Mornga’ag ni Mangil ko T’ufeg nge Falfalaen’

Thil e yafos ko gubin e girdi’ nibay e tabinaw rorad ko rofan nem u lane fare luway nib y’or e gak’iy riy, Got ni Chitamangindad nge Fak, Yesus Kristus, era m’uggow miyow non ngak Joseph Smith ningan fulweg e duwer rok’ ko binngan e galasia e rayog ninge un Joseph ngay (muguy ko Joseph Smith—History 1:14–20). Yesus Kristus e yog ngak Joseph ndariy reb e pi taliw nem nra ’un ngay. Me micheg ngak Joseph nra gobul nga langlaeth riy mra dag mornga’agen e gospel Rok’ ngak.

Mbe yoeg e y’or, ni binef e liw e susun ndabiyog rok’ Joseph ni bochan niba murwel nrib ga’fan, ma sana riyul’ e nen’ niyadbe yoeg. Be’ ndariy e sikul ni yan ngay ma bpagal ni ilal ko farm u lan binaw nib achig. Makub t’aborgon ko thin nin weliy napan e rran rok’ ko fare Tathapeg, “Makubay binean’ nib mangil nra yib u Nazareth?” (John 1:46), b’or e y’or nin laminag ko mang e mangil nra yib kube’ nib 14-e duw-rok’ u Palmyra, New York. Machane u fathik Joseph—ni yibe guy y’an susan ndabiyog rok’—ma Chitamangindad nu Tharmiy nge fare Somoel Yesus Kristus e kar dagew e tin nrib mangil nrayog rogon. Pin’ey e thingari pi’ e athapeg ngodad ninge s’obutan’ nagdad nib achichig iyan, ma b’or yang nigadra pi’ e murwel rodad ngak fare Somoel.

Bay ko ngiyal’ riy, ni pining Somoel Joseph “nin non ngak u tharmiy, min pi’ e motochiyel ngak” (Doctrine and Covenants 1:17). Joseph e yog e yi’iy ngak ko mornga’agen e chep niga’fan nibe dag e tomilang ko nangfan ko fare murwel rok’ e Chitamangindad nu Tharmiy nge gelngin e t’ufeg rok’ Yesus Kristus nge maligach ko bayul Rok’. Ma rib mangil, ni tiney e thin nib mangil e yib ko ngiyal’ ney nike ga’fan make moem rogon e yan u karo, sabathin, nge boech m’amngen nike tomilang nag a taw’ath riy ngak gubin e bitir Rok’.

Fare Angel Moroni nike Pi’ fapi Plates ngak Joseph Smith, ke yib rok’ C. C. A. Christensen

Michriy nib Gel gelngin fare T’ufeg rok’ Got

Rib ga’fan ni m’ug fare angel Moroni ngak Joseph Smith ko tin nikan Fulweg Chiylan nga gelngin e t’ufeg rok’ Got. Moroni e yoeg mornga’agen ba record ngak Joseph, nibay e yol riy u dakaen ba plates nib gold, nikan k’eyag nib chuchgur ngak (muguy Joseph Smith—History 1:33–34). Rani taw ngay, ma Joseph e ran pi’ ngak “gelngin u lang” (Doctrine and Covenants 20:8) ninge thiliyeg e thin u lane record nikanoeg e Babyor ku Mormon ngay, nibe par nt’areb ko Bible ni kureb e m’ag rok’ Yesus Kristus.

U lane fare Babiyor ku Mormon, e kad bi’eged mornga’agen e girdi’, ni bokun e duw u m’on ni yib Kristus, niyad manang mornga’agen e wub Rok’ ma’ur athapeged ninge yib ngorad. Ma kad pat gad ko reb e babyor ni mornga’agen ni m’ug Tathapeg ngak fapi Nephites, Ni’i piningrad ningarbad Ngak ningar thamiyed e richib u doewngin nge fath ko richib u Pa’ nge Tugun’ay (muguy ko 3 Nephi 11:14–15). Ii gol nag a m’ar, mugutgut, nge m’aew—“nge gubin e piʼin ni demutrug e miti mʼar ni bay roraed”—me yibliy nge taw’ath nag e pich’an ni bitir (muguy 3 Nephi 17:7–9, 21). Kad filed nib y’or mornga’agen e t’ufeg rok’ fare Tathapeg nge murnguy ko fare babyor nib thothup.

Fare Babyor ku Mormon e micheg ni “Yesus e ra’ir Kristus.” Fare micheg u lan fare Babyor ku Mormon e be pagowran ngodad ni Chitamangindad nu Tharmiy nge Tathapeg rodad e riyow b’adagdad nib gel.

Fare sulyarmen e be ulul iyan ko rogon e thin ni yib u tharmiy ngak Joseph Smith. “John nima Tawfe ni foskoyam’ e sulweg yarmen fare tawfe ko ran ni nge chuweg e denen. Dalip nii’ ko fapi ragag nge l’agruwi Apostle—Peter, James, nge John—e sulweg yarmen wo’en e apostle nge fapi kiy ko gelngin e priesthood. Boech e ki yib, nib mu’un Elijah ngay, ni sulweg yarmen e tabinaw ninge par u ta’abang ni manemus ko bin migid e yafos ni gubinfen.”

