Konwacack Engan ke Fuhfahsryucsr In Wosasuc Lom

Ke srihpen Jisus Kraist el fohlohkuhnwack wosasuc lal sel Joseph Smith, “oasr yohrohsr etwacack ke srihpac luhn moul, lah suc kuht uh,” fahkwack sel President M. Russell Ballard (1928–2023). Ke fahkwack luhlahlfongi sahflah lal nuh sin Alu uh, Prestuhn Ballard, tuh-ahol Prestuhn luhn U luhn Mwet Sap Singucul Luo, fahk:

“Kuht etuh lah suc God uh; kuht etuh lah suc Mwet Lahngo mweyen Joseph el oasr yohrohsr, suc som nuh in imac uh, suk in nuhnak muhnahs ke ma koluk lal. …

“Nga lut kac, ac nga etuh lah puhs suwos oacyacpac, fuhkah luhpan mwe insewowo lasr in etuh ke srihpen moul lasr uh, efuh kuht oasr inge, ma kuht fah srihke in oruh ac kuhtanglah ke moul lasr lwen nuhkwewa.”

Nuh sin mempucr ke Alu luhn Jisus Kraist luhn Mwet Luhlahlfongi Ke Lwen-sahflah, tuh etwacack weacng kahlwem se ke “plwacn in molwelah wolacna” luhn God. Oacyacpac etweyuck oacna “plwacn engan wolacna emet,” “plwacn in molwelah,” ac “plwacn in pahkotwen” (Alma 42:8, 11, 15), el “eslah ma usrnguhk liki moul ac ma tiac etweyuck liki pacl fahsruh uh.” Enenuh se nuh ke plwacn sac pa “mwe luti luhn Kraist,” suc yohk emet ke srihpac luhn moul.

Ke srihpen oasr wosasuc yohrohsr, kuht etuh lah kuht tuhlihk nuhtin God, suhpweyuckme nuh facluh in srihkeyuck, ahknacsnacsyeyucklac, ac ahkoeyucklac in, “tuh fohlohkihnyuckme ke moulyak luhn mwet misac, ke kuhtanglah ac wolacna luhn Lamb” (Doctrine and Covenants 76:39). Kuht etuh ke masap ac kuht lutiyuck “fal tuh [kuht] etuh ma wo liki ma koluk” (2 Nephi 2:5). Kuht etuh lah kuht oasr facluh in luhngse ac kuhlwacnsap. Ac kuht etuh lah Mwet Lahngo el pahngon kuht in kuhtanglah facluh ac in kahsruh mwet sahyac in oruh oacpacna (liyeJohn 16:33; Doctrine and Covenants 64:2) in ahkolah nuh ke Tuhkuh AhkLuo Lal.

Ke kuht foracng nuh Sel, ma Joseph Smith el fahk “puhsra engan ke Wosasuc luhn Leum lasr Jisus Kraist” fah ahkkweye kuht ke pacl upac ac use kalmac ac srihpac nuh ke moul lasr ac moul luhn mwet sahyac.

Inte Nuhkwewa Fah Puhtati Nu Ten, sel Dan Wilson, fah tiac kapi iyucki.

Ahkostwen, Mwe insewowo, Enagn

God el acse nuh sesr sukohsohk in sulaclah nacsnacs kuht in muh eis molin sulaclah lasr uh (liye Doctrine and Covenants 101:78; 2 Nephi 2:16). Oana ip ke “ma lainyacn ma nuhkwewa” (2 Nephi 2:11), Satan el fihliyucklac in srihfe kuht in orekmakihn sukohsohk in sulaclah lasr uh ke inkacnek tiac wo.

Tuhsruhktuh Leum Jisus Kraist, “etuh mwe ongaiyac ma fah tuhkuh nuh fin mwet fin facluh” ke pacl lasr uh, tuh pahnglol Mwet Pahluh Joseph Smith, “sramsram nuh sel inkuhsrao me, ac sang nuh sel masap” (Doctrine and Covenants 1:17). Sruhluhkihn pactuhn sac pa Leum el ikacslah masap Lal ac kena lal nuh sin mwet pahluh Lal tuhtahflah misenge in lwen lasr uh yohrohl President Russell M. Nelson—nuh ke srihpac sac pacna. God el kena kol kuht nuh ke engan ke moul se inge ac nuh ke wolacna luhn celestial ke moul se tok uh.

