“Koasoandi en Mwomwohdiso en Sises Krais,” Liahona, Oakotohpe 2023.
Padahk en Sounpwong kan Liahona Oakotohpe 2023
Koasoandi en Mwomwohdiso en Sises Krais
Kaun Sises Krais, sang Del Parson
Sises Krais iei me moangen Mwomwohdiso en Sises Krais en Souleng en Imwin-rahn akan. E kin ketin kamarainih soukohp oh wahnpoaron akan en kahluwa Mwomwohdisoh rahnwet, duwehte me E ketin wiahier nan mwein Kadehde Kapw ko. Irail kin alehdi sawas sang ekei sounkaweid kan en Mwomwohdiso.
Mwomwohdiso en Sises Krais en Souleng En Imwin-rahn akan iei sapwellimen Sounkomouro Mwomwohdiso. “Pwe kumwail pil kisehn tehnpas ehu me poahsoanki wahnpoaron oh soukohp ako me pein Krais me wia takain pwukakeimw” (Episos 2:20). Met wehwehki me Ih me wia pali keiou kesempwal en poahsoano. E kin ketin kaweid Mwomwohdisoh sang soukohp oh wahnpoaron akan me E ketin piladahr en wia sounkaweid kei.
Presedensi Keieuo
Preseden en Mwomwohdisoh iei sapwellimen Koht soukohp pohn sampah rahnwet. Ih me wia sihnier Wahnpoaron oh ihte ih pohn sampah me kin alehdi kaudiahl en kaweid Mwomwohdisoh unsek. Kauno kin ketin kamarainiheki en ese mehnia Wahnpoaron riemen me en pilada pwe irahn wia pwukoahn nah sounsawas. Irail me wiahda Presedensi Keiouo. Ohl silimen pwukat iei soukohp kei, ohl sarawi kei, oh soun kihla kaudiahl kei.
Pwihn en Wahnpoaron Ehk Riemenko
Towehkan en Pwihn en Wahnpoaron Ehkriemenko pil wia soukohp kei, ohl sarawi kei, oh soun kihla kaudiahl kei. Irail alehdier malipilip irail en wia soun kadehde kesempwal en Sises Krais. Irail kin seiloak seli nan sampah pwon pwehn padahngki oh kadehdehki Ih. Tehk Doctrine and Covenants 107:23, 33.)
Pwihn en Isiakanko
Towehkan en Isiakanko pil iang malipilip ohng wia soun kadehdeh Sises KraisDoctrine and Covenants 107:25). Irail kin sewesehki Pwihn en Wahnpoaron Ehkriemenko padahngki rongamwahu wet oh kauwada Mwomwohdisoh nan sampah pwon.
Kilel sang Machiko Horii
Sounkaweid kan en Ehu Ehu Wasa
Amwail presedensi en steik de distrik, pisoprik de prans presedensi, oh presedensi en kohrumw en elder kan oh Pwihn en Sawas en Lih pil iang alehdier malipilip sang rehn Koht. Irail kak sewesei kumwail en esehla oh momourki rongamwahuo. Kumwail kak esehla duwen ekei pwukoah pwukat nan sinlikou en Mahs 2022, “Wie Papah nan Pwukoah kan en Mwomwohdiso.”
© 2003 sang Intellectual Reserve, Inc. Kolokol pwuhng koaros. Intingda nan USA. Kamanaman ohng ni lokaiahn Wai: 6/19. Kamanaman ohng kawehwe: 6/19. Kawehwehpen Padahk En Sounpwong Kan nan Liahona, Oakotohpe 2023.Language.19048 885