Pahpah Inkuhsrao El Ke Sramsram Nuh Sum

Nuh sel Adam ac Eve ac elos nuhkwewa ma luhngse fahsr tohkohlos, sie lupufacn sapkihn, “Kom enenuh in auliyak ac pahng nuh sin God ke inen Wen nuh tok ma pahtpaht” (Moses 5:8).

Jisus El tuh luti: “Siyuk, na kowos fah eis; suk, na kowos fah konauk; towolak na srungul uh ac fah ikakla nu suwos” (Matthew 7:7). “Ke kom pre, …pre nu sin Papa tomom … in lukma” (Matthew 6:6). “Ke ma inge kowos pre ouinge: Papa tumasr su inkusrao; Eelos oal pwaye (Matthew 6:9).

Jisus El tiac tui in pruhe nuh sin Pahpah Tuhmwacl. “Jisus el utyak nu fin eol soko in pre, a el sisla fong nufon se we in pre nu sin God” (Luke 6:12). “Na … el som nu fineol uh in pre” (Mark 6:46). “Elos tuku nu in acn se pangpang Gethsemane: ac Jesus el fahk nu selos, Kowos muta inge ke nga ac pre” (Mark 14:32). Fin sahksin soko ah, Jisus el pruhe kacn solse ma sruhpsruhlwack ah: “Papa, nunak munas nuh selos, tuh elos tia etu ma elos oru uh” (Luke 23:34).

Ma suhmuhslah el luti kuht in “pruhe pacl nuhkwewa” (Luke 21:36; 2 Nephi 32:9; 3 Nephi 18:15; Doctrine and Covenants 10:5; 19:38; 20:33; 31:12). “Suk kahsruh sin Leum ke orekma nuhkwewa lom, ac El fah kol kom ke wo”(Alma 37:37). In weacng pac, kuht “sang kwewa kuloh ac kaksak suc nguhn[asr] nohfohn kuh in sruok” Mosiah 2:20), akihlwen ma nuhkwewa Pahpah tuhmasr oruh nuh sesr.

Prestuhn Russell M. Nelson el ahkuhtweyac: “Puhla lasr ke nguhn muhtwacwacack ke akihlenyuck lah kais sie lututwacng sasuc el mwe sang se sin God. … El karihngihnkuht ke lwen nuh ke lwen ac kahsre kuht pacl nuh ke pacl (liyeMosiah 2:21).

Nephi el fahk, “Tuh kowos fin porongo Nguhn suc luti sie mwet in pruhe, kowos ac etuh tuh kowos enenuh in pruhe; tuh nguhn koluk uh tiac luti sie mwet in pruhe, tuhsruhk lotwel lah el tiac enenuh in pruhe” (2 Nephi 32:8).

Ahkuhtweyac sel Kraist El Ahkmoulyeack Tuhlihk Muhtwacn se Natuhl Jairus, sel Greg K. Olsen

Wi srihkasarak luhn Mwet Lahngo lasr ac kahsruh sin lupufacn ac mwet pahluh ke lusen yac siofok, kuht etwaclah na pwacye in pruhe lwen nuhkwewa in fahkwack kaksak lasr ke mwe insewowo, ac in sruokyac sie pruhe in oan insiacsr pacl nuhkwewa. Ma kunacsr in sramsram nuh sin Pahpah tuhmwacsr.

Tuhsruhk wolacna liki nuhkwewa, Pahpah tuhmwacsr Inkuhsrao El topuk pruhe lasr. Sie mwe nuhnak ke moul fin facluh uh pa, kuht ac eis ac etuh na pwacye fuhkah top, kolyuck ac ahkkweye tuhkuh sin Pahpah?

Ke lusen yac pucspucs luhk ke moul se inge, nga etuh lah Pahpah tuhmwacsr El sramsram nuh sesr. Kuht tiacna muhlkihnyucklac. Elos suc inkuhsrao karihngihn kuht ac kahsrwe kuht ke kuht fahsr tukihn Mwet Lahngo.

Eis top ke pruhe lasr uh mutwacwacack ke luhlahlfongi lasr ke Pahpah tuhmwacsr Inkuhsrao ac Wen Nahtuhl, Jisus Kraist. Jisus El fahk,“Nimet fosrnga, a lulalfongi na”(Mark 5:36). Kut luhlahlfongi in El, srihke kuhiyacsr nohfohn in liacacng masap Lal, ac suk pahol in ma nuhkwewa. Ac wacngihn ma mwet uh ahktoasrye God kac … sahyenna elos ma tiac fahkwack ke orekma luhn pahol in ma nuhkwewa, ac tiac ahkos masap lal (Doctrine and Covenants 59:21).

