Jisus Kraist: Finsrak ac Olwelah ke Istuh

God, Pahpah Tuhmasr Inkuhsrao; Jisus Kraist, Wen Kuloh Nahtuhl; ac Nguhn Muhtahl pwacyena lah elos fofoto nuh yohrohsr. Kahlwem ma pahtpaht ac wacngihn sahflah kac lalos, pahkomuhta, ac luhngse molwelah eltahl akalamihsi nuh ke srihpac luhn oreklac ac akwucki luhn moul lasr uh (liye Alma 30:44; Moses 6:62–63).

Ke Miting luhlahp se orek Inkuhsrao ah, “ke tafun lotu in len sac, itu uh [ac acn nuhtin God] tuh tukeni on” (Job 38:7). Kuht sulaclah in oruh sulaclah. Inge kuht fahsr ke luhlahlfongi. Ke puhla lasr sifacna, kuht konwacack ke olwelah wolacna luhn God, kahlwem, engan, ac srihpac finne fuhkah ma kuht tiac etuh ke moul lasr uh, inse toasr, ac ma upac.

Kuht tiac enenuh in muhkwena fuhfahsryucsr ke moul tiac arlac kahlwem se. Kuht kuh in akacsruhi yurin kuhsrao, muhsahi luhlahlfongi ac muhta in sucu ac in lohm ac inkucl luhn Mwet Luhlahlfongi, ac eklac mwet wo liki nuhkwewa, sukohsohk liki nuhkwewa, suwohs liki nuhkwewa, ahkenganye sifacna ac luhngse ac engan in ahkos masap luhn God. Iwaclah—I-wac-lah—ke ac kacl Jisus Kraist use nuh sesr wuhlweacng se inge.

Finsrak Se Ke Moul ac Misin lun Jisus Kraist

Kais sie lwen, finsrak ac olwelah ke Istuh weacng mwe insewowo ac luti ma Jisus Kraist el akacsrhui kac ke pacl se oruh lutlut wolacna Lal fin facluh ah. Mwet likina mutwacwacack ah, Jisus Kraist el tuh isuslac Wen Kuloh Sefanna Nuhtin God (liye Jacob 4:5; Alma 12:33–34; Moses 5:7, 9). El kapkapwack in lahlmwetmwet ac fuhlwact, konwacack ohi yurin God ac mwet (liyeLuke 2:52). Suk muhkwena in oruh luhngse luhn Pahpah Tuhmwacl, Jisus Kraist el nuhnak muhnahs ke ma koluk, ahkkweye mwet muhmahs, ahkmoulyacack mwet misac, ac ahkwoyelah mwet mas ac suhpwacr.

Sie pacl ah, tukihn lalo lwen 40, El ahkpwacyei, “Nguhn luhn Leum oan fuchk, mweyen el akmuhsraiyuclac in luti wosasuc nuh sin mwet suhkahsruhp; El suhpweyucme in ahkkeyelah mwet muhsahlah insiac, in luti nuh sin mwet muhta in sroh, ac sang liyactwen nuh sin mwet kun, ac ahksukohsohkyacloslac suc muhta in kweok” (Luke 4:18; liye pac Isaiah 61:1).

Pa kais sie sesr.

Ke Kuhfa Sahflah, Jisus Kraist el tuh ollah nien mwet tuhma lutlut Lal ah (liye John 13:4–8). Kwewana Facluh Mah ac Sasuc, ke “kof in moul” ac “puhret in moul” El Sifacna akiac kuhfa luhn Leum. Ke akwuck muhtahl ke kuhfa luhn Leum, kuht pahng nuh sin Pahpah ac wuhlweacng in eis nuh facsr inen Jisus Kraist, esamuhl pacl nuhkwewa, ac liacacng masap Lal, Nguhn Muhtahl Lal in wi kuht pacl nukwewa (liye Luke 22:19–20; 3 Nephi 18:7, 10–11).

Ke Imac Gethsemane, Jisus El kweok upac liki kweok luhn sie mwet in molwelah ac iwaclah kacsr. Srah tuhkuh ke pat nuhkwewa. El kweok ke ngal inge nuh sin nuhkwewa, tuh kuht in tiac puhla kweok kuht fin auliyak (liye Doctrine and Covenants 18:11; 19:16).

