“සක්රමේන්තුව: ගැලවුම්කරුවාණන්ව සිහිපත් කිරීමේ අවස්ථාවක්,” ලියහෝනා, 2022 අප්රේ.
මාසික ලියහෝනා පණිවිඩය, 2022 අප්රියෙල්
සක්රමේන්තුව: ගැලවුම්කරුවාණන්ව සිහිපත් කිරීමේ අවස්ථාවක්
සයිමන් ඩුවේ විසින්, The Last Supper [අවසාන රාත්රී භෝජනය]
යේසුස් ක්රිස්තුස් වහන්සේ කුරුසියේ ඇණ ගැසීමට පෙර දින රාත්රියේ, අවසාන රාත්රී භෝජන සංග්රහයේදී තම ප්රේරිතයන් හමුවිය. එහිදී උන්වහන්සේ ඔවුන්ට පළමු වතාවට සක්රමේන්තුව ලබා දුන් සේක. එය ඔවුන්ට උන්වහන්සේව සිහි කිරීමේ මාර්ගයක් බව උන්වහන්සේ පැහැදිලි කළේය. සක්රමේන්තුව යනු ක්රිස්තුස්වහන්සේගේ වන්දිගෙවීම සිහිපත් කිරීම සඳහා අප පාන් සහ ජලය අනුභව කරන නියෝගයකි. පාන් ක්රිස්තුස්වහන්සේගේ ශරීරය සංඛේතවත් කරන අතර ජලය උන්වහන්සේගේ රුධිරය සංඛේතවත් කරයි.
අපි සෑම ඉරිදාවකම සක්රමේන්තු රැස්වීමේදී සක්රමේන්තුව ගනුලබනවා. පූජකවරය උසුලන්නන් පාන් කුඩා කැබලිවලට කඩන විට අපි ගීතිකාවක් ගායනා කරනු ලබනවා.
පාන් කැඩූ පූජකවරය උසුලන්නන් විශේෂ යාච්ඤා කරනු ලබනවා. මෙම යාච්ඤා දහම සහ ගිවිසුම් 20:77, 79 හි දක්නට ලැබේ. මෙම යාච්ඤාවන් අප ස්වර්ගික පියාණන්ට පොරොන්දු වී ඇති දේ සහ උන්වහන්සේ අපට පොරොන්දු වී ඇති දේ අපට මතක් කර දෙනු ලබනවා.
අනෙකුත් පූජකවරය උසුලන්නන් සක්රමේන්තුව කොට්ඨාශ හෝ ශාඛා සාමාජිකයින්ට ලබා දේ. අපි සක්රමේන්තුව ගන්නා විට, ගැලවුම්කරුවාණන් සහ උන්වහන්සේ අප වෙනුවෙන් කළ පරිත්යාගය සිහිපත් කරමු. අපි ස්වර්ගික පියාණන් සමඟ ඇති කරගත් ගිවිසුම් (පොරොන්දු) ඉටු කිරීමට ද අපි නැවත කැපවෙමු.
සක්රමේන්තුව ආශීර්වාද කර බෙදාහරින අතරතුර අපි ගෞරවනීයව සිටිමු. එය අපට යේසුස් ක්රිස්තුස්වහන්සේගේ ජීවිතය, ඉගැන්වීම් සහ වන්දිගෙවීම ගැන සිහිපත් කිරීමට කාලයකි. උන්වහන්සේගේ ආදර්ශය අනුගමනය කරන්නේ කෙසේද යන්න ගැනද අපට සිතා බැලිය හැකිය.
© 2022 by Intellectual Reserve, Inc. All rights reserved. අමෙරිකා එක්සත් ජනපදයේ මුද්රණය කර ඇත. ඉංග්රීසි අනුමැතිය: 6/19. පරිවර්තන අනුමැතිය: 6/19. Monthly Liahona Message, April 2022 හි පරිවර්තනයකි. Sinhala. 18314 408