Kedoltirakl er a Jesus Kristo selDobengkel Meruul a Urerel

Kede chedal a urerel a Osobel sel dolngeseu er a rengelekel a Dios el dirrek el mo oltirakl er a Jesus Kristo. Tia uldimukl a omerek r a ebangkelio er Ngii, el mengideb er a Israel, lokiu a meruul aikel urered er a Ikelesia er a Osobel e melasm el mo uai Ngii. A “ungil klungiaol [er a Urerel] a diak el ultuil er a rechad el onger [kid], me [ikel] dongemedaol er tir, malechub ng [ikel] ungil teleteled.“ President Russell M. Nelson a milekoi, “Ngii dil taemel kau a rulii a ngii di el ngerangel ngoseuir a ngii dil chad—er a tara ikal eru el beluu—el nguu a telbakes el mo meruul a telbiil lobengkel a Dios e ngmai a meklou a belkul chedaol ruoll ra techolbechelid ma ruoll ra templo, e kau olngeseu el mengideb ra Israel.“

Sel de relii a urerel Osobel el mo urered, ekedomes er a moktek er Ngii, oltirakl a Llechul, e ou beltik el reng el mora tang ma tang. Esel doruul a urerel lokiu a Rolel (mesa Doctrine and Covenants 51:2), ea bebil er a tekoi e kirel di kid el mo medengei. A Osobel a uluuchais er tirkel Santo el mo tmak er a Jackson County, Missouri.

“Aleuaisei, ngdiak el ungil sel Ngak a oungerachel a rokui el tekoi; ele ngkel ngii a orim er ngii er a rokui el tekoi, a di osisiu el mesaik e diak el mellomes el mesiungel; engii a diak lenguu a sengk.

“Uaisei ak melekoi, a rechad a kirir el meruul a ungil teletael, e meruul a betok el tekoi el ngarangii er a rengrir, me bol ngarngii a llemalt;

“Ele klisiich a loba rechad, meng di tir el melilt el kirir. “Mesel rechad a meruul a ungil eng diak le bolak a omeksulir“ (Doctrine and Covenants 58:26–28).

Sel doltirakl er a Osobel, mo chedal er a Urerel, e olngeseu er a rebebil el mo oltirakl e oumerang er Ngii, ekede molisechakl aikel Osisecheklel. Ele kid a diak el sebeched el olisechakl a ngodch el tekoi (mesa Doctrine and Covenants 52:9, 36), kedungil omes Osisechklel {mesa Doctrine and Covenants 68:25). E dirrek, kired el ungil omes er tirkel mechebuul e ousbech a ngesou (mesa Doctrine and Covenants 52:40). Aika kmal ulmeketakl a Osobel sera longedecheduch er a Isaiah er a blil a nglunguuch er a Nazareth:

“A Chedaol Reng a ngar ngak, ng mla ngiltak el molisechakl er a ebangkelio el mora mechebuul; ng mla ngoikak el mo omekungil er a remekngit a rengrir, molisechakl a suobel mora kelbus, omekungil er a remikeu, etirkel telemall el mo mimokl,

“El molisechakl er sel ungil rak er a Rubak” (Luke 4:18–19; mesa el mo Isaiah 61:1–2).

Sel ungil rak er a Rubak a mesaod er sel taem a rokui el klungiolel a telbilel a Dios a mo er a Rechedal. Kedoltirakl er a Jesus Kristo sel doutkeu er a rechad el mo melau aikel klengeltengat lokiu a rellel me a otirklel a telbiil lobengkel a Dios e dirrek el sel domkerreu er tirkel chebuul e ousbech a ngesou.

Dedak lobengkel a Jesus Kristo er a Urerel a mengasireng le Urerel, ma teletelel, ma moktek “a diak el kired mengodech, malechub bol mekngit“ (Doctrine and Covenants 3:1). Mor tirkel mo mesaul a rengrir, a Rubak a kmo: “Lak bom mesaik er a ungil tekoi, le kemiu e omkedechor sel dodai er a ungil ureor. Le ikel mekekerei el tekoi el moruul a kudmokl a meklou el tekoi” (mesa Doctrine me a Covenants 64:33 De becherei a Rubak me lomdasu a doritm, edi deruul a ngercheled.

