თვითუზრუნველყოფა გვაძლიერებს

თვითუზრუნველყოფა მოითხოვს განათლებას, მორჩილებას და ბეჯით შრომას. ჩვენ ყველაფერს ვაკეთებთ, რათა საკუთარ თავზე ვიზრუნოთ და, საჭიროების შემთხვევაში, დახმარებას ვთხოვთ სხვებს. ნამდვილი თვითუზრუნველყოფისთვის ასევე უნდა ვისწავლოთ იესო ქრისტესადმი რწმენა. შემდეგ, საკუთარ თავზე მუშაობისას, იგი გაგვაძლიერებს.

სულიერი თვითუზრუნველყოფა

ჩვენ სულიერი თვითუზრუნველყოფის შექმნა შეგვიძლია იესო ქრისტეს მოწმობის გაძლიერებით. ამას ვაკეთებთ ლოცვით, წმინდა წერილების შესწავლით, ეკლესიაში სიარულით, მცნებების დაცვით და სხვა საქმეების კეთებით, რასაც ქრისტესთან ახლოს მივყავართ. იმის ცოდნა, რომ ის დაგვეხმარება, გვაძლევს რწმენას საკუთარ ძალაში ცხოვრების რთულ პერიოდში.

მიწიერი თვითუზრუნველყოფა გულისხმობს ჩვენი და ჩვენი ოჯახის ფიზიკური საჭიროებების უზრუნველყოფას. ეს მოიცავს საჭმელს, საცხოვრებელს, ჯანდაცვას და სხვა საჭიროებებს. ამას ვაკეთებთ კარგი განათლების მიღებით, უნარების შეძენით, ბეჯითად მუშაობით, დროის გონივრულად გამოყენებით და ფულის სწორად განკარგვით.

ემოციური თვითუზრუნველყოფა

ემოციური თვითუზრუნველყოფა არის ემოციურ გამოწვევებთან გაბედულებით და რწმენით ადაპტირება. ცხოვრებაში ყველა ვხვდებით წინააღმდეგობებსა და სიძნელეებს. სახარების წყალობით ვიცით, რომ შეგვიძლია თავად ავირჩიოთ, როგორ ვუპასუხოთ მათ. უფალში რწმენით პასუხისას ღმერთი აძლიერებს ჩვენს სიძნელეებთან შეჭიდების უნარს.

ყოველთვის უნდა ვსწავლობდეთ. ღმერთს სურს გავნათლდეთ და გავაუმჯობესოთ უნარები ამ ცხოვრებაში და მარადისობაში. რაც მეტს ვსწავლობთ, მით უფრო ძლიერია ჩვენი კარგი გავლენა და ზრუნვა საკუთარ თავზე, ოჯახზე და მათზე, ვისაც ეს სჭირდება.

თვითუზრუნველყოფის დალოცვები

წინასწარმეტყველებმა გვასწავლეს, რომ თვითუზრუნველყოფის გაუმჯობესებით დალოცვილნი ვიქნებით მეტი იმედით და სიმშვიდით. შევძლებთ ჩვენი ოჯახისა და სხვების დახმარებას. ასევე მივიღებთ მეტი შესაძლებლობისა და წინსვლის გაგრძელების დალოცვას.

თქვენი პალო შეიძლება თვითუზრუნველყოფის ჯგუფებს სთავაზობდეს. ამას შეუძლია თვითუზრუნველყოფის პრინციპების, ფულის განკარგვისა და უკეთესი სამუშაოს ძებნის სწავლება. შეგიძლიათ დაკავშირებული რესურსები სახარების ბიბლიოთეკაში იპოვოთ. მონიშნეთ „წიგნები და გაკვეთილები“ და შემდეგ „თვითუზრუნველყოფა“.