”Nga Fah Ahkkeyacloslac,” Liahona, Feb. 2025.
Mahlwem nuhkwewa Liahona Mwe Fahkwack, Fepweri 2025
”Nga Fah Ahkkweyac Loslac”
Kahsruh ahkkweyelah luhn Mwet Lahngo el ahkuhtweyac wolacna se ac olwelah ke mahno kawihl ac puhla wowo ma ac tuhkuh nuh sin kais sie sesr ke kuht ac Moulkyak uh.
Nga srackna esam wo kuhtuh forfor lwoeles luhk ke pacl se nga tuh orekma ekihn sie kacptin ke oaksohk.
Inmahsrlohltahl, ngwac oacyak liki an Germany ke 11:00 tahfuhn lwen met, na ai California ke 1:00 tahfuhn lwen tok ke lwen sac pacna. Oracni nuh sie pacl in oacyak ac ai, motkwoeyuck muh sohk tuhpallah Atlantic Ocean ac American continent oraclah ao na luo. Boeing 747 soko ah muhi, tuhsruhk tiacna arlac muhi! Pwacyeiyac uh, el kahsruhsr sahp ao 11, wiwina engyeng, in kahsruhsr ke mael 5,600 (9,0000 km).
Ke srihpen kuht sohk rohtoh, faht ah sonna wi oasr ke pacl kuht sohk uh. Kuht engankihn kahlwem ke lwen som sahslah liki acn Germany nuh California.
Fohlohklac nuh Germany, tuhsruhk, el soko pacna sramsram. Kuht finne oacyak met kuhtuh liki infulwen lwen, ke kuht sohk kuhtuhlacp, tili luhn faht ah sa na tuhkuh tiac oacna pacl nuhkwewa, ac met liki kuht etuh, fong tuhkuh nuh facsr.
Ke pacl in sohk loeloes inge, nguhnihk kwacna sesseslah ke kaksak ke nga nuhnkuh kahtoiyen facluh se inge ac ke akwuck ma God el oraclac. Finne ke pacl sohk ke fong, ke lohsr mahtoltol, nga etuh na pwacye lah faht ah ac sifil takwack, suc kahlwem sac fah fohlohkoh ac use fucsrfucsr ac moul nuhke sie lwen sasuc met liki fuhfahsryucsr lasr uh sahflah. Ma sikyak ke sohk luhk uh sahp oraclah oacna faht ah in kahkahsrihk tili kuh pihsrpihsrlac, tuhsruhk nga etuh lah faht ah nuh oacyac ah na, tu kuh, ac mwesahs inkuhsrao.
Nga puhla oacpacna ke God. Ke srihpen nga etuh na pwacye lahlmwetmwet luhn God ac srihpac nuhke ma nuhkwewa El oraclah, nga kuh in puhla engan in finsrak ac mihslac kawihl ke nga nuhnkuh ke moul suhkawihl lasr uh. Kuht tuhlihk nuhtin God. El luhngse kuht. El etuh elyah lasr uh. El ahkolah in kahsruh. Ma pwacye inge tiacna eklac, finne ke pacl kuhtwena ma raunikuhtlac inge ekyek ac upac in palyeyuck.
Kuht nuhkwewa puhla pacl upac, suhpwacr, ac nuhkanlah suc ahkkolukye mislac lasr uh. Fuhkah kaksak luhk ke ma nga luhlahlfongi ac ma pwacye ac kahlwem (liye Olweacng ac Wuhlweacng 88:6–11). Jisus Kraist pa kahlwem ac moul luhn facluh. Ke Srihpacl ac kihsackuhnlah ke Iwaclah Lal, oasr finsrak lasr ke pacl tok uh, ikackah nuh sesr kahlwem wolacna in tohlwack lohsr luhn lwen ke fuhfahsryucsr lasr, ac olwelah ke kuhtanglah luhlahp fin ma koluk ac misac.