Poun God in moul lasr uh tiac kalmac pa El srihpacack ma koluk kuh mwe ahsor luhlap ma oasr in moul lasr uh. Tuhsruhktuh, kalmac pa ke pacl upac nuh sum ac sesuwohs, El fah tu siskom, usot kuh nuh sum, ahkkweye kom, ac “akmuhsraelah kweok lom nuh ke kapkapwack lom.” (2 Nephi 2:2).

Ke kuht luhlahlfongi in El ac liacacng masap Lal, kuht sifacna etwaclah in porongo wo Puhsrwacl.

Ke Septempuh 1993, yac se oemet ekihn sie Jacnuhruhl Uhtohriti, Prestuhn James E. Faust (1920–2007), tuh sie mempihr ke U luhn Mwet Sap Singucul Luo, suliyuc ac muhtwacn kiuck, Kathy, ac in weluhl nuh ke ahkfuhlwact se ke Brigham Young University. Esam, 1993 el met likina fahsrwelihk oasr luhn smartfon, sosucl midia ac internet.

Ke sramsram lal ah, sifac sac “Puhsrwen Nguhn,” Prestuhn Faust el sensenkackihn: “Ke fihl se lom inge kom ac fah nwacnwaclah ke puhsra pucspucs fahk lah kom ac moul fuhkah, ahkenganyekom fuhkah ke ma kom luhngse, kuh in eis nohfohn fuhkah. Ac fah oasr yurum jacnuhl luhmfoko ke TV an ke kihfihn poum. Ac fah oasr kain in sohfwacr,interactive computer modems, databases, and bulletin boards; ac fah oasr desktop publishing, satellite receivers, and communications networks suc ac fah ahkfohsyekomyak ke ma in etweyuck uh. … Puhsra se ma kom enenuh in ukwoee pa puhsrwen Nguhn.”

Prestuhn Boyd K. Packer (1924–2015), Prestuhn luhn U luhn Mwet Sap Singucul Luo, luti ke puhsra srihsrihk mihs luhn Nguhn ke el sruhmuhn sie ma sikyak nuh sel John Burroughs, mwet etuh ke ma mahtuh se, ke el fahsr wi kawuck nuh ke nien muhtwacta se. Pa inge kahs lal Prestuhn Packer:

“Lucng liki puhsra ke mouil in siti [Mr. Burrough] el lohng on soko luhn sie won.

“El tui ac lohng! Mwet weluhl ah tiacna lohng. El ngwetoht ngwetma. Wacngihn mwet akihlen.

“Ahkkolukyacl lah mwet nuhkwewa in lus sie ma arulacna kahto.

“El eslah sie koin liki pakiht lal ah ac tohlwack nuh lucng. El srifacllah ke simacn ah ke sie puhsra, tiac yohk liki puhsrwen won sac. Mwet nuhkwewa tahpuhllac; eltahl kuh in lohng!

“Arlac upac in srwaclihk liki puhsra nuhkwewa luhn siti tracfik on soko luhn sie won. Tuhsruhk kom kuh in lohng kac. Kom kuh in lohng kahlwem kom fin ahkpahye kom sifacna in lohng kac.”

Luti lal Prestuhn Packer ke Nguhn Muhtahl sikyak ke 1997, ke pacl se moul uh luhman mihs ac wohwohn luhn facluh tuh tiac arlac okahrkahr oacna nuh inge.

Prestuhn Nelson el luti, “Kom fin lohacng upaclac nuh ke ma fihliyucki ke social media likina ke kom mahmah nuh sin Nguhn, na kom sifacna filikowi ke mwe sensen luhn nguhn.”

Prestuhn Faust el fahk, “kuht fin lohacng nuh ke puhsrwen Nguhn, kuht in ikacslah pac insroacsr, furohklah muhta in luhlahlfongi nuh sin mwet se la puhsra sac, ac ngwetwack suwohs nuh inkuhsrao.”

Puhsrwen Nguhn tuhkuh nuh ke kwewana ma kuht etuh ac puhla lasr uh. El ac fah fahk nuh sesr ke nuhnak lasr ac insiacsr, sin Nguhn Muhtahl, suc ac fah tuhkuh nuh facsr ac muhta insiacsr (Doctrine and Covenants 8:2). Lohacng nuh ke ma kom motko—fackyak kwacna muhtwacwacack we.