Sel doruula ngercheled eng beot leng diak a belkul a desal kmal tokubets sel doruul a urerel a Rubak. A Ongtil a di blak el reng ma klemeriar reng. A Rubak a dilu er a re Santo er a Kirtland, Ohio, “Aleuaisei, a Rubak a olengit er a blak el reng me a semeriar luldasu“ (Doctrine and Covenants 64:34). A Dios a sebechel rulterir tirkel sebecherir el mo meruul, engdi Ngii a diak el sebechel malechub el rulterir tirkel sebecherir el mo ngarngii a rengrir. A tara tekoi, eng kmo sele blak a rengud e ngarngii ra rengud, eng Sebechel ousbech er kid. Eng di diak a belkul sekum kede mal meduch, Ng diak el sebechel ousbech er kid lsekum diak bol blak a rengud e semeriar lolngeseu er Ngii.

A Samuel ma Anna-Maria Koivisto a ulechotii a blak er reng me a klemeriar reng. Uriul era bol bechiil, er a re Koivistos a mlara Jyväskylä, Finland, e mlo kiei er a Göteborg, Sweden, losiik a ungil techall er a ureor. Uriul er a le kerd, ea Brother Koivisto a uleker ngii el mo mesa President Leif G. Mattsson, tara counselor er a Göteborg Sweden Stake presidency. Ele Samuel dimlak lolekoi a tekoi er a Sweden, e tial miting a di mle tekoi er a Merikel.

Okiu tial kedeb el miting, a President Mattsson a uleker er a Samuel alsekum eng soal mo merredel er a ward mision er a Utby Ward. Ma Samuel a kmo: “Eng di ng diak kungedecheduch a tekoi era Sweden.“

A President Mattsson a mlo ultuil er a tebelel e kmo, “Ngak a kuker el kmo ng sebechem el mengedecheduch a tekoi er a Sweden, malechub ng sebechem el mesiou er a Rubak?“

A Samuel a ulenger, “Kuleker alsekum ng sbechek el mo mesiou er a Rubak. Eak kongei.“

A Samuel a kilengei rsel okedong. A Anna-Maria a kilengei okedong. Te di diul oumerang e milsuub a Swedish.

A blak el reng el mesiou er a Rubak a mo chemolt er a klengar er a Samuel me a Anna-Maria. Te kmal tokubets el chedal a Ikelesia. Te blechoel blak a rengrir el mesiou raikel bek el taem el mlokedong. Te mla osischeklal el kmo sel dosiou, ekedousbech aikel ungil teleteled (mesa Doctrine and Covenants 60:13), ea Rubak a ngosukid el kudmokl aikel moktek er Ngii.

Sel blak a rengud el mesiou, eng kired el diak doumondai, leng diak el soad el tomelii a urered. A klaumondai a sebechel ochotel a saik, malechub a beltkil a rengud er a Osobel a diak el sel dulumdasu er ngii. Sel lolemolm, ea klaumondai a sebechel mo klou el tekoi el uchul mekede mo cheroid er a Rubak. Tia desang er a klengar er a Ezra Booth, a tara ulebult el mo chedal a Ikelesia er a Ohio el mlokedong el mo misionari er a Missouri.

Sera le tobed er a Ohio er a June 1831, ea Ezra mlo kesib a rengul er a rebebil er a misionari el mlara wagon engii a di milrael er tial klealed, e lolisechakl. Ng uluumondai. Sera le bora Missouri, eng kora mlo mesaik. A Missouri dimlak el sel ulumdasu er ngii. Ng bai, di ulemes el meliuekl e uase “tia kmal mekngit.“

A Ezra a mlo mengebelung e di oumondai. Tia ra lorael er a Missouri, ng dimlak lolisechakl, el ngii a mle kirel meruul er ngii, e bai liluut el lorreched el mo er a Ohio. Ng di milngeremrum el mocha mesaik e dikeaa klaumerang er ngii. Di mle telkib ea Ezra mo diak el chedal a Ikelesia e “mocha ‘choitii a Keristiano e mlo diak loumerang.’”

Tia sebechel mo tekoi alak de kerkikl. Alak dolemolem rsel rael er a diak a ulebengelel klengar, edobes el kmo ngera kmal ututelel tial ureor, ekede mo blechoel oumondai, mo mesaik, e mo diak a klaumerang er kid.

Ak meluluuch el kmo ng mo sebeched el melilt el moltiral er a Jesus Kristo e mo dmak el meruul a Urerel. E sel de uaisei, kede ngmai a “kmal chetengakl e mekreos el yaksok“ (2 Peter 1:4). Aikal klengeltengat a uldimukl er ngii a klausubes er a kengtid (mesa Doctrine and Covenants 60:7; 61:2, 34; 62:3; 64:3), olsobel (mesa Doctrine and Covenants 6:13; 56:2), me a mui el deureng (see Doctrine and Covenants 58:3–11; 59:23). Ealeuaisei, a yaksok el mer kid sel kot el ngarbab el beresent el Dios a sebechel meskid—diak a ulebengelel klengar.