Tatu Wetu wa mu Diûlu Musua bua Tuikala ne Disanka

Nzambi wakatutuma pa buloba, muaba utudi mua kupeta mubidi wa musunyi (tangila Genese 1:26–27). Tudi dijinga ne mibidi bua ituambuluisha mu dimanya dietu dia moyo pa buloba.

Nzambi uvua mumanya ne katuakuikala mu disanka misangu yonsu. Tudi tumona malu adi atekesha maboko, busami, ne nansha lufu. Kadi kupitshila ku malu makola a moyo, Tatu wa mu Diûlu udi utuambuluisha bua kulonga ne kukola.

Nzambi mutupesha kabidi budienzedi, bukola bua kusungula bimpa anyi bibi. Udi utulekela bua kusungula bitudi tuela meji ne tuenza. Wakatupesha mifundu ne bambi ba moyo bua batuambuluisha bua kulonga bua kusungula tshidi tshimpa (tangila Abalahama 3:25).

Nzambi kena mututuma pa buloba kayi mutupesha tshilejelu tshia kulonda to (tangila Yona 13:15). Wakatuma Muanenda, Yezu Kilisto, bua atuleja njila. Bua kulonga bua kumulonda, tudi mua kubala mifundu bua kumanya mudiye muikala ne tshivuaye muenza pavuaye pa buloba. Tudi kabidi mua kuenza mushindu yonsu bua kuikala bu Kilisto mu kutumikila Nzambi ne kunanga bakuabu.

Patudi tuenza bilema, tudi tulomba dibuikidila ne tueyemena ku bukola bua Bupikudi bua Yezu Kilisto bua butuambuluisha tushintuluka. Tudi mua kuikala ne disanka mu kuteta kuetu bua kuikala bu Yeya menamena.

Patudi tufua, nyuma yetu idi iya mu muaba wa nyuma. Koku aku tudi tutungunuka kulonga mu didilongolola bua Dibika dia ku Lufu

Mu Dibika dia ku Lufu, mibidi ne nyuma bietu ne bisangishibua. Mibidi yetu neikala mijalama, ne katua kutatshishibua kabidi ne lufu anyi disama to (tangila Alama 11:44–45). Anu muvua Yezu Kilisto mufua ne mualukila ne moyo kabidi, tuetu bonsu netuikala ne moyo kabidi.

Padi Nzambi utulumbuluisha, neatangila bienzedi ne majinga bietu. Bituikala tuvua badienzeja bua kulama mikenji ne milayi ituvua benza kudi Tatu wa mu Diûlu, nanku tudi mua kuikala ne moyo kudiye kabidi.

Mu bukalenga bua selestiya, netuikala ne Nzambi ne Yezu Kilisto. Netuikala kabidi bakumbana bua kuikalaku ne meku etu bua kashidi bituikala basuikibua kudibu. Netupeta ditalala, disanka, ne dikisha (tangila Mosiya 2:41).

Imua misangu moyo wetu pa buloba udi mua kuikala mukola, kadi bituikala tulonda Yezu Kilisto, tudi mua kupeta disanka mu moyo ewu ne disanka dia tshiendelela mu moyo walua.

Mushindu utudi tudituala mu moyo wetu udi ne mushinga. Nzambi neatulumbuluisha ne neatufuta bilondeshila meji ne bienzedi bietu (tangila Alama 41:3).

Satana udi muluishi wa disanka dietu. Udi ututêta bua tukuata mudimu mubi ne moyo wetu pa buloba ne tuenza mibi. Mmusua bua tuikala ne dikenga bu mudiyi (tangila 2 Nefi 2:27).

Patudi ne ditabuja mu dilongolola dia Nzambi buetu, tudi mua kupeta ditalala kabiyi kutangila ntatu itudinayi Tudi mua kutekemena moyo wa kashidi ne Nzambi (tangila Dilongesha ne Bipungidi 59:23).