Akpanikɔ eke Uwem Nnyin

Ediyom Nnyin kabaŋa Akpanikɔ

Ke emana emi nnyin iduŋde ke esit, ediwak ifiɔk odu ɔnɔ nnyin akan nte ekedide ke akpa. Ke edem, edieke oyomde ndifiɔk ŋkpɔ, ana nte aka ke ebiet edikot ŋwed onyuŋ oyom enye. Mfin emi internet ye ŋkpɔ utom emi ekamade ke ubɔk ɔnɔ ufaŋ ndinyene kpukpru etop emi ikemede ndiyom ndo-ndo oro.

Ɔbɔŋ adara abaŋa ke ini inamde ye mme ŋkpɔ emi odude ye nnyin ke eti usuŋ, edi Enye ɔnɔ anana ibat item emi: “Mbufo eyom ɔfɔn enyuŋ ekpep kiet eken mme ikɔ ifiɔk; iŋ, mbufo eyom mme nti ikɔ ŋwed; eyom ukpepŋkpɔ, kpa nte ke ndikpep ndien nko ke mbuɔtidem” (Doctrine and Covenants 88:118). Enye ɔnɔ nnyin udɔŋ ete ikpep ibaŋa ererimbot (see Doctrine and Covenants 88:79; 93:53), edi ke nnyin ndiyom mbaŋa akpanikɔ, ana nte nnyin ise Abasi, enye emi “ɔfiɔkde kpukpru ŋkpɔ, ndien kpukpru ŋkpɔ edu ke iso esie, … ndien enye okpon akan kpukpru ŋkpɔ, .… ndien kpukpru ŋkpɔ edu ye enye, ye ke enye” (Doctrine and Covenants 88:41).

Ke otu mme akpanikɔ emi Abasi ɔnɔde nnyin, kiet ke ata itiat-idakisɔŋ kabaŋa uwem nnyin ke isɔŋ edi ke Enye edi Ete eke Heaven nnyin. Nnyin idi nditɔ spirit iren ye iban Esie. Enye enehede ɔfiɔk ɔnyuŋ ama nnyin. Ndien nte nditɔ spirit Esie, nnyin iminyene nsasana uduot-obot ye akaŋa. Ndifiɔk ye ndimum mme nsinsi akpanikɔ emi ɔnɔ nnyin se idide, ufɔn, ye ntak emi ɔdiɔŋde nko ada nnyin usuŋ ke uwem nnyin mbemiso eke isɔŋ nko eyesuk akaiso ke ndinam oro idahaemi ye ke nsinsi.

Nnyin ikodu ye Ete ke Eritɔŋɔ

Nte nnyin iyomde akpanikɔ eke mme ŋkpɔ “nte mmɔ edide,” nnyin ikut mme ikɔ emi otode Andinyaŋa, Jesus Christ: “Ndien idahaemi, ke akpan ke ndɔhɔ mbufo, Ami nkedu ke eritɔŋɔ ye Ete, ndien ami ndi Akpa-eyen,” ndien “mbufo nko ekedu ke eritɔŋɔ ye Ete” (Doctrine and Covenants 93:21, 23).

Mbemiso uwem nnyin mi ke isɔŋ, nnyin ima idu ke esop ke heaven ebiet emi Ete eke Heaven nnyin okowutde akwa uduak inemesit Esie. Prophet Joseph Smith ekpep ete ke udɔŋ Abasi kabaŋa uduak Esie edi ndinɔ nnyin “unen ndikɔri nte idemesie [ndien] … emenede nnyin ye enye.” Utom ye ubɔŋ Esie “edi ndinam owo akan mkpa ikpɔkidem nyuŋ nnyene nsinsi uwem” (Moses 1:39).

Nnyin inam unen ndimek nnyin ndien imek nditiene uduak Ete eke Heaven. Ediɔŋ nnyin ke ndimana nduk ke uwem emi, emi nnyin ikade iso ke ndinyene unen ndimek ndien ikeme idikut uwem isɔŋ, ikpep, inyuŋ ikɔri ika nsinsi uwem.

Ke ini uwem isɔŋ nnyin, nnyin iyekut mme mfina ye mfiak edem. Edi inaha nte nnyin iyɔ ukut ikpɔŋ. Joseph Smith ekpep ke Ete eke Heaven, “Akamba Ete eke ererimbot[,] ese abaŋa ofuri ubon owo ye ntiŋenyin eke ete ye ndaha eke ete.”

Ete eke Heaven nnyin, “Ete mbɔm, ye Abasi ndɔŋesit,” eyediɔŋ nnyin, emenere nnyin, onyuŋ ɔdɔŋ nnyin esit “ke kpukpru ukut nnyin, man nnyin idikeme ndidɔŋ mbon oro edude ke mfina, ye ndɔŋesit emi nnyin ke idem nnyin ikibɔde ito Abasi” (2 Corinthians 1:3–4). Nte akpan adaha ke uduak Esie, Ete eke Heaven ama ɔnɔ usuŋ kabaŋa nnyin ndinyɔŋ ntiene Enye.

Usuŋ Nditiene Ete Nnyin

Akpanikɔ “eke mme ŋkpɔ nte mmɔ edide” (Jacob 4:13) Jesus Christ, Akpa eyen Eren eke Ete ke spirit, ama odiomo ndidi Andinyaŋa ye Andifak nnyin.

