Ngehn Sarawi Kak Sewesei Kitail

Sahm me Ketket Nanleng, Sises Krais, oh Ngehn Sarawi me wiahda kaun en Koht akan. Irail poakohng kitail oh kin ehupene doadoahk pwehn kapwaiada pilahn en komouro. Mendahte Sahm Nanleng oh Sises Krais ahneki paliwar me mie uduk oh tih, Ngehn Sarawio sohte iang. E wia ngehn ehu.

Soun Kadehde ohng Sahmo oh Sapwellimeo

Ngehn Sarawi “kin kadehdehki Sahmo oh Sapwellimeo” (2 Nihpai 31:18). Met wehwehki me kitail kak ale kadehdepen Sahm Nahnleng oh Sises Krais sang Ngehn Sarawi.

Ngehn Sarawi kin kadehdehki me mehlel koaros. E pahn sewesei kitail en esehla me rongamwahuo-iangahki pilahn en komourla, kosonned en Koht kan, Kopwurpwurdohu, oh sapwelimen Sises Krais Tomwpen dihp-koaros mehlel. E pahn kakehlaka atail kadehde ni atail pahn doulahte wie kapakap, kolokol kosonned kan, oh onopki rongamwahu wet.

Kin Kaweid oh Sinsile Kitail

Ngehn Sarawi kak kaweid kitail nan atail koasoandih kan oh silehsang kitail keper en paliwar oh palingehn. E pahn sewesei kitail diarada pasapengpen atail kalelapak kan ma kitail pahn kapakap oh song wia dahme pwung. E pahn ansou koaros kaweid kin kitail “en wihwia mwahu” (Doctrine and Covenants 11:12).

Ngehn Sarawi kin ekei pak kahdanki “Soun Kaloalamwahu” (Sohn 14:26). E kak audeh kin kitail “koapwoaroapwoar oh limpoak mehlel” (Moronai 8:26) ansou kitail kin pwunod, insensuwed, de masepwehk. Ni Ah kin sewesei kitaik kehn limpoak en Koht, kitail kak powehdi me kansensuwed oh kakehlaka kitail nan atail kasongosong kan.

Mwurin atail pahn pepdaisla, kitail pahn ale kisakis en Ngehn Sarawi nan ehu kasarawi me kahdanki tiahk sarawi en wiahla towe mehlel. Ansou kitail pahn alehdi kisakis wet, kitail kak kolokol Ngehn Sarawi ansou koaros ma kitail wie momour ni pwung.

Mahlen sang J. Kirk Richards

Mwomwen Atail Kin Rong Ngehn Sarawi

Ngehn Sarawi kin lokaiahng aramas ni soangen mwohmw kei. Mepwukat kak iangahki pepehm en meleilei, soanamwahu de kamarain ohng dahme ken inda de wia. Ansou kitail pahn kapakapki kaweid oh rong Sapwelime kaweid kan, kitail kak esehela ia mwomwen Ah kin ketin mahsenieng kitail,