కుటుంబ చరిత్ర మన పూర్వీకులకు సహాయపడుతుంది

భూమిపై జీవించిన లేదా జీవించబోయే ప్రతి వ్యక్తికి సువార్త విధులు అవసరం. మన పూర్వీకులకు ఆ అవకాశం లేకుంటే, దేవాలయంలో వారి కొరకు విధులను మనం నిర్వహించగలము. ఆ విధులలో ఒకటి కుటుంబ సభ్యులతో ముద్రించబడడం. “ముద్రించబడడం” అంటే మనం నీతిమంతులమైతే మన కుటుంబాలతో శాశ్వతముగా జీవించగలుగుతాము. దేవాలయాలలో మాత్రమే మనం మన కుటుంబాలతో ముద్రించబడగలుగుతాము.

కుటుంబ చరిత్ర మన జీవిస్తున్న కుటుంబ సభ్యులతో మన అనుబంధాలను బలపరచడానికి మనకు సహాయపడగలదు. కథలు, ఫోటోలు మరియు ఇతర జ్ఞాపకాలను మనము ఒకరితో ఒకరు పంచుకున్నప్పుడు, మనము కుటుంబ బంధాలను ఏర్పరుస్తాము. మనం ఒకరిపట్ల మరొకరికి ఉన్న ప్రేమను కూడా బలపరుస్తాము. మన కుటుంబ చరిత్రపై పని చేయడం వల్ల మనల్ని యేసు క్రీస్తుకు దగ్గర చేస్తుందని కూడా ప్రవక్తలు వాగ్దానం చేసారు.

మన ప్రస్తుత కుటుంబాలకు మరియు మన పూర్వీకులకు మనం ముద్రించబడాలని పరలోకపు తండ్రి కోరుకుంటున్నారు. మన పూర్వీకులతో ముద్ర వేయబడడానికి ముందు, మనము వారి గురించిన సమాచారాన్ని కనుగొని, ఆపై దానిని భద్రపరచాలి. కానీ కుటుంబ చరిత్ర కేవలం పేర్లు, తేదీలు మరియు స్థలాలను పరిశోధించడం కంటే ఎక్కువైనది. మన పూర్వీకుల గురించి మనం తెలుసుకునే కొద్దీ, వారితో మరింత అనుసంధానించబడినట్లుగా భావిస్తాము.