Mabenesha a Buakuidi

Buakuidi budi bukola ne bukokeshi bua Nzambi. Bantu baluma bakana badi ne Buakuidi bua Melekisedeke badi benza mudimu mu dina dia Yezu Kilisto adibu bafila mabenesha a buakuidi. Mu difila dia mabenesha, badi balonda tshilejelu tshia Mupandishi bua kubenesha bakuabu.

Foto ya kudi David Winters

Mushindu kayi udi Mabenesha afidibua.

Mabenesha a buakuidi adi afidibua ku ditenteka dia bianza. Ewu udi ne Buakuidi bua Melekisedeke udi uteka bianza bienda pa mutu pa muntu udi upeta dibenesha. Ne ufila dibenesha mudi Nyuma muikala umulombola. Aba badi bafila mabenesha ne aba badi baapeta badi ne mua kuenzela ditabuija mu Nzambi ne lulamatu ku disua ne tshikondu tshiende.

Panyima pa diledibua dia muana, ewu udi ne Buakuidi bua Melekisedeke udi umupesha dina ne dibenesha (tangila Dilongesha ne Bipungidi 20:70). Ebi bidi bitamba kuenzeka mu tshisangilu tshia kujila kua biakudia ne kujadika. Muana udi upeshibua dina kumpala. Ne ewu udi ne Buakuidi udi upesha muana dibenesha.

Foto ya kudi Welden C. Andersen

Mabenesha bua badi basama

Bena Buakuidi bua Melekisedeke badi mua kufila mabenesha kudi aba badi bikala basama. Dibenesha edi didi ne bitupa bibidi: kulâba kua manyi ne disuika dia dilaba. Bua kubanga, ewu udi ne Buakuidi udi umatshisha dimata dia manyi a olive adi mikala majidila nansha mabenesha, pa mutu pa muntu ne wenza disambila dia tshitupa. Nanku munga udi ne Buakuidi udi usuika dilaba dia manyi ne ufila dibenesha kudi muntu mudiye mulombodibua kudi Nyuma Muimpa.

Ewu udi ne buakuidi udi mua kufila mabenesha a kukankamika ne a mibelu kudi bidimba bia dîku ne kudi aba badi nawu dijinga. Tatu udi ne Buakuidi bua Melekisedeke udi mua kufila dibenesha dia tatu kudi bana benda. Adi mua kuambuluisha nangananga bana padibu bikala bapeta malu makola.

Padi bidimba bia Ekelezia bipeta mabikila, badi babipesha dibenesha padibu babiteka pabula bua kusadila. Balombodi ba buakuidi badi bababenesha ne bukola bua kuenza mudimu mu dibikila. Balombodi ba buakuidi badi kabidi babapesha dibenesha bua kubambuluisha mu disadila diabu.

Foto wa kudi Shauna Stephenson

Dibenesha dia nkambua mukulu

Tshidimba Tshionsu tshiakana tshia Ekeleziya tshidi mua kupeta dibenesha dia nkambua mukulu. Dibenesha edi didi dipesha muntu mubelu wa kudi Mukalenga. Didi muakufila buludiki ne dikankamika mu matuku a moyo a muntu. Didi kabidi diambila muntu bulodanganyi mu nzubu wa Isalela. Anu ewu mujidila nkambua mukulu kiwudi mua kufila dibenesha dia mushindu ewu.