“Ebɛnadze na Osi wɔ Kwesida Asɔr Nhyiamu Horow mu?,’’ Liahona, Obiradzi 2022.
Bosoom Bosoom Liahona Amandzɛɛbɔ, Obiradzi 2022
Ebɛnadze na Osi wɔ Kwesida Asɔr Nhyiamu Horow mu?
Jesus Christ N’Asɔr a ɔwɔ hɔ ma Nda a Odzi Ekyir Ahotseweefo mba boa ano Kwesida biara dze sɔr Nyankopɔn na wɔdze Jesus Christ n’asɛmpa no kyerɛkyerɛ hɔnho nkorkor. Obiara wɔ ho kwan dɛ ɔba, na asɔrmba no benya kwan abɔ mpaa, akã nsɛmpa, na sɛ wɔpɛ a wɔakyerɛkyerɛ adzesũa. Nhyiamu horow yinom boa asɔrmba ma wɔhyɛ hɔnho nkorkor dzen wɔ gyedzi mu na wɔma “hɔn akoma bɔ mu wɔ koryɛ na wɔ ɔdɔ mu’’ (Mosiah 18:21).
Sacrament Nhyiamu
Ward anaa nkorbata mu asɔrmba boa ano Kwesida biara yɛ sacrament nhyiamu. (Hɔn a wɔnye hɛn nkyɛ gyedzi kor no so botum aba bi). Wɔdze sacrament no ma asɔrmba wɔ nhyiamu ber yi mu dze aboa hɔn ma wɔakaa Jesus Christ (hwɛ April 2022 Gospel Basics article no fa nya sacrment ho nsɛm bi kã ho). Mpaabɔ, ndwom a wɔdze som, na asɔrmba hɔn nsɛm a wɔkã wɔ Jesus Christ n’asɛmpa no kã nhyiamu no ho.
Nhyiamu horow bi so
Sacrament nhyiamu ekyir no, asɔrmba kyekyɛ hɔn mu kɔ adzesũa na quorum ahorow. Mbofra a woedzi abosoom 18 dze kesi mfe 11 kɔ Primary. Kwesida a odzi kan na dza otsĩa ebiasa wɔ bosoom biara mu no, asɔrmba nkaafo no nyina kɔ Sunday Skuul. Kwesida a otsĩa ebien na dza otsĩa anan no, wɔkɔ Relief Society, Young Women, anaa asɔfodzi quorum nhyiamu horow.
Mpaabɔ
Asɔrmba na wɔbɔ mpaa wɔ Asɔr nhyiamu horow ase. Mpaabɔ no yɛ tsiabaa na Sunsum Krɔnkrɔn na ɔkyerɛ kwan. Asɔrmba no bɔ mpaa a wɔkã nsɛmfua a ɔkyerɛ ɔdɔ na enyidze ma Ɔsor Egya. Sɛ wɔrobɔ mpaa akyerɛ No a Dzinhyɛananmu Wo, na Ɔwo kã ho.
Kasa ahorow
Bishopric anaa nkorbata presidency mu ba kor serɛ asɔrmba ma wɔkasa wɔ sacrament nhyiamu. Kasa yinom tsim wɔ Jesus Christ n’asɛmpa no do. Hɔn a wɔkasa no fa kyerɛwsɛm na Asɔr baanodzifo hɔn nsɛm ber a wɔyɛ hɔn kasa no ho ahoboa. Wɔsan so gye dase wɔ asɛmpa fapem ho nyira wɔ hɔn abrabɔ mu ho.
Adzesuadze
Sacrament nhyiamu ekyir no, asɔrmba sũa asɛmpa no ho asɛm wɔ adzesũakuw nkakraba mu. Adzesũadze no botum afa kyerɛwsɛm, nkyerɛkyerɛ fi wiadze mfɛndzanan ehyiadzi, anaa asɛm bi ho. Kyerɛkyerɛnyi no na obedzi adzesũa no kan no mpo a, ɔnnyɛ nonko na ɔkasa. Adzesũafo no nyina botum akyerɛ hɔn adwen wɔ asɛntsir no ho.
Dasegye
Da kor wɔ bosoom mu no, dasegye nhyiamu kã sacrament nhyiamu no ho. Ɔtaa dɛ iyi yɛ abosoom no ne Kwesida a odzi kan. Nhyiamu yi mu no, asɔrmba no tum gye hɔn dasee wɔ Jesus Christ na N’asɛmpa no ho. Ebɛgye dase n’asekyerɛ nye dɛ epaa mu kã asɛmpa nokwar dɛ mbrɛ Sunsum Krɔnkrɔn ekenyaan no.
Ahoboaboa
Asɔrmba yɛ Kwesida nhyiamu ho ahoboa ber wɔbɔ mpaa, wosũa kyerɛwsɛm no, na wɔyɛ krado dɛ wobenya nkenyan efi Sunsum Krɔnkrɔn no hɔ. Sɛ wɔserɛ wo dɛ kasa anaa kyerɛkyerɛ adzesũa a, mpaabɔ mu ara dwen mbrɛ ibesi botum akyerɛkyerɛ asɛmpa fapem ho. Fa kyerɛwsɛm no dzi dwuma. Gye nokwar ho dase. Sɛ ohia a, w’Asɔr baanodzifo botum aboa wo ma ayɛ ahoboa.
© 2022 odzi wɔ Intellectual Reserve, Inc. All rights reserved. Wotsintsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly Liahona Message, June 2022 ne nkyerɛasee. Fante. 18315 502