Jesus Christ, “Ikpɔŋ-ikpɔŋ eyen Ete, ɔyɔhɔde ye mfɔn ye akpanikɔ, kpa ye Spirit akpanikɔ, … amadi onyuŋ ɔduŋ ke ɔbukidem, ɔnyuŋ odu ke otu nnyin” (Doctrine and Covenants 93:11). Enye ekedi man ediwut nnyin usɔŋ ke ndikut inemesit, ɔwɔrɔde, ndien idara ke uwem emi ye ke nsinsi.

“Koro Abasi akamama ererimbot ntem, tutu Enye osio ikpɔŋ-ikpɔŋ Eyen emi Enye Obonde ɔnɔ, man owo ekededi eke ɔbuɔtde idem ye Enye okutak, edi enyene nsinsi uwem.

“Koro Abasi ikidɔŋke Eyen esie ete edi ererimbot man edikpe ikpe ererimbot; edi ekedi man enyaŋa ererimbot oto ke Enye” (John 3:16–17).

Andinyaŋa ndifiɔk mbaŋa uwem isɔŋ edi akpan ŋkpɔ. Enye “ikibɔhɔ uyɔhɔ ke akpa, edi akaiso ke mfɔn ke mfɔn” (Doctrine and Covenants 93:12). Enye ɔkɔri tutu “enye ɔbɔ ofuri ubɔŋ eke Ete” ndien “kpukpru odudu, ke enyɔŋ ye ke isɔŋ, ndien ubɔŋ eke Ete okodu ye Enye, koro enye okodude ke enye” (Doctrine and Covenants 93:16–17). Andinyaŋa ekpep ete:

“Ami nnɔ mbufo mme ikɔ emi man anwaŋa mbufo ye ke ndifiɔk adaŋa nte edikponode, enyuŋ efiɔk se ekponode, man mbufo editiene Ete ke enyiŋ mi, ndien ke ini ekemde ebɔ uyɔhɔ esie.

“Koro edieke afo enimde ibet mi afo eyebɔ uyɔhɔ esie, ndien enyene ubɔŋ ke ami nte Ami ndude ye Ete; ntre, Ami ndɔhɔ fi, afo eyebɔ mfɔn” (Doctrine and Covenants 93:19–20).

Ke Iŋwaŋ Gethsemane ye ke cross, Jesus Christ ama ada idiɔkŋkpɔ eke ererimbot odori ke Idemesie onyuŋ ɔbɔ kpukpru mfuhɔ ye “ubiak ye ukut ye idomo eke ofuri ndaha” (Alma 7:11). Emi “anamde [Enye], … andikpon nkan ofuri ŋkpɔ, ndinyek oto ke ubiak, ye iyip ndiwɔrɔ ke kpukpru ndudu-idem” (Doctrine ye Covenants 19:18). Otode ke Jesus Christ ye Erisio-isop ye Eriset ke edi-nam erinyaŋa-ukpɔŋ ye edimenede odu.

Otode ke mfɔn Andinyaŋa ye erisio-isop, nnyin imikeme ndikɔri tut nnyin ibɔ uyɔhɔ ndien usen kiet ikeme ndinyene mfɔnma. Edieke nnyin itienede uwutŋkpɔ eke Andinyaŋa inyuŋ inim mme ibet Esie, Enye eyeda usuŋ onyuŋ anwam nnyin ke usuŋ nnyin ndifiak nka ke enyene ubɔŋ iso Ete ke Heaven.

Christ ke Usuŋ Jerusalem, otode Michael Coleman, owo idiwetke isio

Mbufo eyebɔ Enɔ Esie?

Ke otu mme akpanikɔ “eke mme ŋkpɔ nte edidide” (Jacob 4:13), nnyin ikpep ite ke mbufiɔk nnyin ke nsinsi edito ke mbumek nnyin ke nditiene Jesus Christ nyuŋ mbɔ mme enɔ Enye ɔnɔde. Mme ŋwedAbasi ekpep ete ke nnyin “iyekop-idara emi [nnyin] inyimede ndibɔ,” Ke mfuhɔ, ndusuk “idinyimeke ndidara enye emi mmɔ ekpebɔde” (Doctrine and Covenants 88:32).

President eke mission mi, Elder Marion D. Hanks (1921–2011), emi akanamde utom nte General Authority Seventy, ama ekpep mme missionary esie ete ke ndibup mbaŋa ŋkpɔ emi nnyin inyimede ndibɔ ye ndidara edi usuŋ emi nnyin ikemede ndibiere ebiet emi idude ke isaŋ usuŋ spirit nnyin. “Koro nso udori ke owo edinyene edieke enɔde enye enɔ, ndien enye ibɔhɔ enɔ oro?” Nte nnyin ibɔde mme enɔ Andinyaŋa ke ndinehede nyom ye ke nditiene Enye, nnyin iyedara ke idorenyin eke nsinsi uwem ndien “ye enye emi edide andinɔ enɔ [oro]” (Doctrine and Covenants 88:33). Enɔ emi enɔde ke ima “edi mkpo nkan ke kpukpru mme enɔ Abasi” (Doctrine and Covenants 14:7).

Abasi edi Ete nnyin ke Enyɔŋ. Enye ɔdiɔŋɔ onyuŋ ama nnyin. Nte nnyin ifiakde ibine Enye ke ndiyom akpanikɔ nnyin, nnyin imikeme ndiyire ye ikike, ibɔ ifiɔk, imum akpanikɔ, ima eti uduot, ndien iyire ke unwana emi otode Enye (se Doctrine and Covenants 88:40). Ke ini ikade iso ke ofuri eyo uwem nnyin tutu “usen edidi emi [nnyin] idifiɔkde kpa nte Abasi, isɔpde ke enye ye otode enye” (Doctrine and Covenants 88:49).

Oro edi-di akwa usen ubɔŋ ye idara.