Porous mi Amwarar ussun Tong me Pwapwa

Eu minefon ran ren ewe famini nein ekkewe ira, ikewe Kot ewe Sam me Noun we, Jises Kraist, ra pwangeni Joseph Smith me kapas ngeni ren ponuen an ewe anuon Joseph ioten ika meni mwichefen epwe fiti (nengeni Joseph Smith—History 1:14–20). Jises Kraist a ereni Joseph esap fiti ew me nein ekkewe mwichefen. A pwon pwe unusen An we kapas allim epwe pwano ngeni Joseph non fansoun mwach.

Chommong, Nikinikin nge Joseph esap ii ewe epwe koko ngeni eu auchean angang, me ir mi pung. Ese wor an sukun me emon at ese wewe seni eu kukun atake non eu neni mi towaw. Usun chok an ekkoch apasa usun ewe Chon Amanau non An ran, “Epwe tongeni wor mettoch mi murinno epwe feito seni Nazareth? (John 1:46), chommong repwe mochen sinei met mi och epwe tongeni feito seni emon ier 14-ese sukun non Palmyra, New York. Nge seni Joseph—usun nono ngeni ren nikinikin— Samach won Nang me ewe Samon Jises Kraist a uweiato ewe ennet mi achifoua. Ei epwe ngeni kich epinukunuk pwe non anen ach kukun me tipetekison, sia pwan tongeni aninis ren mettoch mi auchea ngeni anen an ewe Samon we angang.

Non fansoun, ewe Samon a kokori Joseph “me kapas ngeni i seni nang, me ngeni i ekkewe annuk” (Doctrine and Covenants 1:17). Joseph a angei ekkewe auchean pwarata me pochokunen annuk mine a wato saram ngeni ach weweiti usun an Samach won Nang we kokoten tong me achasefan an Jises Kraist me manamanen An we fangono manauan. Auchean, ekkei porous mi amwarar ra fis non ewe wesewesen fansoun nupwen watten auchean mwitirin me mecheresin fetanin mokutun, kapas, me ekkoch anemecheresin an Kot saram an epwe saramano ne efeiochu chommong me chommong Noun semirit.

Ewe Chon Nang Moronai a Ngeni Joseph ekkewe Kolt Seleich, seni C. C. A. Christensen

Eu Manamanen Pwarata usun an Kot Tong

Ewe pwaton ewe chon nang Moronai ngeni Joseph Smith amen auchea ngeni ewe Niwinsefanito me pisekin pwarata ren manamanen an Kot tong. Moronai a ureni Joseph usun eu rekot, a mak won ekkewe seleich, mi ireireno ekis mi kaneto (nengeni Joseph Smith—History 1:33–34). Mwirin chok, Joseph epwe angei “manaman seni asan” (Doctrine and Covenants 20:8) an epwe chiakuni ewe rekot ngeni met a winiti ewe Puken Mormon, mine a chienen ewe Paipen me pwan eu pwarata usun Jises Kraist.

Unusen ewe Puken Mormon, sia anneani usun aramas ekkewe, non pukuwen ier me mwen Kraist, ra sinei me ra kapas usun Wareton me met epwe fis. Sia pwan kuna usun pusin porousen an ewe Chon Amanu manausefan me pwa ngeni me afanafan ngeni ekkewe chon Nifai usun mine a etiwa meinisin repwe feito ngeni I me mefi ekkewe esisin me pwangen chufon non poun me pechen (nengeni 3 Nephi 11:14–15). A echikara kewe mi semwen, ewe mi pechema, ewe mi chuun—“meinisin mine mi riafou non sokkun samau”—me a pwan efeiochu ekkewe semirit me iotek fan iter. (see 3 Nephi 17:7–9, 21). Sia kaeo chommong mettoch usun an ewe Chon Amanau me umoumoch seni ei puk mi pin.

Ewe Puken Mormon a pwarata pwe “Jises i ewe Kraist.“ Ewe kapas pesepes non ewe Puken Mormon a eniwini ne achema ngeni kich usun an Samach won Nang me ach we Chon Amanau we tong sise tongeni awewei.

Ewe Niwinsefanito a soposopono ren pwaton ekkoch chon uwou kapas seni nang ra pwa ngeni Joseph Smith. “John ewe Sou Papatais mi manausefan a eniwinato ewe mumuta ne papatais ren mono fan konik ren omusomusen tipis. Unumon me nein ekkewe akkaewin engon me ruemon Aposel—Peter, James, me John—ra eniwinato ewe wisen aposel me kiien mumutan pristut. Ekkoch ra pwan feito, mi pachenong Elijah, ewe a eniwinato ewe mumuta ne achufengeni famini feinfeino non nefin esemuch mi nap seni mano.“

Non April 6, 1830, Jises Kraist a aueta eu Mwichefen seni ewe Soufos Joseph usun napanapen ewe mine A aueta me non fansounTestament Sofo (nengeni Articles of Faith 1:6), a unusochuno ren “ewe nongonongen apposel me ekkewe soufos, pusin Jises Kraist ewe foun nongonong” (Ephesians 2:20). Ewe Mwichefenin Jises Kraist ren Aramas mi Pin non Fansoun Soponon a fori ekkewe feiochun niwinsefaniton manamanen pristut ngeni meinisin noun Kot semirit ekkewe ra moneta ar repwe angei.

