ජීවමාන අනාගතවක්තෘවරුන් විසින් මෙහෙයවනු ලැබේ

අනාගතවක්තෘවරුන්ට දෙවියන්වහන්සේගෙන් එළිදරව් ලැබෙයි. අනාගතවක්තෘවරුන් අපට ඉගැන්වීමට ආනුභාව ලත් විට, එය දෙවියන්වහන්සේ අපට කතා කරනවා හා සමානය (බලන්න දහම සහ ගිවිසුම් 1:38). අප දැනගන්නවාට දෙවියන්වහන්සේ කැමති දේ ඔවුන් අපට පවසන බව අපට විශ්වාස කරන්නට හැකිය.

සියලුම අනාගතවක්තෘවරු යේසුස් ක්‍රිස්තුස්වහන්සේ ගැන සාක්ෂි දරති. උන්වහන්සේ දෙවියන්වහන්සේගේ පුත්‍රයාණන් බව ඔවුන් අපට උගන්වති. උන්වහන්සේගේ ජීවිතය, ආදර්ශය සහ වන්දිගෙවීම ගැනද ඔවුන් අපට උගන්වති. එමෙන්ම උන්වහන්සේව අනුගමනය කරන ආකාරය සහ උන්වහන්සේගේ ආඥා පිළිපදින ආකාරයද ඔවුන් අපට පෙන්වාදෙති.

අනාගතවක්තෘවරු යේසුස් ක්‍රිස්තුස්වහන්සේගේ ශුභාරංචිය උගන්වති. ආඥා පිළිපැදීමෙන් අපට ලැබෙන ආශිර්වාද සහ එසේ නොකළහොත් අපට ලැබෙන ප්‍රතිවිපාක ඔවුන් පැහැදිලි කරති. සමහර අවස්ථාවලදී, අනාගත සිදුවීම් ගැන අපට පැවසීමටත් ඔවුන් පෙලඹෙන්නට හැකිය.

දෙවියන්වහන්සේ ආරම්භයේ සිටම අනාගතවක්තෘවරුන් මාර්ගයෙන් මිනිසුන්ට උගන්වා ඇත. පරණ ගිවිසුම කාලයේ ජීවත් වූ අනාගතවක්තෘවරුන් අතර ආදම්, නෝවා, ආබ්‍රහම්, මෝසෙස්, යෙසායා සහ තවත් අය සිටිති. මොර්මොන්ගේ පොතේ ජනතාව අතරද අනාගතවක්තෘවරු සිටියෝය. මෙම අනාගතවක්තෘවරුන්ට ලෙහි, මොසායා, ඇල්මා සහ මොරෝනි ඇතුළත් වේ. ශුද්ධලියවිලි කියවීමෙන් ඔවුන් ඉගැන්වූ දේ අපට ඉගෙනගන්නට හැකිය.

ජෝසෆ් ස්මිත් යනු නූතන යුගයේ පළමු අනාගතවක්තෘවරයායි. ඔහු යේසුස් ක්‍රිස්තුස්වහන්සේගේ සභාව පොළොවේ නැවත පිහිටෙව්වේය. රසල් එම්. නෙල්සන් යනු අද සභාවේ අනාගතවක්තෘ සහ සභාපතිවරයාය. පළමු සභාපතිත්වයේ ඔහුගේ උපදේශකයින් සහ ප්‍රේරිතවරුන් දොළොස්දෙනාත්, අනාගතවක්තෘවරුන්, අනාගතය දකින්නන් සහ එළිදරව් කරන්නන් වෙති.

අනාගතවක්තෘවරයා ප්‍රධාන සම්මන්ත්‍රණයේදී සහ වෙනත් අවස්ථාවලදී අපට කථා කරයි. අද දින යේසුස් ක්‍රිස්තුස්වහන්සේව අනුගමනය කරන්නේ කෙසේද යන්නත් අප දැනගැනීමට දෙවියන්වහන්සේ කැමති දේත් ඔහු අපට උගන්වයි. අපට ඔහුගේ ඉගැන්වීම් ලියහෝනා සහ ChurchofJesusChrist.org තුළින් සොයාගන්නට හැකිය.

අපි අනාගතවක්තෘවරයාගේ ඉගැන්වීම් අනුගමනය කරන්නේ නම් අපිට ආශිර්වාද ලැබෙයි. අපි අනාගතවක්තෘවරයාව අනුගමනය කරන විට, අපි කරන්නේ දෙවියන්වහන්සේ කැමති දේ බව අපිට දැනගන්නට හැකිය. අපගේ ජීවිතයට සාමය දැනිය හැකි අතර අපට යේසුස් ක්‍රිස්තුස්වහන්සේට ළං වෙන්නට හැකිය.