”El Luhngse Facluh”
Jisus Kraist muhkwena pa mwet wo se in fahsr fin facluh se inge. Ke srihpen moul wolacna Lal, wacngihn sowe moul Lal ke nuhnuhnkuh. Tuhkuh ke luhngse Lal nuh sesr, El sang moul Lal kacsr kais sie ac nuh sin tuhlihk nuhtin God nuhkwewa yen nuhkwewa in ikacslah sruhnguhl nuhke moul kawihl ac moul ma pahtpaht.
Finne ma Setuhn el ke kuht in luhlahlfongi, wacngihn sie sesr ahluhkwelah kuh luhn Mwet Lahngo in molikuhtlac. Wacngihn sie sesr koflah nuhke pahkotwen luhn nuhnak muhnahs. Wacngihn sie sesr yohk liki in ”apihsyucklac ma pahtpaht ke poun luhngse Lal” (2 Nephi 1:15).
Mwe sang yohk liki nuhkwewa se inge tuhkuh ke kuh ac kuh luhn molwelah ke Iwaclah luhn Jisus Kraist. Ke srihpen kweok luhn Mwet Lahngo in Ketsacmuhni ac ke Kolkota, El etuh lah elac molikuhtlac fuhkah ac kahsrwe kuht ke kuhtuh ma ac mwe muhnahs lasr nuhkwewa (liye Alma 7:12).
“El tiac oruh kuhtwena ma sahyacn na ma in ahkinsewowoye facluh; tuh El luhngse facluh, oruh El fihliyac moul Lal sifacna tuh Elan kuh in pwacnlah mwet nuhkwewa nuh Yohrohl” (2 Nephi 26:24).
Jisus Kraist pa kuhiyacsr!
El ahsrwoelah.
El fohlohkuhnwack.
El lahngo.
”Ke Mwet Lahngo el misac ke mwet nuhkwewa, El ikacslah inkacnek se nuh selos suc fahsr Tohkohl in kuh in eis onweyuck Lal, ahkkweyeyuck, ac molwelah fokoko,” President Russell M. Nelson el fahk.
Kuh sac, oacna faht uh, oasr pacl nuhkwewa. El tiacna ahlohloh. Sulaclah se in ukwe falken Mwet Lahngo el oacna kom in fahsr liki nguhna se ac utyak nuhke kahlwem luhn faht, ma kuht kuh in eis mwe insewowo ke kahlwem luhn God, fucsrfucsr, ac luhngse. Nga etuh lah sie lwen, kuht ac fah tahpuhllac ac fah sesseslah ke kaksak suc kuht oraclah sulaclah yohk srihpac ma pahtpaht in luhlahlfongi ke Jisus Kraist ac luhngse wolacna Lal in sruhkkuhtyak ac ahkkweye kuht.
“Fohlohkoh nuh Yuruk”
Puk luhn Mormon el sruhmuhn ke mwet suc muhta yen lohsr na upac ke lwen tolu tukun srihpsrihpyak luhn Mwet Lahngo. Oasr luhn lohsr yohrohlos kuh in luhmweyuck nuhke nguhnin lohsr ma kuht nuhkwewa puhlakihn ke srihpen ma koluk. Na mwet ah lohng puhsrwen Kraist solwaclos liki lohsr nuhke kahlwem Lal:
“Yac kowos inge ac tiac fohlohkoh nuh Yuruk, ac auliyak ke ma koluk lowos, ac forlah eklac, tuh Nga in kuh in unwe kowoslac?” 3 Nephi 9:13).
“Ac kowos fah sang ke sie mwe kihsac nuh Sihk ke inse muhsahl ac toasr in nguhn” (3 Nephi 9:20).
”Auliyak ac fohlohkoh nuh yuruk ke insiowos kwewa” (3 Nephi 10:6).