Ahkostwen nuh ke masap luhn God kuh in tuhkuh ke oaru ac luhngse lasr nuh Sel. Leum Jisus Kraist Sifacna el fahkwack lah in luhngse God “pa inge masap se ma yohk oemeet ac yohk sripa oemeet” (liye Matthew 22:37–38). El sang etwacack yohk ke el fahkwack, “Kom fin luhngse nga, liacacng masap luhk” (John 14:15).

Oasr opi se ke kom luhngse Leum ac liacacng masap Lal. Ke we se inge El ahkuhtweyac “sie masap, fahk muh tiac kuh in ikhlytucklac inkuhsrao … , suc ma nuh ke mwe insewowo nuhkwewa ma fackyak—

“Ac ke kuht eis kuhtwena mwe insewowo sin God, ma ke ahkostwen nuh ke masap se ma fack ngacn” (Doctrine and Covenants 130:20–21).

Na, sahflahiyen ma sikyak ke ahkahlwemye luhngse lasr nuh sin Leum in liacacng masap Lal el mwe insewowo ma use kaksak ac engan.

Ngwetacng liye moul ke mwe ngetnget luhn wosasuc fohlohkyak ac fwackyuck in lwen lasr uh use kahlwem lasr. Weacng sie ngenget kahlem ke oreklac lasr in wolacna ac sahflahiyac, kuht etuh lah ma se na inge suc fah oruh moul suhkawih [lasr] uh in wo emet el kuh in oacpacnama ac fah oruh moul [lasr] nuh ke moul ma pahtpahtin pa wo emet uh!”

Nga ahksahfyelah acn nga muhtwacwacack we, esamwack ma nga puhla ke kuhtuh yac somlah ke sie eklac sasuc fin acn Japan. Ke oaru lal ac oaru luhn misineri ac mempucr, el konwacack wosasuc fohlohkihnyuckyak luhn Jisus Kraist. Ke konwacack wosasuc ah, el oacyacpac konwacack srihpac lal, suc ahkyohkyaclihk liyactwen lal. El oacyacpac konwacack plwacn luhn engan yohk emet sac. Ahkostwen nuh ke plwacn luhn wuhlweacng ke wosasuc use nuh sel mwe insewowo ac engan, kahsrel ke ma luhn facluh ac ip luhn nguhn.

Fuhfahsryucsr lal kol nuh ke mempucrlac ke Alu luhn Jisus Kraist tuh lwelah elacn mwet loh se kacl Jisus Kraist. Elder Patrick Kearon ke U luhn Mwet Sap Singucul Luo tuh ahkuhtweyac ke engan ma sikyak tohkoh:

“Ke srihpen plwacn wolacna luhn Pahpah Tuhmasr Inkuhsrao nuh sin kais sie tuhlihk Nahtuhl, ac ke srihpen molwelah luhn moul ac misin luhn Mwet Lahngo lasr, Jisus Kraist, kuht kuh—ac enenuh—in mwet engan emet fin facluh! Finne pahkah luhn moul ke sie facluh kwacna-fohs tuhkuh lokoalok nuh sesr, kuht kuh in ahkolah ke kuht loacng nuh ke luhlahlfongi, kaksak ac luhngse ac puhla sie engan ac mislac ke srihpen finsrak lasr ke Kraist ac kahlwem lasr ke acn sesr sifacna ke plwacn kahto engan.”

Nga sang kaksak luhk kac, ac luhlahlfongi kuh ac pwacye, ke wosasuc fohlohkihnyuckyak luhn Jisus Kraist, weacng plwacn luhn engan wolacna ukuiyucki arulacna lwoal. Nga suli kom in epeis ke fahko luhn wosasuc ac puhla engan luhlahp ke moul se inge ke fuhfahsryucsr lom nuh ke moul ma pahtpaht.