Ufɔkemana Odu ke Nsinsi

Kpukpru owo edi nditɔ iren mme nditɔ iban spirit eke mme ete ye eka eke enyɔŋ. Kpukpru nnyinidi ubak eke ufɔkemana eke Abasi. Kpukpru nnyin iminyene nsasana uduot-obot ye akaŋa. Edieke nnyin idude edinen uwem, nnyin iyekeme edifiak nka man ikoduŋ ye Ete Heaven nnyin nte ubak eke nsinsi ufɔkemana Esie ke nsinsi.

Ndise edidian-ndɔ otode Joseph Kafula

Mme Nsinsi Ufɔkemana

ini emi erenowo ye nnwan edɔde-ndɔ ke temple enyuŋ enim ediomi, ndɔ mmɔ eyesɔŋɔ ada ke nsinsi. Ekot edinam ikɔ Abasi eke temple emi edifik-ndian. Nditɔ-ŋwɔŋ emi ekemande ke mme ete ye eka mmɔ ekenam sealing emana eduk ke ediomi oro. Nditɔ-ŋwɔŋ emi ekemande ke mme ete ye eka mmɔ ekenam sealing ekeme edi-seal ndian mmɔ ke temple man mmɔ ekeme edi-di ufɔkemana ke nsinsi. Mbon ufɔk Abasi enam utom family hitory ye eke temple man mmɔ ekeme edi-seal mme ufɔkemana mmɔ ɔtɔkiet ke ofuri emana. Edidiɔŋ eke nsinsi ufɔkemana odu oto ke Jesus Christ ye Erisio-isop Esie.

Ndɔ ke ufɔt erenowo ye ŋwan edi Abasi okowuk enim. Ikɔ Abasi Jesus Christ ekpep mme ebe ye ŋwan ete esuk-ibuot enɔ kiet eken enyuŋ ekpono ediomi ndɔ mmɔ. Mmɔ enyene edi-nam akpanikɔ ke ekikere, ikɔ, ye edinam. Ndɔ edi ukem-ukem ebuana, ndien ebe mme ŋwan-ndɔ enyene edisɔŋɔ, edɔŋ-esit, enyuŋ enwam kiet eken.

Mme Ete ye Eka ye Nditɔ

Abasi eketeme Adam ye Eve ete enyene nditɔ. Mme adausuŋ ke Ufɔk Abasi ekpep ete ke item emi osuk ododu/ Mme eka ye ufɔkemana enam-utom ɔtɔkiet edibɔk nditɔ mmɔ ke ima ye edinen-ido. (se Doctrine ye Covenants 68:25–28). Ema ekpep nditɔ ete ekpono enyuŋ ekop-uyo eke mme ete ye eka mmɔ (se Exodus 20:12).

Mme ete ye eka ekpep nditɔ mmɔ ete ema Abasi enyuŋ enam ibet Esie. Uwem ufɔkemana ɔnɔ nnyin nti-ifet edikop idara nyuŋ mkpep ime ye nwaidem. Mme ido emi anwam nnyin edikabare mbiet Abasi ndien ebeŋe nnyin idem ndiduŋ ke inemesit nte mme ufɔkemana ke nsinsi.

Oro oyom utom, nwaidem, ye ime ke edibɔp okut-unen ufɔkemana. Oruk ukpep-ŋkpɔ ikɔ Abasi nte mbuɔtidem, akam, erifrn-nnɔ, ima, utom, ye ŋkpɔ-idaresit ekeme edinwam nnyin inyene idara ke uwem ufɔkemana. Nnyin nko imikeme edi-bɔ eriyayare idem nnyin man idiɔŋɔ nte ikpisɔŋɔke mme ufɔkemana idem.

Ndise eke Christ, otode Heinrich Hofmann

Mme Edidiɔŋ eke Odude ɔnɔ Kpukpru owo

Idige ofuri owo enyene eti-ifet edidu ke otu eti ufɔkemana mi ke isɔŋ. Edi Abasi ama ɔŋwɔŋɔ ete ke ofuri owo emi enimde ibet Esie eyebɔ kpukpru edidiɔŋ eke nsinsi ufɔkemana. Nnyin imikeme edinim Enye ke akpanikɔ inyuŋ inyene mbuɔtidem ke edikem ini Esie.