Pruhe ke sie Inse Luhlahlfongi

Top kuh ma kuht puhla tiac kuh in ahkfohsyeyuck. Kuht pruhe ac kuht tuhpan ke sie inse luhlahlfongi. Kuhtuh top uh ac tiac tuhkuh ke moul se inge, tuhsruhk nuh suwos ma suwohswohs, Leum El fah suhpwacma mislac Lal pacl nuhkwewa (liye John 14:27). Top uh kwacna tuhkuh ke pacl ma kuht pruhe in kahsruh mwet wiacsr. Kuhtuh pacl uh, eltahl tuhkuh lain fin lain, masap fin masap (Doctrine and Covenants 98:12).

Puhsrwen kuhsrao kuh in tuhkuh ke pacl kuht tiac motko ac ke acn kuht tiac motko, tuhsruhk kuht konwacack pacl wowo se emet lasr ke acn mihslac ac acn muhtahl. Ke mihs luhn pruhe in lututwacng luhk ac ma nga nuhnkuh, nga konwacack mwe insewowo usrnguck. Lwen nuhkwewa na, ke wacngihn ma lusrong rit ma suhmuhslah luhk, in ahkfalye kuhtuh pacl, use puhsra luhn Nguhn nuh insiacsr oacna in e ke kuhtuh pacl somlah.

Kuhtuh pacl uh, ma kuht puhla uh pwacyelah tuhkuh ke ma kuht riti, ac kuhtuh pacl uh, ma kuht motko uh use top nuh ke siena kain in nuhnak. Esam kahs lal Elder Robert D. Hales: “Ke kuht luhngse sramsram nuh sin God, kuht pruhe. Ac ke kuht luhngse El in sramsram nuh sesr, kuht suk ke ma suhmuhslah.”

Ke wohwohn ac mwe pwen muhta luhn facluh raunikuht, Leum el sapkihn mwet pahluh Lal in muhsaihi in puhs tempuhl. Ke lohm muhtahl sin Leum inge, ke kuht fihliac fohs lasr lihk ac tuhsruhk utyak wi pruhe lasr ac ma kuht nuhnkuh, kuht lutiyuck ke ma pwacye luhn moul ma pahtpaht.

Yac somlah ah, Prestuhn Nelson el use nuh sersr olwelah wolacna se inge: “Tamuhlwel ac tahmtahel sacohk wiuck, pa inge olwelah se luhk uh. Wacngihn ma kuh in kahsre kom yohk liki in sruokyac kuh osra soko ah sahyacn ahkfuhlwact lom lin tempuhl pacl nuhkewa ke pacl kom kuh an. Wacngihn ma kuh in karihngihn kom yohk liki ke kom sun ohkohk luhn lohsr luhn facluh. Wacngihn ma kuh in ahkfokokoye luhlahlfongi lom kacl Jisus Kraist ac Iwaclah Lal kuh kahsre kom in kahlwem ke plwacn wolacna luhn God in yohk. Wacngihn ma kuh in ahkmihsye nguhn lom yohk ke pacl in kweok. Wacngihn ma kuh in ikacslah inkuhsraho yohk oacna. Wacngihn!”

Kais sie jacnuhruhl kanfracns sulpac use mwe insewowo pucspucs. Ke fahsruh luhn mahlwem Eprel, sifilpacna, kuht ac ohsun ke jacnuhruhl kanfracns in lohng ke puhsra luhn Leum. Kuht tuhkuh nuh ke jacnuhruhl kanfracns pruhe tari ac ahkolah. Nuh sesr kais sie, oasr mwe fosrngah yohk ac kihsen siyuck lwoal. Kuht tuhkuh in ahksasucye luhlahlfongi lasr ke Mwet Lahngo lasr, Jisus Kraist, ac ahkkeye kuhiacsr in lain mwe sruhf. Kuht tuhkuh in lutiyuck sin kuhsrao. Nga olwelah nuh sum lah ke kom ahkolah ac tuhkuh wi pruhe nuh ke toeni luhn jacnuhruhl kanfracns, kom ac fah puhla top nuh ke ma kom nuhnkuh an, ac kom fah etuh lah “paho luhn kuhsrao” el oan fom.

Oasr luhlahlfongi lah Pahpah tomom Inkuhsrao El sramsram nuh sum. El! Lwelah luhlahlfongi lom Kacl ac Wen Kuloh Nahtuhl kahsrwe kom ikacsack lihsrlihsr sac ac eis puhsrwen Pahpah tomom. Nga fahkwack lah el oasr we ac luhngse kom yohk liki kahs kuh in fahk.