Mwet Lahngo el kohllah solsol se pacna ingoh nuh sesr misenge ke kuht konwekuhtyak tuhlac in lohsr. Oacpacna ke kais sie kuhsruhn lwen akihlenyac muhtwacwacack luhn sie lwen sasuc, kais sie pacl kuht auliyak, kuht eis mutwacwacack sasuc se, sie muhtwacwacack sasuc kahlwem.
Tiac kalmac pa fihsrwacsr. Auliyak kalmac pa eklac, ac eklac tiacna sa in sikyak. Ke engan, auliyak el oacwac nuhke ”inse ahsor” (2 Corinthians 7:10). Enenuh kuht in fahkwack ac tuhlahlah tahfonglah lasr, siyuck ke nuhnak muhnahs sin God ac nuh selos ma kuht ahkkolukye. Yohk liki nuhkwewa, enenuh kuht in suk “ke Nguhn luhn Leum Omnipotent,“ tuh kuht in puhla “sie eklac kuh … ke insiacsr, in muh wacngihnlac ke in oruh ma koluk, tuh in tahfwelah in oruh ma wo“ (Mosiah 5:2).
Kain in eklac sac fuhfahsryucsr na lwoeles se, tuhsruhk ke kom tuhfahna is step se met uh, ”lwen in molwelah lom” muhtwacwacack, ac ”ingena plwacn in molwelah wolacna fah tuhkuh nuh sum” (Alma 34:31).
Tuhkuh ke auliyak pwacye lasr, God el olwelah in nuhnak muhnahs ac tiac sifil esam ma koluk lasr uh. Ke upac kuht in muhlkuhnlah ma koluk lasr uh, lwelah kuht in kacfeacng in luhlahlfongi ke olwelah luhn Leum in nuhnak muhnas ac luti in nuhnak muhnahs nuh selos sahyac ac kuht sifacna.
”Nguhn lasr uh muhsahllah ke kuht tahfonglac ac orekma koluk uh,” luti sel Prestuhn Boyd K. Packer (1924–2015). ”Tuh sienna liki moul in mahno lasr uh, ke orekma ke auliyak uh sahflah, wacngihn inkac luhlah ke srihpen Iwaclah luhn Jisus Kraist.”
Unwelah Mwet Kun se, sel Carl Heinrich Bloch
”Usaclosme Nuh Inge”
Mwet Lahngo pa Sifen Ahkkeyelah. Sie mukwikwi askuhlacna ke kuhiyen kuh Lal pa konweyuckyak ke Puk luhn Mormon, ke ma suhmuhslah ke orekma Lal sifacna ke pacl met fin acn Marike.
”Yac oasr kuhtwena mwet mas inmahsrlowos?” El siyuck. ”Usaclosme nuh inge. Yac oasr kuhtwena mwet ma ul, kuh kun, kuh maskihn niyac, kuh suhkahpahs, kuh lepa, kuh koflah fahsr, kuh ma suhlohng kahs, kuh kweok ke kuhtwena ohiyac? Usaclos me nuh inge ac Nga fah unweloslac, tuh oasr pahkomuhta luhk keiwos; insiuck sesseslah ke pahkotwen. …
Ac tukun ma inge ke El tuh sramsram ohinge, nohfohn un mwet pucspucs sac, tuhkweni na, tuh som wi mwet mas lalos ac mwet kweok lalos, ac mwet ul lalos, ac wi mwet kun lalos, ac wi mwet koflah kahskahs lalos, ac weluhlos nuhkwewa suc kweok ke kuhtwena ohiyac; ac El tuh unweloslac kais sie mwet nuhkwewa ke elos utuckuh nuh Yohrohl. (3 Nephi 17:7, 9).
