Il-Verità ta’ Ħajjitna

It-Tfittxija Tagħna għall-Verità

F’dawn iż-żminijiet li aħna ngħixu fihom, aktar għarfien huwa disponibbli għalina minn qatt qabel. Fil-passat, jekk rridtu tkunu tafu xi ħaġa, kellkom tmorru fil-librerija u tfittxuha. Illum l-internet u l-apparat li jinżamm fl-idejn jipprovdu aċċess għal informazzjoni kważi bla tmiem li nistgħu nsibuha kważi b’mod immedjat.

Il-Mulej jinsab kuntent meta aħna nagħmlu użu għaqli mir-riżorsi disponibbli għalina, iżda Huwa pprovdielna dan il-kunsill bla żmien: “Fittxu b’diliġenza u għallmu kliem ieħor tal-għerf; iva, fittxu mill-aqwa kotba kliem l-għerf; fittxu li titgħallmu, anke permezz tal-istudju kif ukoll permezz tal-fidi” (Duttrina u Patti 88:118). Huwa jħeġġiġna biex nitgħallmu dwar id-dinja ta’ madwarna (ara Duttrina u Patti88:79; 93:53), iżda fit-tfittxija tagħna għall-verità, għandna nħarsu lejn Alla, li ”jifhmu kollox, u kollox jinsab quddiemu, … u hu fuq kollox, … u kollox hu minnu, u minnu” (Duttrina u Patti 88:41).

Fost il-veritajiet li tana Alla, waħda mill-aktar fundamentali għal ħajjitna fid-dinja hi li Hu Missierna fis-Smewwiet. Aħna lkoll spirti wliedu. Alla jafna u jħobbna perfettament. U bħala wliedu spirti, aħna għandna natura divina u destin divin. Li aħna nifhmu u nħaddnu dawn il-veritajiet eterni jagħtina l-identità, il-valur u l-għan li birkuna u mmexxuna fil-ħajja tagħna qabel din id-dinja u se nkomplu nagħmlu dan issa u għal dejjem.

Aħna Konna mal-Missier fil-Bidu

Hekk kif infittxu l-verità tal-ħwejjeġ “kif kienu,” aħna niskopru dan il-kliem mingħand is-Salvatur tagħna, Ġesù Kristu: “U issa, fis-sens tiegħi ngħidilkom, jiena kont fil-bidu mal-Missier, u jiena l-Ewwel tarbija,“ u “intom ukoll kontu fil-bidu tal-Missier” (Duttrina u Patti 93:21, 23).

Qabel ħajjitna fid-dinja, aħna attendejna kunsill fis-smewwiet fejn Missierna fis-Smewwiet ippreżenta l-pjan kbir tiegħu ta’ ferħ. Il-Profeta Joseph Smith għallem li l-motivazzjoni ta’ Alla għall-pjan tiegħu hi li jagħtina “privileġġ li nimxu ’l quddiem bħalu nnifsu [u] … jiġi eżaltat miegħu nnifsu.” Il-ħidma u l-glorja ta’ Alla huma li “jġibu fis-seħħ l-immortalità u l-ħajja eterna tal-bniedem” (Mosè 1:39).

Aħna eżerċitajna l-volontà tagħna u għażilna li nimxu wara l-pjan ta’ Missierna fis-Smewwiet. Aħna ġejna mberkin li nitwieldu f’din il-ħajja, fejn aħna nkomplu nkunu volontarji u nistgħu nesperjenzaw il-mortalità, nitgħallmu, u navvanzaw lejn il-ħajja eterna.

Tul il-vjaġġ mortali tagħna, aħna nesperjenzaw ċerti sfidi u diffikultajiet. Iżda m’hemmx għalfejn niffaċċjaw l-avversità tal-ħajja weħidna. Joseph Smith għallem li Missierna fis-Smewwiet, “il-Ġenitur il-Kbir tal-univers[,] iħares lejn il-familja umana kollha b’kura u rispett patern.“

Missierna fis-Smewwiet, “Missier il-ħniena, u Alla ta’ kull faraġ,” iberikna, jelevana u jfarraġna “fit-taħbit kollu tagħna, sabiex inkunu kapaċi nfarrġu lil dawk li jinsabu f’kull inkwiet, bil-faraġ li permezz tiegħu aħna mfarraġin minn Alla” (2 Korintin 1:3–4). Bħala parti essenzjali mill-pjan tiegħu, Missierna fis-Smewwiet ipprovdielna t-triq biex nerġgħu lura għandu.

It-Triq lejn Missierna

Il-verità “tal-ħwejjeġ kif fil-fatt huma“ (Ġakobb 4:13) hija ċara: aħna ma nistgħux nilħqu l-potenzjal sħiħ tagħna bħala wlied Missierna fis-Smewwiet weħidna. Ġesù Kristu, l-Iben il-Kbir tal-Missier fl-ispirtu, patta li jkun is-Salvatur u l-Feddej tagħna.

Ġesù Kristu, “l-Uniku Imnissel tal-Missier, mimli grazzja u verità, sewwasew l-Ispirtu tal-verità, … ġie u għammar fil-ġisem, u għammar fostna“ (Duttrina u Patti 93:11). Huwa ġie biex jurina t-triq biex insibu l-ferħ, it-tifsira, u l-ferħ f’din il-ħajja u fl-eternità.

