“Ndongoluelu wa Ekelezia wa Yezu Kilisto,” Liahona, Ngondu wa Dikumi 2023.
Mukenji wa ku Ngondu wa Liahona Ngondu wa Dikumi 2023
Ndongoluelu wa Ekelezia wa Yezu Kilisto
Mukalenga Yezu Kilisto, kudi Del Parson
Yezu Kilisto udi mfumu wa Ekelezia wa Yezu Kilisto wa Bansantu ba Matuku a Ndekelu. Udi ufila lungenyi kudi bambi ne bapostolo bua kulombola Ekelezia lelu, bu muvuaye wenza mu tshikondu tshia Dipungila Dipia-Dipia. Badi babambuluisha kudi balombodi bakuabu ba Ekelezia.
Ekelezia wa Yezu Kilisto wa Bansantu ba Matuku a Ndekelu udi Ekelezia wa Mupandishi. Udi “muibakibua pa tshishimikidi tshia bapostolo ne bambi, Yezu Kilisto nkayenda udi dibue dinena dia mu ditumba” (Efeso 2:20). Bidi biumvuija ne, yeya udi tshitupa tshia mushinga mukola tshia tshishimikidi. Udi uludika Ekelezia wenda kupitshila ku bambi ne bapostolo badiye musungula bua kuikala balombodi.
Bulombodi Bukulu bua Kumpala
Mulombodi Mukulu wa Ekelezia lelu udi muambi wa Nzambi pa buloba. Udi Mupostolo mukulumpa ne muntu umua pa buloba udi upeta dibuluila bua kuludika Ekelezia mujima. Mukalenga udi umupesha meji bua kumanya Bapostolo kayi babidi badiye mua kubikila bu babedi benda. Badi benza Bulombodi Bukulu bua Kumpala. Bonsu basatu badi bambi, bamoyi, ne babuluidi.
Mpuilu wa Bapostolo Dikumi ne Babidi
Bidimba bia Mpuilu wa Bapostolo Dikumi ne Babidi bidi kabidi bambi, bamonyi, ne babuluidi. Badi babikidibua bua bikala bajadiki basunguluka ba Yezu Kilisto. Badi bendakana mu buloba bujima bua kulongesha ne kujadika pa Yeya. (Tangila Dilongesha ne Bipungidi 107:23, 33.)
Mpuilu wa Bakulu Makumi Muanda Muteketa
Bidimba bia Bakulu Makumi Muanda Muteketa bidi bibikidibua kabidi bua kuikala bajadiki basunguluka ba Yezu Kilisto (tangila Dilongesha ne Bipungidi 107:25). Badi bambuluisha Mpuilu wa Bapostolo Dikumi ne Babidi bua kulongesha lumu luimpa ne kuibaka Ekelezia mu buloba bujima.
Foto wa kudi Machiko Horii
Balombodi ba Pabuipi
Mulombodi Mukulu wenu wa dikunji anyi wa distrika, buepiskopo anyi bulombodi bukulu bua ditamba, ne mpuilu wa bakulu ne Nsangilu wa Diambuluisha badi babikidibua kabidi kudi Nzambi. Badi mua kunuambuluisha bua kulonga ne kuteka lumu luimpa mu tshienzedi. Nudi mua kulonga pa mabikila makuabu â mu tunungu tua Tshishikaminu tshia Lumu Luimpa Ngondu Muisatu 2022, “Disadila mu Mabikila a Ekelezia.”
© 2023 kudi Intellectual Reserve, Inc. All rights reserved. Bipatula mu USA Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, October 2023. Language. 19048 760