Sia Tapwen Mwirin Jises Kraist ren ach Fiti I non An Angang}

Sia pachenong non An ewe Chon Amanau angang nupwen sia anisi noun Kot semirit ar repwe pwan winiti noun Jises Kraist chon kaeo mi nikitu. Ei mi pachenong aporousa An kapas allim, ren ena wewe, sia ioni fengeni Israel mi taropas ren ponuta sekining non An ewe Chon Amanau Mwichefen me seni achocho ne winiti ussun I. Ach “fetanoch [non An angang], ese anongonong won ifa ussun an ekkoch fini ar repwe ponueni ngeni [kich], ngeni [ach] kewe tingor, ika ngeni [ach] ennetin foforun umoumoch.” ”Preseten Russell M. Nelson a affata, “Ese nifinifin fansounka fori ese nifinifin meta anisi ese nifinifin io—}won ir me ruepek ewe pwonupwon mangaku—eipwano ew ipw mwom fori ekkewe pwon mi pin ngeni Kot me angei ar auchean angangepinin papatais me non tempel, en ka aninis ne ioni fengeni Israel.”

Ren ach fori An ewe Chon Amanau angang ach angang, sia anonga ach ekiek won An kewe popun, aponueta An kewe annuk, me tong fengen. Nupwen sia fori an An angang non an mochen(nengeni Doctrine and Covenants 51:2), ekkoch mettoch ra nom fan itach ach sipwe ekieki won pusin ach. Ewe Chon Amanau a apasa ngenikich pwe kewe souneng ra chufengen non Jackson County, Missouri:

“Nengeni, ese fich ngeni ai upwe nemenem non mettoch meinisin; pun ion a echimw non mettoch meinisin, i ewe mi pwan chipwang me esap emon chon angang mi mirit; ina minne i ese angei niffangan.

“Ennet ua apasa, aramas repwe achocho ne pachenong non ew popun mi eoch, me fori chommong mettoch won pusin ar mochen, me epwe wato watten wenechar;

“Pun ewe pochokun a nom non ir, minne ir ra angang fan iter pusin. Me ren ukukun an aramas foffor murinno esap pout senir nifanger.”(Doctrine and Covenants 58:26–28).

Nupwen sia tapweno mwirin ewe Chon Amanau, fiti I non An angang, me anisi ekkoch ar repwe winiti Noun chon kaeo mi nikitu, sia osukuna met I epwe osukuna. Pokiten ese mumuta ach sipwe osukuna ese nifinifin met (nengeni Doctrine and Covenants 52:9, 36), sia anongoa ach ekiek won fetan wenechareno won An pwon (nengeniDoctrine and Covenants 68:25). Kapachetan, Iteitan sipwe tumunoch ngeni ekkana ir mi woungaw, osupwang, me nom non osukosuk (nengeni Doctrine and Covenants 52:40). Ekkei auchean mettoch ra fatafatoch nupwen ewe Chon Amanau a eniwini sefani seni Isaiah non ew Sinakok non Nazareth:

“Ngunun ewe Samon a nom woi, pun a finieita pwe upwe afanafana ewe kapas allim ngeni kewe mi woungaw; a tinieito ai upwe echikara netipen ekkewe mi netipeta, pwe upwe aronga ngeni ekkewe mi fotek ar repwe ngaseno, o awora sefani an kewe mi chuun repwe kuna, me angasano ekkewe mi nom non riaffou.

“Ai upwe aronga fetanei pwe a tori ewe fansoun ewe Samon epwene angasano noun kewe aramas” (Luke 4:18–19; pwan nengeni Isaiah 61:1–2).

Ewe fansoun ewe Samon a wewen nge ewe fansoun nupwen meinisin ekkewe feiochun An Kot kewe pwon repwene chukuta won Noun aramas. Sia tapweno mwirin Jises Krait ren an tingorei ekkoch ar repwe angei ekkewe feiochun fori me aponueta ekkewe pwon ngeni Kot me ren an eteneki ekkana ir mi woungaw me asupwang.

Fiti Jises Kraist non An angang a fori a emon epwe pwapwa pokiten An angang, foforun napanapan, me popun, me “ese tongeni epwe eriaffou, ese pwan tongeni epwe nusmwan.” (Doctrine and Covenants 3:1). Ren ekkana ra mefi tipemwaramwar, ewe Samon a awora kapasen emwen: “Ren ena popun, kosap pekus non foffor murinno, pun ka watiw ewe foun nongonongun ew watten angang. Me seni mettoch mi kukkun watten mettoch ra fis (Nengeni Doctrine and Covenants 64:33 Sia mut ngeni ewe Samon epwe ekieki ussun ewe kinikin uwa, me sia chok fori met sipwe fori.

Fori ach kinikin a mecheres nap seni ach sipwe ekieki pokiten sise wato kewe sinenap ika tufich ngeni An ewe Samon angang. An mochen a chok ewe pochokunen ekiek me mochen fori mettoch. Ewe Samon a apasa ngegni kewe Souneng non Kirtland Ohio, “Nengeni, ewe Samon a mochen ewe netip me ew pochokunen ekiek” (Doctrine and Covenants 64:34). Ewe Samon a tongeni fori kich ekkewe sia ekieki pwe kich mi apwangapwang ach sipwe fori an angang, nge I ese tongeni ika esap osukosuka ach pungun finata me oumwesikich ach sipwe mochen ne fori an angang. Non pwan ekkoch kapas, ika sia nikitu ne mochen awora ach fansoun me pochokun ngeni och mettoch ka nuku non, I a tongeni nounou kich. Nge inamo ika sia fokkun nipwakoch, I esap tongeni nounou kich chinon chok ika a wor ach pochokunen mochen ne fori An angang me mochen ne anisi I.

