Pwoson Sises Krais

Dahkot Pwoson?

Pwoson iei kamehlele ni mehlel de kamehlele mehkot. Ahniki pwoson pil kapataieng kasikasik oh kamehlele me mehlelo, mandahte ma kitail sohte kak kilang irail de sohte douluhl wehwehki irail (kilang Hebrews 11:1; Alma 32:21).

Ire pisetik sang Christ and the Rich Young Rulersang Heinrich Hofmann

Pwoson poason kihda Sises Krais

Pwe en kitail en kak komour, atail pwoson anahne poason kihda Sises Krais pwe en wia atail soundor oh soun komour. Pwoson Sises Krais wewehki kamehlele Ih. Me wehwehki koporoporiki Ih unsek—kamehlele ah manaman, loalokong, oh limpoak. Pil kapataieng kamehlele oh idawehn Sapwelime padahng kan.

Kalaudehla Atail Pwoson

Pwoson iei kisakis ehu sang Koht, apw kitail anahne rapahki oh doadoahngki pwe en kak kehlail Kitail kak kalaudehla atail pwoson sang kapakap oh kasukuhlki pwuhk sarawi oh kasukuhl sang Soukohp en souleng en imwin rahn akan. Kitail pil kin kakehlail ih atail pwoson ni atail kin momour mwakelekel oh kolokol atail inou kan.

Pwoson iei mehkot laud sang kamehlelehte. E kapataieng mwekmwekidki pwoson wo. Kitail kin kasalehda atail pwoson sang ni atail mour kan. Pwoson Sises Krais kakehlailih kin kitail en idawehn Sapwelime karasaras mwahu. Atail pwoson kin kaluwaieng kitail en kapwaiada Sapwelime kosoned akan, koluhkihla dipatail kan, oh wiahda oh kolokol inou kan.

Pwoson kin kahrehda manaman kopwuriamwei kan

Pwoson mehlel manaman kopwuriamwei, me kak kapateieng mehn kilang, ouraman kan, kamwaulah kan, oh kisakis teikan me kohsang rehn Koht. Pwuhk Kilang “Manaman Koapwuriamwei” in the Guide to the Scriptures for some examples.

Pwoson Koht oh Sapwelime plan en komour kak kakehlail ih kitail nan atail kahpwal akan. Pwoson kak kieng kitail en nantihlahte mwowe oh kodoake atail kahpwal kan ni kehlail. Mendahte ma future sohte dehde, atail pwoson soun komouro pahn kieng kitail meleilei.

Pwoson Sises Krais pahn kaluwaieng kitail komour

Wie doadoahngki pwoson Krais pahn kieng kitail komour. Krais ketin kounopada ahlo ong kitail pwe kitail en kak alehdi mour soutik. Ni atail pahn kin momourki atail pwoson Ih, kitail pahn kin alehdi mahk pen dipatail kan oh pwurala oh pwureng kousonla Reh.