Sawas sangSises Krais:Kahrepe oh Ia Mwomwe

Ansou me E keting powehdi Tomwo, Sounkomouro wia soahng kesempwal siluh:

1. E powehdi mehla, me kahrehda atail kak iasada.

2. E pwainla pweinen dihp koaros, kahrehda atail kak koluhla, kekeirda, oh pwurala rehn koht. Met pil sewese kitail en kak mahkehng mehteikan ansou mere wiahda sapwung, pwehki Krais aledahr diparail kan Powe.

3. E lokolongki medek koaros, kahpwal, songosong, soumwahu, oh kaluet kan (tehk Alma 7:11–13 ). Met me wehwehki me E ketin mwahngih ia mwomwen ah kak seweseiuk oh kakehlailihuk pwe ken kak powehdi kahpwal oh nantihong mwahula.

Pilada ehu kahpwal, oh ke pahn kak diar pasapengpe nan pwungen soahng siluh pwukat de pil ekei.

semwehmwe? Pwehki Sises Krais eh kehn soahng koaros, E udahn wehwehki iamwomwe E sohte kin kihsangete kahpwalo, ahpw E kin kakehlailih aramas akan me ahneki kahpwalo (kilang Mosiah 24:15 ).

Souitar? Pwehki Krais eh powehdi dihp, atail souitar kan sohte pahn erein. Koluhla wehwehki kamwahuiala oh wiala aramas kei me E keting mwahngih me kitail kak wiahla.

Soumwahu? Pwehki Eh ketin powehdi mehla, kitail pahn iasada oh ahneki paliwar unsek me sohte kak soumwahuda oh medekla. Krais pil “[alehda] pein ih … soumwahu” ( Alma 7:11 ), Ihme kahrehda ihme konehng kihong kitail meleilei oh utuht.

Ahpw mendahte atail esehier kahrepen Sounkomouro me wia pasapeng (pwehki ihs Ih oh dahme e ketin wiahier ong kitail), kitail pil anahnehte ese Ia Mwomwen atail kak ale kakehlail sang Ih. Iet ekei wiepe:

Kapakap. Sang ni atail pahn kapakap ni mwaren Sises Krais, mendahte atail sohte unsek kitail kak lokaiahng Koht emen me unsek. Kitail kak peki kehlail me kitail anahne nan soangen irair koaros, oh Koht pahn sapeng—kaidehn ansou koaros ni mwowen ahl me kitail anahne de kasik, ahpw ni ahl me pahn kapai kitailda. Sapwelimen Sounkomouro Luhk mehlel: “Peki ah ke pahn ale” ( Sohn 16:24 ; 3 Night 27:29 ; Doctrine and Covenants 4:7 ).

Kisakis en Ngehn Sarawi. Sahm me Ketket Nanleng, Sises Krais, oh Ngehn Sarawi kin ehupene ni koasoandi ehute. Irail kin doadoahkpene! Ansou koaros me ke kin kehn kaweid en Ngehn Sarawi, wehwehki me duehte Krais me seweseiuk.

Kolokol Inou Sarawi kan. Elder Dale G. Renlund sang pwihn en Wahnparon Ehk Riemeno padahngki: “Lepin lokaia ahl en inou sarawi wehwehki inou me sewese kitail en kohdo rehn Krais oh ehuong Ih. Sang ni inou sarawi pwukat, kitail kak ale Sapwelime manaman unsek” ( Epr. 2023 kapokon lap [Liahona, Mehi 2023, 36]).

Kalahngan. Ansou me kitail kin ahneki pwoson Sises Krais oh koluhla, kitail kak alehdi pilekei sawas oh kehl (me pil kahdaniki kalahngan) pwehn sewese kitail en kak alehdi soahng kan me kitail sojhte kak pein alehdi (kilang mehn kaweid ong pwuhk sarawi kan, “ Kalahngan ”). Kehlail, de kalahngan wet, kak kohdo ni ahl tohto: sang Ngehn Sarawi, kempoakepah, mehn mpomw, de pepehm. Me wehwehki, soahng koaros me mwahu kohsang rehn Krais (kilang Moroni 7:22 ). Ansou me ahmw kanengamah ekis laudla, de ahmw inengieng, de kehlail en powehdi, taman me Krais me seweseweseiuk.

Eri ansou me ke pahn anahne pasapeng ong peidek de kahpwal ehu, rapahki Krais. Tamataman me pwehki Ah powehdi dihp, mehla, oh soangen kapwal en sampah tohto, sohte mehkot apwal. Rapahki ia mwomwen Ah kak kapaiuk ada, ah ke pahn kilang Sapwelime kapai nan ahmw mour. E ketin poakoahng uhk mehlel!