Mme Edidiɔŋ Itie-oku

Itie-oku edi ukeme ye odudu eke Abasi. Nti renowo emi ekamade Itie-oku Melchizedek anam ŋkpɔ ke enyiŋ Jesus Christ ke ini mmo enɔde mme edidiɔŋ itie-oku. Nte mmɔ enɔde mme edidiɔng emi, mme etiene uwutŋkpɔ eke Andinyaŋa ke edidiɔŋ mbon efen.

Ndise otode David Winters

Nte Esinɔde Mme Edidiɔŋ

Esinɔ mme edidioŋ Itie-oku ke edidori mme ubɔk. Andikama Itie-oku Melchzedek odori mme ubɔk esie ke ibuot owo emi edibɔde edidiɔŋ. Ekem enye ɔnɔ edidɔŋ ke nte Spirit etemede. Mbon emi ebɔde edidiɔŋ ye mbon emi ebɔde mmɔ enyene mbuɔtidem ke Abasi enyuŋ enim uduak ye ini Esie ke akpanikɔ.

Ke eyen ama akamana, andikma itie-oku ɔnɔ enye enyiŋ ye edidiɔŋ (se Doctrine ye Covenants 20:70) Emi esiwak edida itie ke esop utre-udia ye ikɔ ntiense. Eyebem iso enɔ eyen oro enyiŋ. Ekem andikama itie-oku ɔnɔ eyen oro edidiɔŋ.

Ndise otode Welden C. Andersen

Mme Edidiɔŋ eke Owo-udɔŋɔ

Mme andikama Itie-oku Melchizedek ekeme edinɔ mbon emi edɔŋɔde edidiɔŋ. Oruk edidiɔŋ emi enyene ndaha iba: ediduɔk ye aran ye edisɔŋɔ ediduɔk aran oro. Akpa, andikama itie-oku odori ntɔi eke aran olive emi ema ekesio-enim, mme ediɔŋde, ke ibuot owo oro onyung ɔbɔŋ ekpri akam. Ekem akama itie-oku efen ɔsɔŋɔ ediduɔk aran oro onyung ono owo oro edidiɔŋ ke nte Edisana Spirit etemede.

Mme akama Itie-oku Melchizedek ekeme edinɔ mme edidiɔŋ eke ndɔŋesit ye item enɔ mbon ufokemana ye mon efen emi eyomde mmo. Ete emi akamade Itie-oku Melchizedek ekeme edinɔ nditɔ esie edidiɔŋ eke ete. Emi ekeme edinehede nnwam kini ndito enyenede mme asaŋa-asaŋa mfina.

Ini emi mbon Ufɔk Abasi ebode ikoot, eno mmɔ edidiɔŋ kini emekde mmo enim man enam-utom. Andikama itie-oku ɔdiɔŋ mmɔ ye odudu-unen ndinam utom ke ikoot oro. Andikama itie-oku nko ɔno mmɔ edidiɔŋ man anwam mmɔ ke utom mmɔ.

Ndise otode Shauna Stephenson

Mme Edidiɔŋ eke Patriarch

Ofuri mbon Ufɔk Abasi emi edotde ekeme edibɔ eke patriarch. Edidiɔŋ emi ɔnɔ item eke idem owo emi otode Abasi. Oro ekeme edinɔ ndausuŋ ye ndɔŋesit ke ofuri eyo uwem owo. Oro nko eyesiak ntɔŋɔ oruk ubon owo ke ufɔk Israel. Edi patriarch emi emekde enim nte oku kpɔt ekeme edinɔ oruk edidiɔŋ emi.