« សាសនាចក្រប្រកាសពីការធ្វើបច្ចុប្បន្នភាពទំនុកតម្កើង » លីអាហូណា ខែ វិច្ឆិកា ឆ្នាំ ២០២៣ ។
សាសនាចក្រប្រកាសពីការធ្វើបច្ចុប្បន្នភាពទំនុកតម្កើង
នាពេលថ្មីៗនេះ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដាក់ផែនការចេញផ្សាយសៀវភៅ ទំនុកតម្កើង—សម្រាប់គេហដ្ឋាន និងសាសនាចក្រ ជាភាសាអង់គ្លេស អេស្ប៉ាញ ព័រទុយហ្គាល់ និងបារាំងនៅត្រឹមចុងឆ្នាំ ២០២៦ ជាមួយនឹងភាសាផ្សេងទៀតជាបន្ដបន្ទាប់តាមក្រោយ ។
សៀវភៅទំនុកតម្កើងថ្មីនេះនឹងមានទំនុកតម្កើងចន្លោះពី ៤៥០ ទៅ ៥០០ បទ ព្រមទាំងចម្រៀងកុមារផងដែរ ។ ភាសារហូតដល់ទៅ ៥០ ភាសានឹងត្រូវបោះពុម្ពនៅត្រឹមឆ្នាំ ២០៣០ ។ ការណ៍នេះមានន័យថា ក្រុមជំនុំពួកបរិសុទ្ធថ្ងៃចុងក្រោយនៅទូទាំងពិភពលោក នឹងថ្វាយបង្គំដោយមានសៀវភៅទំនុកតម្កើងដែលដាក់បញ្ចូលគ្នាដូចគ្នា និងរួមគ្នា ដែលមានលេខទំព័រដូចគ្នានៅគ្រប់ភាសាដែលនិយាយភាគច្រើនបំផុតនៅក្នុងសាសនាចក្រ ។
ទន្ទឹមនឹងគ្នាដែរ សាសនាចក្រនឹងចេញផ្សាយបទចម្រៀងថ្មីៗមួយចំនួនតាមឌីជីថល ដែលនឹងចាប់ផ្តើមនៅពាក់កណ្តាលឆ្នាំ ២០២៤ ។ បទចម្រៀងទាំងនេះអាចយកមកប្រើរួមជាមួយនឹងទំនុកតម្កើង និងបទចម្រៀងនៅក្នុងសៀវភៅទំនុកតម្កើង និងសៀវភៅចម្រៀងដែលបានបោះពុម្ពនាពេលបច្ចុប្បន្នរបស់សាសនាចក្រ ។ បទចម្រៀងទាំងនេះនឹងរួមបញ្ចូលទាំងតន្ត្រីដែលមានមនុស្សស្រឡាញ់ច្រើនរបស់សាសនាចក្រ ដែលបាននិពន្ធឡើងបន្ទាប់ពីឆ្នាំ ១៩៨៥ ( ដូចជាបទ « Faith in Every Footstep » ) តន្រ្តីដែលបានខ្ចីមកពីជំនឿផ្សេងទៀត និងបទចម្រៀងថ្មីៗប្រហែលចំនួន ១៧,០០០ ដែលដាក់ជូនដោយសមាជិកទាំងឡាយនៃសាសនាចក្រ ។ បទចម្រៀងជាច្រើន បើមិនទាំងអស់ទេ នៃបទចម្រៀងថ្មីៗទាំងនេះ ដែលនឹងមានការចេញផ្សាយតាមឌីជីថលជាមុន នឹងត្រូវរួមបញ្ចូលទៅក្នុង ទំនុកតម្កើង—សម្រាប់គេហដ្ឋាន និងសាសនាចក្រ នៅពេលក្រោយ ។