Tuhkahkihnyuckyak ac ahkkoluk suhtuhuh, Jisus el ahksrucksruckyeyuck ac srihngsrihng, ac fihliyucki sie susu ke kohkihl fin Sifacl (liye Matthew 27:26, 29; Mark 15:15, 17, 20, 31; Luke 22:63; John 19:1–2). “Kanteyuki el ke sripen ma koluk lasr … akwoyeyukla kut ke sringsring ma el eis” (Isaiah 53:5). El “srihpsrihpyak fin sahksin soko” in eis kuht nuh Yohrohl (liye 3 Nephi 27:14–15). Ne ohinge, finne fin sahksin soko ah, Jisus Kraist El nuhnakmuhnahs (liye Luke 23:34). El siyuck John elan liyacacng ninac Kiacl ah (liye John 19:26–27). El puhla muhkuh (liye Matthew 27:46; Mark 15:34). Tuh ma suhmuhslah in ahkpwacyeiyuck, El fahk muh El maluh (liye John 19:28). Ke ma nuhkwewa sahflah, El Kacl sifacna “fuhleak moul [Lal]” (Luke 23:46; see also John 10:17–18).

Jisus Kraist El etuh lah El ac kahsre kuht fuhkah ke mas, muhnahs, suhpwacr, srwenglah, ac ma upac lasr (liye Alma 7:12). Kain mwe kweok inge kwacna tuhkuh oacna mwacta se ke sulaclah koluk luhn mwet sahyac. El oacyacpac etuh in engan yohrohsr fuhkah ke pwacr ac kaksak lasr, tuhng yohrohsr fuhkah ke engan lasr uh nwacnwaclah? Ke kuhlwacng, El pahngon kuht ke Inel, ke Puhsrwacl, nuh in Iwacl. El pahngon mwet nuhkwewa acn nuhkwewa. El suli kuht in liye ac kahlwem ke moul fin facluh nuh ke motkoeyacn ma wacngihn sahflaiyac. Ke kuht fahsr suwohs ac liacacng wuhlweacng lasr, El olwelah muh ma nuhkwewa kuh in tuhkweni oreklac in wo nuh sesr (liye Doctrine and Covenants 90:24; Rome 8:28).

Ke pacl ac inkacnek Lal, fohlohkihnyuckyak tuhkuh—tiac nuh ke ma tuh sikyak ah muhkwena tuhsruhk oacyacpac nuh ke ma elos kuh in eklac oacna. Pwacyena, Jisus Kraist El kuh in ahksukohsohkye kuht lac liki kapihr ac ma koluk, liki misac ac hell, ac kuh in kahsre kuht ahkfalyelah wolacna lasr ke kuht eklac yohk liki kuht kuh in motko, ke luhlahlfongi ac auliyak.

Ke srihpen Jisus Kraist, misac tiac pa sahflahiyac uh. Ke Istuh kuht fahkwack:

Ke masap ac kuh sin Pahpah Tuhmwacl, Jisus El kuh in fihliac moul Lal ac sifil moulyak (liye John 10:17). Ke mahnol oan ke luhf sac, Jisus Kraist El luti ac orek akwuck ke facl luhn nguhn, fahkwack molwelah lalos liki kapihr luhn misac (Doctrine and Covenants 138:16).

Ke litutacng in lwen ahktolu, El tuhkahkwek liki luhf sac. El sramsram nuh sel Mary. El sikyang nuh sin luo mwet tuhma lutlut ke inkanek nuh Emmaus, Mwet Sap Lal, ac kuhtuh pac sahyac. (Liye Matthew 28; Mark 16; Luke 24; John 20.)

Kalweni ke fahkwack luhlahlfongi, El suli mwet tuhma lutlut Lal ah in tohllah nwek nahtuhlos nuh ke siskac se sahyac ke oak ah; pacl se inge, ohinge sulpac nwacnwaclah ke ik, nwek ah tiacna mihsaclihk (liye lJohn 21:6–11; Luke 5:3–7). El kihteyac mwet tuhma lutlut ac kwacfwe sel Peter in kihte sip ac lahm Nahtuhl (liye John 21:12–17). El sowack nuh inkuhsrao, fahkwack lah mwet tuhma lutlut Lal ac kuht nuhkwewa enenuh in akacsruhi ke pweng wolacna ke Istuh yurin muhtuhnfacl nuhkwewa, sucu, ac mwet uh (liye Matthew 28:19–20; Mark 16:15).

Jisus Kraist pa Mwet Shepherd se lasr ac Lahm luhn God. El sang tari moul Lal kac, ac sang moul Lal nuh sin, sip Nahtuhl. Ke imac sac ac fin sahksin soko ah, El wis ma toasrlacna ac iwaclah kacsr. Ke pacl ac moul ma pahtpaht, El ahkkahlwemye nuh sesr ke srihkasrak lah “misac ikacslah [fuhkah] inkacnenk nuh ke moul ma pahtpaht.”