Samuel me Anna-Maria Koivisto ra pwarano ir me ruu pwonen mochen fori me mochen fori. Mwirin chok ar ewe apupunu, ekkewe Koivistos ra mokut seni Jyvaskyla, Finland, ngeni Goteborg, Sweden, ar repwe mokutkut ne eipweipweno mwan ne kukuta ar tufich. Mwirin ar war, Brother Koivisto a kokoto an epwe churi ewe Preseten Leif G. Mattsson, emon chon aninis non ewe Goteborg Sweden Stake presetensi. Pokiten Samuel ese tongeni kapas non Swedish, ewe interfiu a fis non kapasen Merika.

Mwirin ewe mochomochen chufengen, Preseten Mattsson a tingorei Samuel an epwe angang an epwe emon sou emwen non ewe wart non ewe misin non ewe Utby Wart. Samuel a afata ar repwe weweiti an ewe osukosuk: “Nge use sinnei fosun Swedish.”

Preseten Mattsson a pworono won an ewe chepen me afatau non ew sokkun napanap, “Ngang u eisinuk ika en mi tongeni kapas non Swedish, ika en mi mochen kopwe angang ngeni ewe Samon?”

Samuel a ponueni, “Ke eisiniei ika ngang mi tongeni angang ngeni ewe Samon. Me ngang mei.”

Samuel a etiwa ewe wis. Anna-Maria a pwan etiwa kewe wis. Ir me ruemon ra nikitu ne angang me kaeo ar repwe angeoch ne kapasen Swedish ar ewe ra nonomono.

Pwonen mochen fori me mochen fori ne angang ngeni ewe Samon ra anapanapa ussun nonnomun manauen Samuel me Anna-Maria. Ir chok ruemon aramas ra finata pwe repwe anisi aramas me winiti aramas mi eningano me afona wiser. Ra nikitu ne angang iteiten fansoun ra kokko ngeni ar repwe angang. Ra aitiei ena nupwen am oua angang, am oua aea ekkewe niffangen tufichin sine mi wor rem (nengeni Doctrine and Covenants 60:13), me ewe Samon a anisikem ne awesano An popun.

Nupwen sia mochen sipwe angang, sia achocho ach sisap kapas ren met sise menemenoch ren ika met sise sani, ika ngunungun, pun sise mochen sipwe angawano ach angang non ese nifinifin napanapan. Kapas chomong ren met sise sani me menemen ren meni ina ew esisinen apwangapwangenon ach pwonen mochen fori angang, ika pwe ach tongei ewe Chon Amanau ese chiwen ussun ach tongei me mwan. Ese wor e nemeni ika epeti seni an epwe marino ika napeno, ngunungun a tongen napeno an epwe unusen u ngeni ewe Samon. Ei marinon a pwa me non manauen Ezra Booth, emon e karan chok ekesiwin me choni ewe Mwichefen Ohio ewe a kokon epwe emon misineri ngeni Missouri.

Nupwen a no seni Ohio non June 1831, Ezra a osukosuk pwe ekkoch misineri ra tufichin sai won woken nupwen i a fetan non ewe pwichikaren summer, afanafan non ewe fansoun a fefetan won ewe an. I a ngunungun. Nupwen a tori Missouri, a mefi pekusun kaka. Missouri esap ina met i a ekieki pwe epwe ina ussun. Iwe nge, nupwen a nenefetan me maketiw pwe “metewe a fen kuna pwe a nom non koukun anetipengaw, kiroch.”

A napano an Ezra memefin ese chiwen nukunuku non angang murinon ekkoch, apasa ika fori osokurun met mi murinno an epwe chok turunufas. Non ewe fansoun a tou seni Missouri, ese fen afanafan an ewe a no, a wor tingor ngeni an epwe fori, i a niwin ngeni Ohio ussun chok mwitirin ewe kuchu. An ngunungun a napeno a pwarano tipemwaramwar me omuchunon tonong non poutunon nukunuk non an sinei me mwan non pekin ngun. Mwitir chok Ezra a suseni ewe Mwichefen me “nesoponon a ‘poutano mwirimwirin an emon chon nuku non Kraist me winiti emon ese chiwen nuku pwe mi wor Kot.’”

Pwan ina chok met epwe fisi ngenikich ika sise tumunoch. Ika sise chok nom non ew an a emwen ngenikich met mi ese much me met a murino seni osukosuken fonufan, a achema ngenikich an ion angang wesewesen ei, meni sipwe menemenengaw me ngunungun, me pout senikich ewe nuku a wor rech.

Ua iotek pwe sipwe tongeni fini ach sipwe tapweno mwirin Jises Kraist ren ach fiti I non An angang. Nupwen sia fori, sia fangeno “watten me auchean pwon” (2 Peter 1:4). Ekkei feioch pachenong omusomusen tipis (nengeni Doctrine and Covenants 60:7; 61:2, 34; 62:3; 64:3), salvation (see Doctrine and Covenants 6:13; 56:2), me manau mi tekia (nengeni Doctrine and Covenants 58:3–11; 59:23). Ewer, a pwon ngenikich ewe watten niffang Kot a tongeni ngeni kich—manau ese much.