“Mme ŋkpɔ-utom eke Iwaad ye Nditɔ-ŋwɔŋ,” Liahona, Feb. 2023.
Ɔfiɔŋ-ke-ɔfiɔŋ Etop Liahona , February 2023
Mme ŋkpɔ-utom eke Iwaad ye Nditɔ-ŋwɔŋ
Mme ete ye eka enyene akpa ubiong ke edikpep ndito mmo kabanga Jesus Christ ye iko Abasi Esie. Ufɔk Abasi Jesus Christ mme Ndisana Owo Ekpere Edem Usen enyene mme eboho, edinam, ye nkpo-utom efen emi anwamde mme ete ye eka ke ukeme-utom mmo. Otokiet, mme ete ye eka, mme adausung ke Ufok Abasi, ye ufan ekeme edinwam kpukpru nditɔ-ŋwɔŋ ye iwaad edi etiene Christ.
Ndise otode Ben Johnson
Nditɔ-nwong
Primary edi eboho nditɔ-nwong emi edide ofiong Efureta kesim isua Duopekiet. Ke Primary, nditɔ-nwong ekpep ebanga Jesus Christ ye iko Abasi Esie oto ke mme ukpepnkpɔ, ikwɔ, ye mme edinam. Primary ekem edinwam nditɔ-nwong edikop ima emi Abasi enyenede ɔnɔ mmɔ.
Mme Eboho Itie-oku Aaron, ye mme Class eke Nkaiferi Iban.
Ke ɔfiɔŋ January ke isua emi nditɔ-ŋwɔŋ esimde isua Duopeba, mmɔ ewɔrɔ ke Primary eduk mme eboho Itie-oku Aaron (eke eyeneren) mme class Nkaiferi Iban (eke mkpri iban). Ke mme eboho mme class mmɔ, mme iwaad eka iso edisɔŋɔ ikɔ ntiense mmɔ enyuŋ enam nkpɔ enɔ mbon efen.
Edinam Nditɔ-nwong ye eke Iwaad
Kini uyen Esie, Jesus Christ ɔkɔkɔri ke “eti ibuot ye ke idaha, onyung ododiong edi eyen mfon-iso ke iso Abasi ye ke iso owo’ (Luke 2:520 Edinam Nditɔ-nwong ye eke Iwaad anwam mme mkpri mbon Ufok Abasi editiene uwutnkpo eke Christ. Mmɔ ekpep enyuŋ ekɔri ke kpukpru ndaha ke uwem—eke spirit, ebuana-mbre, idem, ye ikikke.
Mme Nwed-mbuk Ndise eke Ufok Abasi
Nwed-mbuk Ndise eke Ufok Abasi eke nditɔŋwɔŋ edi nwed-mbuk ndise eke Ufan . Enɔde ke Nsɔŋɔnda eke Iwaad edi ŋwed-mbuk ndise eke iwaad. Mme ŋwed-mbuk ndise esine mme mbuk, ukpepnkpɔ, ye mme edinam emi ekewetde akpan-akpan enɔ nditɔ-ŋwɔŋ ye iwaad.
Abaŋade Nsɔŋɔnda eke Iwaad Ŋwed-ndausuŋ
Abaŋade Nsɔŋɔnda eke Iwaad: Ndausuŋ eke Edinam Mbumek ekpepiwaad abaŋa mme akpanikɔ ke ikɔ Abasi. Oro ekpep mmɔ nte enamde mme ubiere emi edinwamde mmɔ editiene Jesus Christ. Oro nko esine mme ibɔrɔ ɔnɔ mbume emi iwaad enyenede ebaŋa nte edinamde ikɔ Abasi.
Gospel Library
Gospel Library enyene ediwak ŋkpɔ-utom eke ofim, esinede ndisevideo, ikwɔ, mbuk eke ŋwed Abasi, ye mme edinam. Oro nko esine ŋkpɔ-utom anwamde mme ete ye eka ye adausuŋ edikpep mme ukpepnkpɔ ikɔ Abasi. Edikut mme ŋkpɔ-utom emi odude ke GospelLibrary ke ChurchofJesusChrist.org ye ke Gospel Library app.
Mme Mbono eke FSY
Ɔtɔŋɔde ke isua emi mmɔ esimde isua Duopenaŋ, ekot mme iwaad ete eduk mme mbono eke Enɔde ke Nsɔŋɔnda eke Iwaad. Mme ŋkpɔ emi esine mme edinam ye ukpep emi anwamde ɔsɔŋɔ mbuɔtidem ke Jesus Christ onyuŋ anwam mme iwaad edikɔri ke spirit, ebuana-mbre, idem, ye ke ikikke.
© 2023 otode Intellectual Reserve, Inc. Ekpeme kpukpru unen ndimiŋ. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop eke Liahona, February 2023. Language. 18910 000