“Si Mund të Besoj pa Parë?”, Liahona, korrik 2023.
Eja, Më Ndiq
Gjoni 20
Si Mund të Besoj pa Parë?
Hollësi nga Christ Appears to the Twelve after the Resurrection [Krishti u Shfaqet Të Dymbëdhjetëve pas Ringjalljes], nga Scott Snow
Njëri nga Apostujt e Jezu Krishtit, Thomai, nuk e besoi se Krishti ishte ringjallur derisa e pa Atë në mish (shih te Gjoni 20:25). Kur Thomai më në fund e pa Shpëtimtarin e ringjallur, Shpëtimtari i tha atij: “Sepse më ke parë, Thoma, ti ke besuar; lum ata që nuk kanë parë dhe kanë besuar” (Gjoni 20:29).
Si mund ta ndjekim ftesën e Jezu Krishtit: “Mos ji mosbesues, por besues”? (Gjoni 20:27.)
Mënyra për të Forcuar Besimin dhe Dëshminë
Studiojini shkrimet e shenjta. “Besimi, pra, vjen nga dëgjimi, dhe dëgjimi vjen nga fjala e Perëndisë” (Romakëve 10:17).
Jetojeni ungjillin. “Në qoftë se dikush don të dijë vullnetin e tij, do ta njohë nëse kjo doktrinë vjen nga Perëndia apo unë flas nga vetja ime” (Gjoni 7:17).
Kërkoni zbulesë nëpërmjet Frymës së Shenjtë. “E vërteta që ka më shumë rëndësi, vërtetohet vetëm me anë të zbulesës nga Perëndia. Arsyeja jonë njerëzore dhe përdorimi i ndjenjave tona fizike nuk do të jenë të mjaftueshme” (Henri B. Ajring, “Fryma e Shenjtë si Shoqëruesi Juaj”, Liahona, nëntor 2015, f. 104).