Nupwen Preseten Russell M. Nelson a aiti kich, sia tongeni kuna pwapwa non aier iteiten ran nupwen sia kun ngeni Samach won Nang me ach we Chon Amanau. Ngeni ion mi mefi an nipwakingaw ika rese ukungeni ika ketiw: meinisin ir mi ketiw ar repwe feito ngeni Kraist me An Mwicfefen. Ewe Mwichefen esap eu neni ngeni ekkewe mi unusoch pwe eu pioing faniten ekkewe mi samau. Elter Dieter F. Uchtdorf seni ewe Mwichen Engon me Ruemon Aposel a achema ngeni kich pwe “sia feito ngeni fan esap ren ach sipwe opano ach kewe osukosuk nge sipwe echikarer.

Non fan sia kuna pwapwa non sokkun mine sipwe isenong netipach non, angang ngeni ekkoch ren tong, me chiechi ngenir won met pusin ach sinei fiti chommongun an Kraist umoumoch. Sia tongeni “fiti ekkewe aramas seni ewe Mwichefenin Kraist” me “chechemeni me mamarita seni ewe kapasen Kot mi murino” (Moroni 6:4). Met ren amwararen ei feioch!

Ewe Soufos Joseph Smith a pwarata, “Iei, met sia rong non ewe kapas allim mine sia angei? Eu mongungun pwapwa! Eu mongungun umoumouch seni nang; me eu mongungun ennet seni ewe fonufan; poraus mi pwapwa fan iten ekkewe mi mano; eu mongungun apwapwa fan iten ekkewe mi manau me ekkewe mi mano; poraus mi amwarar ren wachemuken pwapwa“ (Doctrine and Covenants 128:19).

Ekkei porouse mi amwarar afen feito pokiten Samach won Nang me Noun we mi Achengicheng, Jises Kraist, ramen tongei kich me mochen—nap seni mettoch meinisin—repwe etiwa kich sefan ngeni Fan Meser, pwe sipwe ani ewe manau usun Ir fefeino. Ewe Niwinsefanito a pwa pwe Ra fori mettoch mine mi auchea an epwe fis ei ngeni kich meinisin. Non ach sai fochofoch, sia kuna sossot me weires, nge “[sia] fen, pwe [sipwe] aani pwapwa” (2 Nifai 2:25) non ei manau me ewe mwirin. Ewe Soufos Joseph a sinei ei nap seni meinisin.

Joseph a kuna sokkun weires meinisin, nge mi chok fokkun“mosonotam ngeni” (Joseph Smith—History 1:28). A chok fokkun pwapwa, pochokun, me mosonoson, me a awesano ewe murinon angang mine afen koko ngeni epwe fori. Ua men sufoniti meinisin ekkewe Sounang nom ekkewe ra nuku, pesei, me ausening ngeni ewe Soufos Joseph Smith me epinono inisir ngeni koutan ewe Mwichefen. Sia men unusen kinisou ngenir me asamonur.

Amen nongaw non ekkewe fansoun nom ren ewe Mwichefen, me epwe pwan tongeni nongaw ikenai Nge ewe Niwinsefanito mi soposopono. Ren Jises Kraist i ewe mokuren ei Mwichefen, soufos mi manau repwe sopweno ne emweni kich. Imwen ewe Samon epwe soposopono ne kouta, pwe ekkewe feiochun pwon ese much ren Kot epwe rifenenikich ngeni I me ngeni atongeachach won ir me ruepek ewe pwonupon mangaku (nengeni Matthew 16:19). Ewe tongen Kot me Jises Kraist epwe soposopono ngeni unusen fonufan nupwen sia apuru an ewe Chon Amanau annuk ne amongoni Noun sip me chiechi fengen won An kapas allim. Sipwe pwarata ekkewe ennet usun ewe Niwisefanito epwe feino non sokkun an me ngeni neni mine rese ekieki usun ekkewe fansoun an Joseph.

Sia tongeni kuna pochokun me pwapwa—usun met ewe Soufos Josoph fori—nupwen sia foropachei me manaueni ewe ennet. Ewe koko Joseph Smith a fori ngeni ekkewe Sounang non an we fansoun mi soposopono ngeni kich ikenai: “Met sisap feino non eu auchean mettoch a fis? Feino mwach me sisapw niwinsefan. Porachou, … me feinno, feinno ngeni ewe fansoun win! Amo netipom epwe pwapwa, me ennetin pwapwa” (Doctrine and Covenants 128:22).

Mut ngeni ewe porous mi amwararen tong me apwapwa pwe ewe Niwinsefanito epwe wato feioch me emwen non manauach—ikenai me fansoun meinisin.