Uw Rogon ni Gama Rung’ag Laman?

Sasing riy e yib rok Oksana Grivina

Nib mu’un fare gapas ko powi’iy nibe yib rok fare Kan ni Thothup, nibe yib ni bo’or yay, ma Got e be michegnag daed nib gel ni manangdaed ma gadaed ba tu’uf rok. Ma, napan e ngiyal’ nib gel e mo’omaw’ riy ngodaed, ma fare Tathapeg e bayi fek boech e pin’ey nike mu’ i buch rodaed nge fulweg ko tafney rodaed.

Mu tafneynag e birom e yafos. Tiney ra yib ko e ngiyal’ nib ga’ ulan e yafos rodaed machane e ngiyal’ ney ra tabab ne boed rogon nib dariy fan. Pin’ey ni bay ko tafney nib thothup e ma yib nib thilthil ngiyal’, mab thilthil rogon ngodaed ni gubin.

Joseph Smith e weliy ni boechi ngiyal’ ma gadaed ma thapeg e “tafney nibe yib ngodaed” ma orani ngiyal’ ma fare llowaen’ nibe ul’ul’ nibe yib.¹

President Dallin H. Oaks, ni fulweg lungun ba mo’on ni yoeg ndariy bi’ied nike buch e tiney rok, me fanownag ni ga’ar ngak, “Sana kan fulweg e meybil rom ni biyay nge biyay, machane bachan ni gabe son nag e pow fa ba lam nib ga’ langan aram fan ni gabe lemnag ni dawrin fulweg tabab e meybil rom.”²

Kug rung’ag nike yoeg President Russell M. Nelson: “Gube piningmed ningam tafney niged e biney e duwer: Uw rogon ni gama rung’ag laman? Ma kug be piningmed ni ngam bad ningam rung’aged laman ni bukun yay.”³