Sahm Nanleng Kupwurki Koasoai ong Komwi

Ohng Adam oh Eve oh pil koaros me idawehn ira, tohnleng men masanih “Kumwail pahn koluhla oh likwer ohng Kauno ni mwaren Nah kokohlate” (Moses 5:8).

Sises Padahki: “Kumwail peki, kumwail ahpw pahn ale; kumwail rapahki, kumwail ahpw pahn diar; kumwail letelet, e ahpe pahn ritidahng kumwail” (Madiu 7:7). “Eri, ni amwail pahn kin kapakap, … kumwail ahpw kapakapohng Samamwail … [ni rir]” (Madiu 6:6). “Eri, iet duwen amwail pahn kin kapakap: Samat me ketiket nanleng: Mwaromwi me sarawi” (Madiu 6:9).

Sises doulahte oh kin kapakap ohng Seme. “Sises ahpw ketidahla pohn dohl ehu pwe en loulou ie. Ih eri ketiket wasao wie loulou [ong Koht], wasa lao rahnpeseng” (Luke 6:12). “Oh … e ahpw ketidalahng pohn dohl ehu pwe en loulou ie” (Mark 6:46). “Irail eri lel nan mwetuwel me adaneki Kedsemeni. Sises eri mahsanihong sapwellime tohnpadahk ko, Kumwail mwohndi mahs met, nindokon ei pahn kapakap” (Mark 14:32). Pohn lopwuo, Sises eri mahsanih duen sounpei ko me kalupuala Ih: “Semei, komw ketin mahkohng irail, pwe re sehse dahme re wiewia” (Luk 23:34).

Pwuhk Sarawi kaweid kin kitail en “kin kapakap ahnsou koaros” (Luk 21:36; 2 Nihpai 32:9; 3 Nihpai 18:15; Doctrine and Covenants 10:5; 19:38; 20:33; 31:12). “Ale kaweid rehn Kauno nan mehkoaros me ke pahn kin wia, oh e pahn ketin kahluwaiuk ong me mwahu” (Alma 37:37). Ni mehlel, kitail “wia [atail] kaping kalahngan oh kepinga sang ni [palingenitail] unsek“ (Mosaia 2:20), tamataman koaros me Samatail kin ketikiong kitail.

Presedent Russell M. Nelson kawewehda: “Koapwoaroapwoar laud ni ngehn Sarawi tepsang ni wewehki me nimenseng koaros wia kisakis ehu sang rehn Koht. … E kin ketin apwalih kitail rahn koaros oh sewese kitail nan ahnsou kan koaros (tehk Mosaia 2:21).”

Nihpai inda, “Pwe ma kumwail pahn rong Ngehno me kin padahkihong aramas en kapakap, kumwail pahn ese me kumwail uhdahn anahne kapakap; pwe ngehn suwedo kin padahkihong aramas en dehr kapakap” (2 Nihpai 32:8).

Mengihtik sang Krais Kakehlahda Nein Sairus Serepein, sang Greg K. Olsen.

Sang ni karasaras en atail Sounkomour oh kaweid kan sang rehn tohnleng oh soukohp kan nan ehu ehu mwehi, kitail esehla duwen kapakap ahnsou koaros pwehn wia mehn kasapahl kalangan ohng kapai kan, oh en kin kalapw kapakap loaletail ahnsou koaros. Ih ehu atail pwukoah en kin weweiong Sahmo.

Ahpw me keiou kaperen, Samatail Nanleng kin sapeng atail kapakap kan. Madamadau keiou mwahu pohn sampah wet iei, ia mwomwen atail kak alehdi oh wewehki pasepeng kan, kaweid kan, oh kameleilei me kin sang rehn Sahmo?

Erein pahr isihsek me I ahnikiehr nan mour wet, I ese me Sahmo kin mahsani ohng kitail. Kitail sohte kelkelehpw. Mehn Nanleng kan kin sinsile kitail oh sewese kitail ni atail ki idawehn Sounkomouro.

