Gyedzi wɔ Jesus Christ mu

Ebɛnadze nye Gyedzi?

Gyedzi nye dza egye dzi a osi pi anaa awerɛhyɛmu wɔ biribi mu. Enyi da biribi kwan na eregye ndzɛmba a ɔyɛ nokwar dzi, mpo sɛ yenntum nnhu a, anaa yɛnntse ase nnwie a, kã erenya gyedzi ho (hwɛ Hebrewfo 11:1; Alma 32:21).

Dza ɔda edzi pefee a ɔwɔ Christ na Aberantsɛ Ɔhwɛfo Ɔdzefo no, nsaano mfonyin a Heinrich Hofmann yɛɛ

Gyedzi a Otsim Jesus Christ mu

Otwar dɛ hɛn gyedzi tsim Jesus Christ mu dɛ hɛn Agyenkwa na Pomfo ama oeegya hɛn akɔ nkwagye mu. Yerenya gyedzi wɔ Jesus Christ mu n’asekyerɛ dɛ yɛwɔ awerɛhyɛmu wɔ No mu. Ɔkyerɛ dɛ yɛredan No koraa koraa—yerenya awerɛhyɛmu wɔ No tum, nyimdzee, na ɔdɔ mu. Yɛregye Ne nkyerɛkyerɛ edzi na yeridzi do so kã ho.

Yerutu Hɛn Gyedzi Mpon

Gyedzi yɛ akyɛdze fi Nyankopɔn hɔ, naaso otwar dɛ yɛhwehwɛ na yɛyɛ edwuma dze sie no dzen. Yebotum etu hɛn gyedzi mpon ber a yɛrobɔ mpaa na yerusũa kyerɛwsɛm no na nda a odzi ekyir nkɔnhyɛfo hɔn nkyerɛkyerɛ. Yebotum so ahyɛ hɛn gyedzi dzen ber a yɛbɔ tsenenee bra na yesie hɛn ahyɛmudzi horow.

Gyedzi kyɛn egye dzi ara koraa. Idze dza egye dzi no ridzi dwuma kã ho. Kwan a yɛbɔ hɛn bra na yɛdze kyerɛ hɛn gyedzi. Gyedzi wɔ Jesus Christ mu kenyan hɛn ma yedzi Ne fasusu a odzi mu no do. Hɛn gyedzi gya hɛn ma yedzi mbrasɛm no do, yenu hɛnho fi hɛn bɔn ho, na yɛyɛ na yesie ahyɛmudzi horow.

Gyedzi Botum ama Anwanwadze Aba

Nokwar gyedzi dze anwanwadze horow, a enyido-adzehu, adaaso, ayarsa ba, na akyɛdzi horow binom so a ofi Nyankopɔn hɔ botum akã ho. Nkorɔfo a wonyaa anwanwadze horow fi Ewuradze hɔ osian hɔn gyedzi wɔ No mu ntsi ho nsɛm pii wɔ kyerɛwsɛm no mu. Hwɛ “Anwanwadze’’ wɔ Kyerɛwsɛm no Kwankyerɛ mu nya mfatoho binom so.

Yerenya gyedzi wɔ Nyankopɔn na No nkwagye ho nhyehyɛɛ mu no botum ahyɛ hɛn dzen wɔ hɛn nsɔhwɛ ber mu. Gyedzi botum ahyɛ hɛn dzen ma yɛaper akɔ kan na yɛdze akokodur ehyia hɛn nkõdzen. Sɛ yennhu ma ndaamba bɛyɛ mpo a, hɛn gyedzi wɔ Agyenkwa no mu botum ama hɛn asomdwee.

Gyedzi wɔ Jesus Christ mu Gya kɔ Nkwagye mu

Yɛdze gyedzi wɔ Jesus Christ mu ridzi dwuma no begya hɛn akɔ hɛn nkwagye mu. Christ esiesie kwan no ama hɛn ma yeenya onnyiewiei nkwa. Sɛ yɛdze gyedzi wɔ No mu bɔ bra a, yebotum enya hɛn bɔn ho bɔnfakyɛ na yɛasan nye Nyankopɔn akɛtsena bio.