“Għax Alla hekk ħabb lid-dinja li ta lil Ibnu l-waħdieni, biex kull min jemmen fih ma jintilifx, iżda jkollu l-ħajja ta’ dejjem.

“Għax Alla ma bagħatx lil Ibnu fid-dinja biex jagħmel ħaqq mid-dinja, imma biex id-dinja ssalva permezz tiegħu.” (Ġwanni 3: 16–17).

L-esperjenza tas-Salvatur fid-dinja hija importanti. Hu “għall-ewwel ma rċieva l-ebda milja, iżda rċieva grazzja għall-grazzja” (Duttrina u Patti 93:12). Huwa kiber sakemm ”huwa rċieva l-milja tal-glorja tal-Missier” u “kull qawwa, kemm fis-smewwiet kif ukoll fl-art, u l-glorja tal-Missier kienet miegħu, għax huwa għammru fih“ (Duttrina u Patti 93:16–17). Is-Salvatur għallem:

“Jiena nagħtikom dan il-kliem li intom tistgħu tifhmu u tkunu tafu kif tqimu, u tkunu tafu x’tqimu, sabiex intom tistgħu tersqu lejn il-Missier f’ismi, u fi żmien xieraq tirċievu l-milja tiegħu.

“Għax jekk tħarsu l-kmandamenti tiegħi intom tirċievu mill-milja tiegħu, u tkunu gglorifikati fija kif jien fil-Missier; għalhekk, ngħidilkom, intom tirċievu grazzja għall-grazzja” (Duttrina u Patti 93:19–20).

Fil-Ġnien tal-Ġetsemani u fuq is-salib, Ġesù Kristu ħa fuqu d-dnubiet tad-dinja u sofra kull niket u “uġigħ u tbatija u tentazzjonijiet ta’ kull xorta” (Alma 7:11). Dan “wassal biex [Hu], … l-akbar fost kulħadd, jitriegħed minħabba l-uġigħ, u jnixxi d-demm minn kull por” (Duttrina u Patti 19:18). Huwa biss permezz ta’ Ġesù Kristu u l-Espjazzjoni u l-Qawmien tiegħu mill-Imwiet li huma possibbli s-salvazzjoni u l-eżaltazzjoni.

Permezz tal-grazzja u s-sagrifiċċju tat-tpattija tas-Salvatur, aħna nistgħu nikbru sakemm nirċievu l-milja u xi darba nistgħu niksbu l-perfezzjoni. Jekk aħna nimxu wara l-eżempju tas-Salvatur u nobdu l-kmandamenti tiegħu, Huwa jmexxina u jiggwidana fi triqitna lura lejn il-preżenza glorjuża ta’ Missierna tas-Smewwiet.

Kristu fit-Triq lejn Ġerusalemm, minn Michael Coleman, ma tistax tiġi kkupjata

Tridu Tirċievu d-Don Tiegħu?

Fost il-veritajiet “ta’ ħwejjeġ kif fil-fatt se jkunu“ (Ġakobb 4:13), aħna nitgħallmu li l-esperjenza tagħna fl-eternità se tiġi determinata mill-għażla tagħna li nimxu wara Ġesù Kristu u nirċievu r-rigali li Huwa joffri. L-iskrittura tgħallem li aħna “ingawdu dak li aħna lesti nirċievu.“ Sfortunatament, xi wħud mhux se jkunu “jixtiequ jgawdu dak li setgħu rċevew“ (Duttrina u Patti 88:32).

Il-president tal-missjoni tiegħi, il-Presbiteru Marion D. Hanks (1921–2011), li serva bħala Awtorità Ġenerali Sebgħin, għallem lill-missjunarji tiegħu li talbu għal dak li aħna lesti li nirċievu u nieħdu gost huwa mod kif nistgħu niġġudikaw fejn ninsabu fil-vjaġġ spiritwali tagħna. “Għaliex x’jiswieh il-bniedem jekk huwa jingħata rigal u ma jaċċettahx?“ Hekk kif aħna nirċievu d-doni tas-Salvatur billi b’ħerqa nfittxuh u nimxu warajh, aħna nifirħu fit-tama tal-ħajja eterna u “f’dak li jagħti [dak] ir-rigal“ (Duttrina u Patti 88:33). Dan ir-rigal mogħti b’tant imħabba “huwa l-akbar fost id-doni kollha ta’ Alla“ (Duttrina u Patti 14:7).

Alla huwa Missierna fis-Smewwiet. Huwa jafkom u jħobbkom. Hekk kif aħna nduru lejh fit-tfittxija tagħna għall-verità, aħna nistgħu niksbu l-intelliġenza, nirċievu l-għerf, inħaddnu l-verità, inħobbu l-virtù, u niksbu dawl li ġej minnu (ara Duttrina u Patti 88:40). Imbagħad inkomplu tul ħajjitna kollha sakemm “jasal il-jum meta [aħna] nifhmu sewwasew lil Alla, u niġu mqajma minnu u permezz tiegħu“ (Duttrina u Pattia 88:49).

Dan se jkun jum mill-aktar glorjuż u ta’ ferħ.