“Edinam Ubono-ŋkpɔ eke Ufɔk Abasi Jesus Christ,” Liahona, Ɔfiɔŋ Duop 2023.
Ɔfiɔŋ-ke-ɔfiɔŋ Etop eke Liahona , Ɔfiɔŋ Duop 2023
Edinam Ubono-ŋkpɔ eke Ufɔk Abasi Jesus Christ
Ɔbɔŋ Jesus Christotode Del Parson
Jesus Christ edi ibuot eke Ufɔk Abasi Jesus Christ Mme Ndisana-owo ke Ukpere Edem Usen. Enye eteme mme prophet ye apostle ndida Ufɔk Abasi usuŋ mfin emi, ukem nte Enye akanamade ke mme ini eke Obufa Testament. Mme adausuŋ efen ke Ufɔk Abasi enɔ mmɔ unwam.
Ufɔk Abasi Jesus Christ Mme Ndisana Owo ke Ukpere Edem Usen edi Ufɔk Abasi eke Andiyaŋa. “Ebɔp enye edori ke itiat-idak-isɔŋ eke mme apostle ye prophet, Jesus Christ ke idemesie edide akpan itiat-inuk” (Nwed Mbon Ephesus 2:20). Emi ɔwɔrɔ ke Enye edi ata akpan ŋkpɔ ke itiat-idak-isɔŋ oro. Enye ada Ufɔk Abasi usuŋ oto ke mme prophet ye apostle emi Enye ekemekde ndidi mme adausuŋ.
Mbon First Presidency
Adaibuot Ufɔk Abasi edi prophet Abasi ke isɔŋ mfin emi. Enye edi mkpon-nkan apostle ye nkokure owo ke isɔŋ emi ɔbɔde eriyarare man ada ofuri Ufɔk Abasi usuŋ. Abasi eteme enye man ɔdiɔŋɔ ewe Apostle iba ke edi-kot man enwam nte mme ɔnɔitem esie. Mmɔ enam First Presidency. Kpukpru mbita oro edi mme prophet, asiak-uduak, ye mme andiyarare.
Eboho eke mme Apostle Duopeba
Mbon Eboho eke Apostle Duopeba nko edi mme prophet, asiak-uduak, ye andiyarare. Ekot mmɔ ete edi asaŋa-asaŋa ntiense enɔ Jesus Christ. Mmɔ esaŋa ke ofuri ererimbot man ekpep enyuŋ etiŋ-ikɔ-ntiense ebaŋa Enye. (Se Doctrine ye Covenants 107:23, 33.)
Mme Eboho eke Seventy
Ekot mbon eke Seventy nko ndidi mme ntiense nnɔ Jesus Christ (se Doctrine ye Covenants 107:25). Mmɔ enwam mbon Eboho Duopeba ndikpep ikɔ Abasi nyuŋ ntum ubono-ŋkpɔ Ufɔk Abasi ke ofuri ererimbot.
Ndise otode Machiko Horii
Mkpri Adausuŋ
Edi Abasi nko okot stake mme district presidency, bishopric mme branch presidency, ye mme presidency eke eboho elders ye Relief Society mbufo Mmɔ ekeme ndinwam mbufo ekpep enyuŋ enam ikɔ Abasi. Afo emekeme edikpep mbaŋa usuk mme ikoot emi ke ŋwed Gospel Basic eke ɔfiɔŋ Ita 2022, “Ndinam-utom ke mme Ikoot eke Ufɔk Abasi.”
©2023 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop Liahona, Ɔyɔhɔ Ɔfiɔŋ Duop 2023. Language. 19048 553