Mehn sawas kan ong Me Pwulopwul oh Serihkan

Kilel sang Ben Johnson

Praimeri

Praimeri iei pwihn ehu nan Mwomwohdiso ong serihkan sang sounpwung 18 [eisek waluh] lel sounpar 11 [eisek ehu]. Nan Praimeri, serihkan kin kaskuhlki duwen Sises Krais oh Sapwelime rongamwahu sang nan padahk kan, koul, oh kemwekid teikan. Praimeri kak sewese serihkan en pehm Sapwelimen Koht limpoak ong irail.

Nan Senweri en pahr me serihkan pahn lel sounpar 12 [eisek riau], irail kin keseusang Praimeri ong ehu rehn Pwihn en Prisduhd en Aron (ong pwutak kan) de Peinakapw Pwulopwul akan (ong serepein kan). Nan arail pwihn kan oh dake kan, me pwulopwul kan doulahte nan kakehlepen arail kadehde oh papah mehteikan.

Prokrahm ong Serihkan oh Me Pwulopwul kan

Ni Ah pwulopwulo, Sises Krais keirda “oh kupwurokongla, oh ketin masamasala mwohn Koht oh aramas akan” (Luk 2:52). Pwrokrahm en Serihkan oh Me Pwulopwul kak sewese tohn Mwomwohdisoht me pwulopwul kan idawehn Sapwelimen Krais karasaras. Irail kak kasukuhlda oh keirda nan soangen pali tohtokan nan arail mour—ni palingehn, nan pwungen iangarailkan, ni paliwar, oh nan arail lamalam.

Makasihn en Mwomwohdiso ong serihkan iei Kempoakepah. Ong Kakehlepen Me Pwulepwul iei me wia makasihn ong me pwulepwul. Makasihn pwukat audaudkihda soaikan, padahk kan, oh kemwekid teikan me intingdahr ong serihkan oh me pwulopwul kan.

Ong Kakehlepen Me Pwulopwul Pwuken kaweid

Ong Kakehlepen me Pwulepwul kan: Mehn kaweid ong Wiahda Pilipilkan padahkih me pwulepwul duwen me mehlelkan en rongamwahuo. E kin padahkiheng irail duwen arail pahn wiahda pilipil kan me pahn sewese irail en idawehn Sises Krais. E pil iangahki pasapengpen peidek kan me irail me pwulepwul kak ahniki ong duwen momourki rongamwahuo.

Gospel Library kolokol mehn sawas tohto, me iangahki kasdohkan, koul, soaiepen pwuhk sarawihkan, oh kemwekid tohrohr kan. E pil iangahki mehn sawas kan me kak sewese pahpa oh nohnohkan oh sounkaweid kan en padahngki padahk kan en rongamwahuo. Mehn sawas pwukat kak dierek nan Gospel Library ChurchofJesusChrist.org oh nan app en Gospel Library.

Nan pahr me irail pahn lel sounpar 14 [eisek pahieu], me pwulepwul tepda iang luhkehng ren tohweda kapokon kan en For the Strength of Youth (FSY) . Soangen kapokon pwukat kin audaudkihda kemwekid tohto oh kaskuhlkan me kak sewese kakehlaka arail pwoson Sises Krais oh sewese me pwulepwulkan en keirda ni palingehn, nan pwungen iengarailkan, ni paliwar, oh nan arail lamalam.