Pasapengpen atail kapakap kan kin tepsang atail pwoson Samatail Nanleng oh Sapwellime Iehros, Sises Krais. Sises masanih, “Komw dehr masak mehkot, komw pwosonte” (Mark 5:36). Kitail kamelele Ih, kapwaiada kosonned kan ni atail kak koaros, oh ale sapwellime sawas ahnsou koaros. “Sohte mehkot Koht sohte kak ohng … sewese irail me sohte kin likwer lang ih ni mehkoaros oh sohte kin kapwaiada sapwellime kosonned kan koaros” (Doctrine and Covenants 59:21).

En Kauno koasoandi nan atail mour sohte wewehki me E kupwurki en mie tepel de kahpwal tohto nan mour wet. Ahpw, met wewehki me ni ansou me ke pahn lel ohng apwal, Eh pahn ieiang uhk, kakelahil uhk, kansenamwahu uhk, oh “kasarawiala ahmw kapwal kan en wia mehn kakelepomw” (2 Nihpai 2:2).

Ni atail pahn pwoson Ih oh kapwaiada sapwellime kosonned kan, kitail pahn ahnla rohng kepitie.

Nan Septembe 1993, tepin pahr me I wiahla Tohn papah, Presedent James E. Faust (1920–2007), me wia towe en wahn poaron ehk riemen, luke ei pwoud, Kathy, oh ngehi sen iang towehda kapokon ehu nan Brigham Young University. Taman, 1993 iei mwohnte telepohn kan, social media, oh internet kan eh mieda.

Nan eh kaparek wet, Ketitiki “The Voice of the Spirit,” Presendent Faust inda: nan amwail mwehi ke pahn rohng soangen ngihl tohto me pahn kin indahng uhk dahme ke pahn kin wia nan ohmw mour. Ke pahn nainiki limwepwiki soangesoangen mehn kasdo kei. E pahn mie soangesoangen wiepen kasdo de computer, satalait, mehn kapese kan me pahn kiohng uhk dir en mehn kaweid. Ngihl me ke pahn anahne rong iei ngehn sarawi.”

President Boyd K. Packer (1924–2015), me wia President en wahnpwoaron ehk riemen, padahki duwehn ngihl tikitik me koasoaia en John Burroughs e experiens, ni eh iangih iengehko alualu kohla nan Park ehu. Met iei dahme Presiden Nelson koasoaia:

“Ngihl ehu sang ngilen nan kanihmwo [Mr. Burroughs] rohng ngilen men pihr e wie kokoul.

“Eh uhdi oh rohng! Irail me iang ih sohte kak rong. E kilang seli. Sohte me iang rongorong.

“E kapwunod ohng ih pwe sohte me iang rohng ngihl kaselelo.

“E ale ehu sent mweremwer sang nan eh pwokid oh kosikihda nan wehwe. E pwupwidiong nan ahlo oh katairongda sohte laudsang ngilen mehn pihro. Koaros kilangpene; re kak rohng dahmwo!

“E sohte mengei ken kak kasawihda ngilen nan wehio sang ngilen men pihro. Ahpw ke kak rohng. Ke kak rohng ngilo ma ke wewehki mwahu duwen ngihlo.

En Presedent Packer padahk duen ngehn sarawi nan 1979, ni ahnsou me ngilen sampah meleilel oh sohte ngihl laud duehte rahn pwukat.

Presedent Nelson padahki, “Ma ke kin song en alehda kaweid kan sang nan kasdo kan sang ni ohmw rohng ngilen ngehn sarawi, eri ke kiohng uhk nan kapwal en pali ngehn.”

Presedent Faust inda, “Ma kitail pahn rohng ngilen Ngehn Sarawio, kitail anahne ritingada salengatail kat, kilangki atail pwoson ohng ni ngihlo, oh kilenglahte mwowe tengeteng duwen nanleng.”

Ngihl en Ngehn Sarawi kin kohdo no pali koaros sang lolokong oh pepehm. “I pahn padahkihiong kumwail nan amwail madamadau oh nan mohngiongimwail kan, sang ni Ngehn Sarawi, me pahn kohdohng kumwail oh me pahn ket nan mohngiongimwail kan” (Doctrine and Covenants 8:2). Idawehn ohmw pepehm—kaudiahl kin kalapw tepsang wasahu.

