El lwelah nuh sin mempuhr ke Alu uh in orekmakihn kuh luhn God in kuhlwacnsapuh ac ahkinsewowoye mwet sahyac ke Alu uh, el lohm ah, ac fin facluh nohfohn. Mempuhr uh wi Mwet Lahngo in ahkfahsryelah orekma Lal ke moul ma pahtpaht ac moul yurin God, orekmakihn mwe sang wolacna ac kuh yohk liki lalos sifacna in kahsruh tohkohsrahi luhn God in kapwack afuhnlah facluh nohfohn (liye Doctrine and Covenants 65:2, 5–6).

Leum El tuh ahkuhtweyac lah Melchizedek Pristut karihngihn wosasuc uh ac sruok ki lukmac ke tohkohsrahi uh, finne ki nuh ke etwacack luhn God.

Ohinge, ke akwuhk tahklac inge, kuh luhn God kuh in ahkkahlwemyeyuhk kac.

Ac fin ac wacngihn akwuhk ma tahklac inge, ac wal luhn pristut, kuh luhn God ac tiac ahkkahlwemyeyuhk nuh sin mwet uh ke mahno (Doctrine and Covenants 84:19–21).

Akwuhk uh orekma muhtahl ke pristut kuh kuhfa luhn Leum suc kuht orwaclah olwelah lasr sin God, muhtwacwacack ke pacptais ac tahfwelah ke wuhlweacng kuht eis lun lohm sin Leum. Ke kuht liyacacng olwelah inge kt eklac liki moul in mwet lasr nuh ke mwet luhlahlfongi (liye Mosiah 3:19) Ke kihsackuhnlah luhn Kraist ac eklac kwewana pwacye ac nwacsnwacslah—wacngihn ma koluk la—ye muhtuhn God (liye Doctrine and Covenants 20:29–31; 3 Nephi 27:16–20).

Ke “The Restoration of the Fulness of the Gospel of Jesus Christ: A Bicentennial Proclamation to the World,” el fahk:

“Kuht fahkwack lah Alu luhn Jisus Kraist luhn Mwet Luhlahlfongi ke Lwen-sahflah, tuh akwucki ke Eprel 6, 1830, pa Alu ke Wuhlweacng Sasuc luhn Kraist ma fohlohkihnyuckyak. Alu se inge kawuhki ke moul suwohswohs luhn eot in sruhwasrihk, Jisus Kraist, ac ke Iwaclah ma pahtpaht ac Sifilpac Moulyak na pwacye. Jisus Kraist El sifilpac pahngon Mwet Sap ac sang nuh selos wal luhn pristut. El suli kuht nohfohn in tuhkuh nuh Yohrohl ac Alu Lal, in eis Nguhn Muhtahl, akwuck luhn molwelah, ac in eis engan ma wacngihn sahflahiyac.”