Ibukiia Kaaro
Ana Baire te Atua bon Ibukim
Nakoia Kaaro aika Tangiraki,
Ngkai ti kamatebwai tamnei, kanikina, ao reirei man te O Tetemanti, ti kona ni mataata riki n ana babaire Tamara are i Karawa ibukira ao tibwangan Iesu Kristo n te baire anne.
Te rongorongo n te beeba ni kaongora n te namwakaina aei e na anganiko iango ibukin reiakinaia ataei man te O Tetemanti ao iaon ana baire te Atua ibukira.
Tamara are i Karawa Iai ana Baire mai Karawa Ibukiia Natina
Bukin Tera Ngkai e Kakawaki te Mataata n Ana Babaire ni Kamaiu te Atua? Kabongana “Boton te Euangkerio” iaon iteraniba 10 n reireiniia am ataei kakaawakin Bwakan Atam ao Ewa. Ni kabane, kam kona ni karaoi rinanin kakabwaia ao tibwanga ake ti karekei n te maiu aei ibukina bwa ti roko iaon te aba.
Imwiin warekan ana maroro Unimwaane Quentin L. Cook iaon iteraniba 6, marooro n te utu iaon kakabwaia ake a roko inanon maium man ataakina bwa te Atua iai ana babaire ni kamaiuia Natina.
Kamatebwaian te O Tetemanti
Karaka riki am kamatebwai iaon te O Tetemanti man warekan rongorongo iaon iteraniba 20 ao 26. Tera ae ko reiakinna are e buokiko n ota riki iaon te O Tetemanti? Tataro mwaaka ni maroroakinna ma am utu bwa tera am kouru ake ko katei iaon Nakomai, Iriirai ibukin am kamatebwai n te ririki aei.
Nakomai, Iriirai Iango
Taraa iteraniba 30 ibukin te kabwarabwara iaon tamnei n te Karikibwai ao bwai n reirei tabeua ni buoka am kamatebwai iaon Nakomai, Iriirai.