Ehukihwei Rongwamwahu en Sises Krais

Poakehng Mehteikan

Ehu pali kesempwal en ehuki rongamwahu wet iei poakehng mehteikan. Ni atail kasalehda limpoak ohng mehteikan rasehng Krais, kitail kin ehukihda sapwellimen Sises Krais rongamwahuo—ekei pak sohte anahnepen koasoaia mehkot. Oh ansou me mehteikan ese me kitail kesempwalkin irail, irail pahn kakete men rong atail madamadau ohng rongamwahu wet. (Kilang Gary E. Stevenson, “Ahneki Limpoak, Ehukihong Aramas, Luke Irail,” Liahona, Mei 2022, 84–87.)

Kitail kak ehuki dahme kitail perenki me pid duwen rongamwahu wet. Ansou me kitail kaiahnehieng atail mour en wia met rahn koaros, e sohte pahn kanamenek de koasoansuwed. Ni karasepe, kitail kak koasoaiahieng atail peneinei oh kempoakepahtail kan dahme kitail kin wia Rahn Sarawi. De kitail kak koasoaiahieng irail duwen peren me kitail kin kehn sang ni atail kin papah mehteikan. (Kilang Dieter F. Uchtdorf, “Missionary Work: Sharing What Is in Your Heart,” Liahona, May 2019, 15–18.)

Kitail kak lukehieng mehteikan en wehwehkihla duwen rongamwahu wet. Ni karasepe, kitail kak luke irail en kohdo iang Sarawi de kamwadong, wadek Pwuhk en Mormon, kilang kasdohn Sarawi, de tuhweng misineri kan. Soahng pwukat kak sewese irail en kehnda Ngehno oh men esehla ekei.

Peidengki duwen soahngkan Irail kin Lelohng

Mwurin kempoakepah oh peneinei ah kin kohdo sarawi de alehda padahk sang misineri kan, kitail kak peidengki duwen arail mour. Ekei padahk en rongamwahu wet pahn kakete kapwehng irail, eri kitail kak sapeng arail peidek kan. Kitail kak kasalehda atail limpoak oh utuht pwehn kakehlaka arail men kohdo rehn Krais.

Kitail kesempwalki oh wauniki en mehteikan pelien lamalam kan, oh kitail kin song kapatahieng dahme irail esehier. Ni karasepe, emen kempoakepah me kin diar kaloalamwahu nan Pwuhk Sarawi kan pil kakete diar kaloalamwahu nan padahk kan me kitail kin ehuki sang nan Pwuhk en Mormon.

Sewese Tohn Mwomwohdiso Kapw Kan

Ansou me aramas kin iangala Mwomwohdiso wet, kitail kak sewese kakehlaka arail pwoson. Kitail kak kempoakepahnki, sapengala arail peidek kan, oh utung irail ansou me irail alehdi pwukoah kan. Kitail kak kangoange irail en nantihengte idawehn Sises Krais oh esehla Sapwellime rongamwahu o.

Wiahla Sounpapah men

Pil ehu duwen ehuki rongamwahu wet nan ahmw mour rahn koaros, tohn Mwomwohdiso kak wiahla sounpapah misineri kei. Ma irail onopada, pwutak pwulopwul kan kak papah sang sounpar 18. Serepein pwulopwul kan oh me mah kan pil kak papah. Ke kak diar ekei mehn kaweid sang nan ChurchofJesusChrist.org/callings/missionary.