Pacl nuhkwewa Mwet Lahngo el unwelah sie met ”kweok ke oacna sie ohiac,” kwewana met liki ac tukihn Moulyak Lal, mwe ahkpwacye ke kuh luhlahp in unwelah nguhnwasr. Kais sie unweyuck usrnguck tuh sie ma yohk sripac ac olwelah ke moul kawihl ac puhla wolacna ma fah tuhkuh nuh sesr nuhkwewa ke Moulyak, suc “pa sahflahiyen ahkkeyelah luhn Leum.“
Pwacyena lah pruhe lasr nuhke ahkkweyelah ke moul se inge tiac top ke pacl nuhkwewa ke inkacnek kuht finsrak nuhkac uh, tuhsruhk eltahl tiacna pihlesrweyuck. Pacl luhn ahkkweyelah fah tuhkuh, oacna ke lohsr luhn fong kwacna wacngihnlac—ke pacl fal—nuhke wolacna luhn faht uh tahkwack.
Oacna ke Prestuhn Nelson el fahkwack: “Luhlahlfongi lasr uh sonna wi tiac akihlenyuck uh. Nga etuh lah liye luhn Pahpah Lucng suc etuh ma nuhkwewa wo likina ma kuht liye uh. Ke kuht etuh ma upac ke moul in mahno se inge ac kweok, El etuh ke moul kawihl ac kapkapwack lasr uh. Kuht fin pruhe in etuh ke luhngse Lal ac iskuhtyang nuhkac ke muhtweng ac puhlaik, ahkkeyelah inkuhsrao me kuh in sikyak ke ohiyac ac pacl Lal sifacna.
Ma ingena, nga ac muhtwacn kiyuck, Harriet, tuh sang nuhke pruhe lasr ah sie mwe finsrak sacohk ac kwacfe ke mwet kuht luhngse. Kuht pruhe tuh tim soko luhn mwet ahkkweye mwet mas laltahl ah in ituckyang inkacnek usrnguck nuh selos in unwelah mas lalos. Kuht tuh engan lah kuht sang nuhkac finne sa kwelac kuh srihke in kwelac ac tiac sikyak, kuh in ahkkeyelah luhn Mwet Lahngo sahp ac sang nuh selos puhla wo ac mislac. Srihpac luhn ahkkeyelah se inge oraclah kuh in molwelah luhn Mwet Lahngo sahp finne lihksrweni na ekuhllah puhla lasr uh, ma luhn nguhn, ac finne ke mas luhn mahno likina kuhtwena mwe ahkkweye kuht eis fin facluh. Jisus Kraist pa Mwet In Ahkkeyelah ke moul se inge ac nwe tok ma pahtpaht.
Tamuhlwel ac tahmtahel wiyuck, kawuck sacohk, nga fahkwack lah pahkotwen luhn Mwet Lahngo lasr el yolyak in unwelah kihnet keim an, ohllah ma koluk lom, ahkkweye kom ke ma upac tuhkuh, ac ahkinsewowoye kom wi finsrak, lahlmwetmwet, ac mislac Lal. Kuh Lal oasr pacl nuhkwewa—tiac ekyek ac luhlahlfongiyuck—finne ke kuht, sie pacl, puhla muh kuht loesaclihk liki luhngse Lal, kahlwem, ac fucsrfucsr.
Nga pruhe tuh in tiac wacngihnlac ma kuht puhla ke usrnguck ac kaksak yohklacna ke ma nuhkwewa Jisus el oruh nuh sesr. Nuhnak muhnahs etuh lah luhngseyuck kom na pwacye, ac esam ma wuhlwelah nuh sum ke moul ma pahtpaht.
”Lwelah God Elan acsot nuh suwos tuh ma toasr lowos in kuh in ahkmuhlahlahyeyucklac, ke engan luhn Wen nahtuhl,” Jisus Kraist (Alma 33:23).
© 2025 sin Intellectual Reserve, Inc. Suwohs nuhkwewa fihliyucki. Printiyucki fin acn USA. Ahkkweyeyucklac ke English: 6/19. Ahkkweyeyucklac ke lweng: 6/19. Lweng nuhke Monthly Liahona Message, Fepweri 2025.. Kosraean. 19609 868