Ke kuh tuhkuh ke Iwaclah luhn Kraist ac Sifilpac Moulyak, mahnosr ac nguhnasr ac fah sifil fohlohkweni nuh sie ke sifilpac moulyak luhn mahno. Kuht ac fah wolacna, fohlohkyak luhmahsr ac atacsr, kuhpahsr nuh ke kuhpahsr. Finne aunsifacsr e fah fohlohkweni. Kuht e fah sukohsohklah liki kweok luhn pacl uh, mas, ongaiyac in mahno, ac koluklac luhn nuhnak. Iwaclah luhn Kraist kuh in ahkinsewowoye kuht in kuhtanglah fahsrelihk nuhkwewa in nguhn ac misac in nguhn. Fin auliyak, kuht sukohsohklah liki ma koluk ac ahsor nuhkwewa ac ikacklah nuh ke fohnlah ma pahtpaht luhn luhngse ac engan. Nwacsnwacs, sukohsohk, kuht kuh in fohlohk nuh ke inmahsrlo sacohk emet ke sucu lasr nuh ke acn celestial luhn God Pahpah tuhmasr ac Jisus Kraist.

Kuht fah sifilpac liye mwet kuht luhngse. Ke kuht fohlohkweni nuh yurun elos suc kuht luhngse, kuht fah liye sie sin sie ke nuhnak ma pahtpaht—ke yohkwaclihk luhngse, kahlwem, ac kuhlwacng. Iwaclah lal Jisus Kraist kuh in kahsre kuht in esam ma oasr srihpac ac in muhlkuhnlah ma suc wangihn srihpac. In liye Mwet Lahngo lasr ac inmahsrlosr nuh sin mwet sahyac ke luhlahlfongi ac srui yohk uh acse mislac, ahkmuhlahlahye ma toasr, ahkwoyelah insiacn mwet uh, ac kapsreni sucu uh in pacl ac ne tok ma pahtpaht.

Finsrak ke Kahsruhp ac Engan

Istuh ke Jisus Kraist acse winto inkuhsrao in ikacklah, fahko ke vine uh ruhkruhk, ac acn uh eklac arulacna wo. Istuh ke Jisus Kraist acse ma puhlakihnyuck ac karihngihnyuck wowo nuh sin katin mas ac tuhlihk muhkahimtacllah, mwet masrinsracl ac mwet muhnahs, elos suc sahngweng, ahkkolukyeyuck, kuh tahfonglac sun ongaiyac. Nuhnkuh ke sie sin sie, Jisus Kraist El suli kuht in liye ac kuhlwacnsap ke luhngse ac pahkotwen, oacna ke El oruh.

Ke ma wo nuhkwewa, Jisus Kraist El sifilpac fohlohkohnwack in fas (liye John 10:10; Alma 40:20–24). El olwelah tuh facluh in sesseslah, ac oasr suhnuhn acn yolyak (liye Doctrine and Covenants 104:17). Fohlohkihnyuck luhn ma nuhkwewa weacng sesseslah luhn wosasuc Lal, wal ac kuh luhn pristut Lal, ac akwuck ac wuhlweacng muhtahl ma sukokyak ke Alu Lal, pahngpahng ke Inel, finne Alu luhn Jisus Kraist luhn Mwet Luhlahlfongi ke Lwen-sahflah.

Istuh ke Jisus Kraist acse pac lohm muhtahl sin Leum in ahkfototo nuh yurin tuhlihk nuhtin God ke acn pucspucs, acse nuh insiacsr mwe luti in “leumi [Finohl Saion]” (liye Obadiah 1:21). Leum El acse sie inkacnek muhtahl, sesrohwohsr nuh sesr in oraclah fin facluh ke enenuh luhn mwet misac somlah lasr ac kena ke moul ma pahtpaht ma elos tiac kuh in sifacna oruh kaclos.

Pa inge finsrak, olwelah, ac luhlahlfongi yohk luhk. Nga ahkloh ke God Pahpah tuhmasr, Mwet Lahngo ac Mwet in Molwelah lasr, Jisus Kraist; ac Nguhn Muhtahl. Ke Istuh ac lwen nuhkwewa, lwelah tuh kuht in konwacack finsrak ac olwelah ma pahtpaht ke plwacn wolacna luhn God, wi inkacnek wihlwihl luhn eklac wolacna liki moul suhkawihl nuh ke moul kawihl ac moul ma pahtpaht. Kais sie lwen lwelah tuh etuh suwohs ke Iwaclah luhn Jisus Kraist uh in ahkmuhlahlahye ma toasr lasr, kahsre kuht in ahkkweye mwet sahyac ke ahsor lalos, ac ahksukohsohkyelah nguhnasr in eis engan fohnlah Lal.

Ke finsrak ac olwelah luhn Istuh, Jisus Kraist El oraclah kena yohk luhn insiacsr ac tohpohklah kihsensiyuck luhn nguhnasr.