සභාවේ කැඳවීම් වල සේවය කිරීම

සභාවේ සේවය කරන අයව කැඳවා ඇත්තේ දෙවියන්වහන්සේ විසිනි. සභාවේ කැඳවීම වල සේවය කරන ලෙස කවුරුන්ව කැඳවිය යුතුදැයි දැනගැනීම සඳහා පෙළඹවීම් ඉල්ලා සභා නායකයින් යාච්ඤා කරති. ඉන්පසු නායකයෙකු විසින් සාමාජිකයෙකුට සේවය කරන ලෙස ඉල්ලා එම කැඳවීමේ වගකීම් පැහැදිලි කරයි. එම සාමාජිකයින්ව සභා රැස්වීමකදී කොට්ටාශයේ හෝ ශාඛාවේ සාමාජිකයින්ගේ ඡන්ද මගින් ස්ථිර කරනු ලැබෙයි. මෙයින් අදහස් කරන්නේ එම කැඳවනු ලබන පුද්ගලයාට සහයෝගය දැක්වීමට ඔවුන් කැමැත්ත පළකරන බවයි. පසුව පූජක නායකයෙකු විසින් එම සාමාජිකයාට ආශිර්වාදයක් ලබාදෙයි. මෙය වෙන්කිරීමක් වශයෙන් හැඳින්වේ. එම සාමාජිකයාට ඔහුට හෝ ඇයට සේවය කිරීමට උපකාර කිරීම සඳහා කැඳවීමෙහි සහ අනෙකුත් ආශිර්වාද වල ක්‍රියා කිරීමට බලය දෙනු ලැබෙයි.

සභානායකවරයෙකු යනු කොට්ටාශයක නායකයා වේ. (ශාඛාවක, ශාඛා සභාපතිවරයෙකු සභානායකවරයෙකුට සමාන වේ.) ස්ටේක සභාපතිවරයා විසින් සභානායකවරයෙකු ලෙස කැඳවීමට සුදුසු පූජකත්වය දරන්නෙකුව නිර්දේශ කරයි. පළමු සභාපතිත්වය විසින් එම කැඳවීම අනුමත කරයි. එම සභානායකවරයාව පසුව ස්ථිර කර සේවය කිරීමට වෙන්කරනු ලැබෙයි. ඔහුට පූජක යතුරුද ලැබේ, එනම් එම කොට්ටාශය මෙහෙයවීමට ඔහුට බලය ඇත. සභානායකවරයා ලෙස, ඔහු කොට්ටාශයේ සියලුම සාමාජිකයින්ට සේවය කරමින් නායකත්වය ලබාදෙයි.

පූජක ගණපූරණය සහ සහන සමිතිය, තරුණ ගැහැණු ළමුන්, ප්‍රාථමිකය, සහ ඉරිදා පාසල් සංවිධාන මෙහෙයවනු ලබන්නේ සභාපතිත්වයන් විසිනි, සාමාන්‍යයෙන් සභාපතිවරයෙකු සහ උපදේශකයින් දෙදෙනෙකු විසිනි. වැඩිහිටි ගණපූරණ සභාපතිත්වයන් කැඳවා ඒවා වෙන් කරනු ලබන්නේ ස්ටේක සභාපතිත්වය විසිනි. සභානායකත්වය විසින් සාමාජිකයින්ට කොට්ටාශයේ අනෙකුත් සභාපතිත්වයන් වල සේවය කරන ලෙස ඉල්ලා ඔවුන්ව වෙන්කරනු ලබයි. සියලුම නායකයින් ඔවුන්ගේ ගණපූරණ හෝ සංවිධාන වල සාමාජිකයින්ට සේවය කරති. ඔවුන් සාමාජිකයින්ගේ අවශ්‍යතා සඳහා සේවය කරන අතර දෙවියන්වහන්සේගේ ප්‍රේමය දැනීමට ඔවුන්ට උපකාර කරති.

ඉගැන්වීම, සංගීතයට උපකාර කිරීම, වාර්තා තැබීම, යෞවනයන් හෝ ළමුන් සඳහා ක්‍රියාකාරකම් සැලසුම් කිරීම, සහ වෙනත් ආකාර වලින් සේවය කිරීම සභාවේ අනෙකුත් කැඳවීම වලට ඇතුළත් වේ. සභාවේ සෑම කැඳවීමක්ම වැදගත් වන අතර සාමාජිකයින්ට අන් අයට සේවය කිරීමට සහ දෙවියන්වහන්සේට සේවය කිරීමට අවස්ථාවක් ලබාදෙයි. අපගේ කැඳවීම් ඉටුකිරීමට අපි සියලුදෙනා එක්ව කටයුතු කරන විට, අපි අන් අයව ශක්තිමත් කර සභාවේ වර්ධනයට උපකාර කරන්නෙමු.