Rapahkihda Popohl nan Omwi Seiloaken Rongamwahuwet

Pwehki Sises Krais kapwuredohr Sapwellime rongamwahuo sang Soukohp Sosep Smith, “kitail esehier kahrepen mour, en ihs kitail,” kohsang Presiden M. Russell Ballard (1928–2023). Nan kaimwsekilahn Kadehde duwen Mwomwodiso, President Ballard, me-wia weliepen President en Quorum en Pwihn Ehk Riemen o, kosoia:

“Kitail ese isime Koht; kitail ese isime Sounkomouro pwehki kitail ese Joseph, me kolahr nan mwetin tuhke koa ni ah wia kisin pwutak, raparapahki mahkepen dipeh kan. …

“I kapingki, oh I ese me tohto kumwail me pil iang kapingki, ni uwen kapai me kitail ahniki ni atail ese dahme kitail ese duwen kahrepen mour wet, dahme karehda kitail mihmih wasaht, dahme kitail anahne wihwia oh kapwaiada nan ehu ehu rahn akan en atail mour.”

Ong towe kan en Mwomwohdiso en Sises Krais en Souleng en Imwin-rahn akan, Marain wet iangahki wewehkila sapwellimen Koht “pilahn unsek” en komouro. Me pil dehdeki “Pilahn en peren me keieu laud,” “pilahn en kasaledek,” oh “pilahn en mahk” (Alma 42:8, 11, 15), e “kihsang kahpwal sang Nan mour oh peikasal sang dahme pahn kohdo kan.” Me kesempwal ong koasoandi wet iei “rongamwahu en Krais,” me wia poahson en mour.

Pwehki atail kolokol rongamwahuo, kitail ese me kitail seri en Koht, me kohdo sampah pwe kitail en alehda songisong, kalinganahda, oh kounopada ong “en kohdo sang ni iasadahsang mehla, sang ni lohdi oh powehdi en Simpwulo” (Doctrine and Covenants 76:39). Kitail ese kosonned akan oh dahme e koangongehkin kitail “ni ngong me [kitail] ese dahme mwahu sang me suwedo” (2 Nephi 2:5). Kitail ese me kitail mihmi pohn sampah pwe kitail en ahneki limpoak oh papah. Oh kitail ese me Sounkomouro eker kitail en powehdi sampah oh sewese mehteikan en wia soahng ohte (kilang Sohn 16:33; Doctrine and Covenants 64:2) Ong ni kounopadahn Sapwellime Ketido Keriauo.

Ni atail pahn kin Medemedewe Ih, dahme Sosep Smith kahdaneki “Ngilen peren en Rongamwahu en Kaun Sises Krais” pahn kainenehla kitail nan rahn apwal akan oh wadohng kitail wehwehn oh kahrepen atail mour oh ong mour en mehteikan.

Koaros Pahn Kelepwidi, sang Dan Wilson, sohte pahn wiahda copy

Peik, Kapai kan, Popohl

Koht ketikiong kitail mehn pilipil pwe kitail en kak pwukoahki atail pilipil kan (kilang Doctrine and Covenants 101:78; 2 Nephi 2:16). Me wia kisehn “uhwong soahng kan koaros” (2 Nephi 2:11), Sehdan kin song kitail pwe kitail en doadoahngki atail mehn pilipil kan ni sapwung.

Ahpw Kaun Sises Krais, “Mwangihier kahpwal laud akan me pahn lelohng kitail aramas en pohn sampah wet” nan atail rahn akan, E ketin lukwerih Sosep Smith, “mahsendoh sang Nanleng, oh ketkiong ih kosonned akan” (Doctrine and Covenants 1:17). Ahl wet me Kauno kasalehda Sapwelime kosonned akan oh dahme kupwure Ong Sapwelime soukohp akan pil doudoulahte Nan rahn pwukat iangahki President Russell M. Nelson—oh pil ongete soangen kahrepeheute. Koht kupwurki en kaluhwai kitail ong peren nan mour wet ong lingan en celestial nan mour me pahn kohdo.

Peikiong sapwelimen Koht kosonned akan pahn kohdo sang ni atail poadidiong oh limpok ong Ih. Kaun Sises Krais masanih me en poakohng Koht “iei kosonned me tep oh lapalap nan kosonned akan” (kilang Madiu 22:37–38). E mwahngihier loaletail ansou me e masanih, “Ma ke poakohng ie, kapwaiada ahi kosonned akan” (Sohn 14:15).

Mie pweinen poakohng Kauno oh kolokol Sapwellime kosonned akan. Nan mwehi wet E kawewehda “kosonned ehu me, inenen kesempwal nanleng … ,nin duwen kapai kan ahr kin kohda—

“Oh ansou me kumwail alehdi kapai sang rehn Koht, e pahn sang ni peikiong kosoned me wiawidahro” (Doctrine and Covenants 130:20–21).

Ahpw, dahme pahn sansalada sang ni atail pahn kasalehiong Kauno atail limpoak sang ni kolokol Sapwellime kosonned akan iei kapai kan me wahdo peren oh popohl.

Kilekilang duwen mour sang ni rongamwahu kapwurupwurdohn oh kaudiahl akan me kin kohdohng kitail kasalehdahr. Sang ni sansal en wasa kitail kohsang ie oh dahme kitail pahn wia, kitail ese me “soahng kan me pahn kak wiahieng [ataill] mour en wia mour mwahu ehu e kak udahn duepenehte mehkot kei me pahn sewese kiheng [atail] mour lelahng mour soutik me pahn keioun mwahu e kak wiahla!

I pahn kaimwsekihla wasa I tepisang iehu, katamando dahme I esehla sounpar kei samwalahro sang ohl en Sapahn men me ahpwtehn iangala Mwomwohdiso ahpw wekidohng Kauno ah mour. Sang ni ah ngoang oh ngoangki misineri oh towe kan, e diaradahr rongamwahu kapwurupwurdohu oh Sises Krais. Diarada rongamwahuo, e pil diarada kahrepen ah mour, ihme kalaudehla dahme e kin kilkilang. E pil diaradahr pilahn laud en peren. Sang ni peikiong pilahn oh inou kan en rongamwahuo kiong ih kapai tohto oh popohl kakelahda ih ni paliwar oh palingehn.

Ah seiloak en wiahla towe men en Mwomowdiso en Sises Krais kahreiong ih en wiahla emen soun kadehde en Sises Krais. Elder Patrick Kearon emen Wahnparon Ehk Riemenko kawewedahr duwen popohl:

“Pwehki pilahn limpoak en Samatail Nanleng ong emen emen Sapwellime serihkan, oh pwehki mour lingan oh pwukoah en atail Sounkomour, Sises Krais, kitail kak—oh konehng—wia aramas me keieu ahneki popohl pohn sampah! Ni melimel kan en mour nan sampah me diren apwal wet ah kin kehlail pohtail, kitail kak kakehlaka oh audaudki pepehm en popohl oh meleilei en loalatail pwehki atail koapwoaropwoarki Krais oh wewekihla pein dewatail nan pilahn en peren kaselelo.”

I kihong kumwail ahi kaping ki, oh kadehdehki duwen, rongamwahu me kapwurupwurdohu en Sises Krais, me iangahki pilahn en peren me mih loale. I lukei kumwail en alehda wahn rongamwahu wet oh kehn popohl nan mour wet ni omw seiseilokwohng nan mour soutuk.