April 6, 1830, Yesus Kristus e toey rogon wo’en e galasia Rok’ u dakean fare Profet Joseph Smith ningan yarmiy reb e M’ag nib bi’ech (muguy ko Articles of Faith 1:6), nikan fal’agin u “daken fare def nike toy e pi apostel nge pi profet, fare malang ni ir e ba th’abi ga’ fan ko re def nem e aram Kristus Yesus” (Ephesians 2:20). Fare Galasia ku Yesus Kristus ni fan ko Giddii’en Got ko tin Tomur e Rran e ma fal’agin e taw’ath ko fare priesthood ninge yib ngak gubin pifak Got niyad be fal’agin rogonrad ningar feked.

Ni arogon nibe yoeg ii President Russell M. Nelson ngodad, rayog ninge yib e falfalaen’ ngodad ni fa’anra gadra kalngan’ migad sapgad ngak fare Chitamangindad nu Tharmiy nge fare Tathapeg rodad. Ma bochi gimed nibe lul’ loelgen mabe sap ngabuut’: e mu sap gad ngalang ya gimed gubin nigube piningmed ningam bad ngak Kristus nge Galasia Rok’. Fare Galasia e gathi fan e gidii’ ndariy kirbin ya fan ko gidii’ nibay e gafgow rok’. Elder Dieter F. Uchtdorf ko fare Quorum ko Twelve Apostles e ke pagowran ngodad “kadbad nga galasia ni gathi ngad mithaged e gafgow rodad ya ngad gol niged.”

U galasia e gadra pat ko rogon ningad pi’ed e ayuw ngak boch e gidii’ riy, nibay e t’ufeg riy, migad pi’ a ayuw nibay amthin Kristus riy nib mangil. Ma rayog “min uneg raed ko mathaʼeg nga fithikʼ fapi chon e galasia rokʼ Kristus” nge “un lemnagraed ma yibe duruwʼiy raed ko fare thin nib mangil rokʼ Got” (Moroni 6:4). Biney e ba taw’ath ni rib mangil!

Bay bingiyal’ ni g’ar fare Profet Joseph Smith, “Ma chiney, e mang e kad rung’aged ko fare gospel nike yoeg ngodad? Lungun e falfalen! Lungun e runguy nibe yib u tharmiy; lungun e tin riyul’ nibe yib u fithik e buut; tin falfalen’ ni fan ngak e pi’in nike yim’; lungun e falfalen’ ni fan ko pi’in nib fos nge pi’in nike yim’; falfalen’ nib gel” (Doctrine and Covenants 128:19).

Mornga’ag ko pi thin ney nib mangil e ke yib ni bochane Chitamangdad nu Tharmiy nge Fak nrib t’uf Rok, Yesus Kristus, nyow b’adagdad—nib gel—myow be piningdad ningad suled nga p’owchan row gobul nga langleath, ninge yog boch rogon e par ko yafos Rorow ngodad. Fare Sulyarmen e ke dag rogon nikar Fal’aginew rogon e kanawo’ nrayog ningad dared riy. U lane kanawo’ ko manemus rodad, magadra yan u fathik e gafgow nge m’owar, machane “ere [girdii’], e [bay] nge yog e falfalaenʼ ngoraed” (2 Nephi 2:25) u lane biney e yofas nge bin magid. Fare Profet Joseph e rimanang e pin’ey.

Joseph e ii yib e gafow nge magawon ngak nib y’or, machane “d’ani patlin e falfalaen’” (Joseph Smith—History 1:28). Par nibay e falfalaen’, gelngin, nge athamgil rok’ me rin e murwel nikan pi’ ngak ninge rin’. Gube pining e magar ko urngin e Gidii’en e galasia nibay e mich rorad, ayuw, nge rogon niyad be laek fare Profet Joseph Smith nge murwel niyad pi ningan toey fapi na’un ko Galasia. Bay e magar nge malfith nran thang ko fan e liyoer rorad.

M’omaw e yafos ko Galasia s’omon, makab m’omaw ko tin chiney e rran. Machane fapi Sulyarmen e kiyibe ululeg iyan. Ni Yesus Kristus ni’ir e be gagiyog nag loelgen e Galasia, ma fapi profet nibay e chiney e yadbe pow’iydad. Fapi na’un rok’ Somoel a yibe ululeg ii toey, nibochane taw’ath ko motochiyal nib manemus rok’ Got e be m’agdad ko pich’an nib t’uf rodad nga barba’ ko fare veil (muguy ko Matthew 16:19). Fare t’ufeg rok’ Got nge Yesus Kristus e ran k’ekiyag u lan gubinyang u fayleng nif’an gadra laek kanawo’en e motochiyel ko fare Tathapeg rodad ningad duruw’iyed e saf Rok’ migad wureg mornga’agen e gospel Rok’. Gadra guy me mich u wan’dad e Sulyarmen nibe yan nga’mon ko yuyang u fayleng nsusan ndabiyog ningan guy ni’i buchbuch napan ni kabay Joseph.

Rayog ninge pat gelngindad nge falfalaen’—ni woed ni rin’ fare Profet Joseph—ni fa’anra gadra fek e tin riyul’ nga lane yafos rodad. Fare poeng ni’i tay Joseph ko gidii’en e kube ulul iyan ko rran rodad e chiney: “Thingar rdared ko bugney e murwel ni rib feal’ fa urgon? Nibe yan nga’mon gathi tomur. Athamgil. … i yan, nga’mon ni ngan gel! Falfalaen’ gumircha’em, me fal’ e tafiney roem” (Doctrine and Covenants 128:22).

Gube athapeg e biney e mornga’ag ko mangil ni mornga’agen e t’ufeg nge falfalaen’ ni fare Sulyarmen e ra’i pow’iydad u lane yafos rodad—ko chiney nge gubin ngiyal’.