Kapakap ni Mohngiong Unsek

Pasepeng oh pepehm kan sohte kin karuwaru. Kitail kapakap oh awi ni kamelele sang mwongiong unsek. Ekei pasepeng pahn sohte kohdo nan mour wet, ahpw ohng me irahil me mour mwahu, kauno pahn ketiong irail popohl (tehk Sohn 14:27). Ekei pak pasepeng kan kin kohdo ni atail kin kapakapki en sewese mehn mpetail kan. Ekei pak, re kin kohdo “ekis ekis, re lao kohdo ni unsek” (Doctrine and Covenants 98:12).

Kepitien nanleng kak kohdo retail ni soh kasikpe oh sohte lipilipil wasa, ahpw kin kalapw dierek nan was me meleilei oh wasa me sarawi kan. Ni ei kin wie kapakapte ni menseng kan oh medemedewe, i kin diar kapai kan me sohte kasik. Ni ahmw kin kalapw wadek iren pwuhk kan ni ahmw kin kelehpw oh sohte me kin keduropwei uhk, ni ahmw kin wia, kin lukehko kepitien ngehn sarawi nan atail mwongiong kan.

Ekei pak, pepehm kan kin kohdo sang dahme kitail kin wadek, oh ekei pak, dahme kitail kin medemedewe kin kohdo sang ni mwohmw ehu me pid ehhu song en pepehm. Taman lepin lokaia sang Elder Robert D. Hales nda: “Ma kitail kin men koasoaieng Koht, kitail en kin kapakap. Oh ma kitail men En ketin mahsen ong kitail, kitail kin rapahki nan pwuhk sarawi kan.”

Nin duwen ngihl oh kepweiek en sampah ah kin kederopwe kitail, Kauno kin doadoahngki sapwellime Soukohp en kawada pil ekei tehnpas sarawi kan. Nan tehnpas sarawi en Koht pwukat, ni atail kin pwilikihdi atail kapwal akan liki ahpw doulong ni kapakap oh madamadau kan, kitail kin esehla duwen mehlel o.

Sounpar ehu samwalahro, Preseden Nelson kiong kitahil inou kesempwal ehu: “Riei ko, Iet ei inou. Sohte mehkot me kak kakehlaka uhk laud sang amwail kolokol reil meteo me pahn mwahu sang amwail pahn kin kaudok nan tehnpas sarawi uwen ansou koaros me kumwail kak. Sohte mehkot me mwausang me pahn pere kumwail nan pwoik rotorot en sampah. Sohte mehkot me mwahusang, me kak utungada amwail kadehdepen Kaun Sises Krais oh Sapwellime Tomwo de seweseiuk wehwehki Sapwellimen Koht pilahn kaselelo laudsang. Sohte mehkot me mwahusang, me pahn laudsang kansenamwahuih palingenimwail nan ansou en lokolok. Sohte mehkot me mwahusang me pahn laudsang me kak ritingada wenihmw en nanleng. Sohte!”

Ehu ehu kapokon lap kin wahdo lapalahn kapai kei. Nan sounpwung en Epreil me pahn kohdo, kitail pahn pil pwurehng tupene nan kapokon lap pwehn karonge kepitien Kauno. Kitail kin kohdo iang kapokong lap ni atail kin kapakap oh kaunopada. Ohng emen emen kitail, miehte peikasal oh peidek kaselel. Kitail kohdo pwehn kaweliakapwala atail pwoson Soundor, Sises Krais, oh kakelahila atail kelail en powehdi kasongosong. Kitail kohdo pwehn esehla sang powe. I inoukiong kumwail ni amwail pahn onopada oh kohdo kapakapki kapokon lap wet, ke pahn kehn pasepeng kan, oh ke pahn ese me “nanleng” ieiang uhk.

Ahniki pwoson me Sahm nanleng wie lokolokaiahng uhk. Iei ih! Mweidehng ahmw pwoson Ih oh Sapwellime Iehros en sewese uhk dehdehki me sansal oh rohn Kepitien Semomw. I kadehdeki me E ketiket rehtail oh e loalloale kumwail laud sang me kitail kak wehwehki.