దైవసమూహము అంటే ఏమిటి?

దేవుడు మాంసము, ఎముకలు గల పునరుత్థానము చెందిన శరీరము. ఆయన మన ఆత్మలకు తండ్రి. ఆయన తన పిల్లలలో ప్రతిఒక్కరిని పరిపూర్ణంగా ప్రేమిస్తున్నాడు. దేవుడు పరిపూర్ణుడు, సమస్త శక్తిని కలిగియున్నాడు మరియు సమస్తమును ఎరిగియున్నాడు. ఆయన న్యాయవంతుడు, కరుణగలవాడు, మరియు దయగలవాడు. మనము జన్మించకముందు దేవునితో ఆత్మ బిడ్డలుగా మనం జీవించాము. నేర్చుకోవడానికి మరియు ఎదగడానికి భూమిమీదకు మనల్ని ఆయన పంపాడు. ఆయన పిల్లలు ప్రతిఒక్కరు చనిపోయిన తరువాత ఆయనతో జీవించడానికి మనం తిరిగి వెళ్ళాలని దేవుని యొక్క గొప్ప కోరిక. దేవుని సన్నిధికి తిరిగి వెళ్ళ డానికి మనము తప్పక యేసు క్రీస్తును అనుసరించాలని దేవుడు మనకు బోధిస్తున్నాడు.

యేసు క్రీస్తు కూడా మాంసము, ఎముకలుగల పునరుత్థానము చెందిన శరీరమును కలిగియున్నాడు. ఆయన దేవుని యొక్క ప్రథమ కుమారుడు. మనము జన్మించకముందు, మన రక్షకునిగా ఉండటానికి దేవుడు ఆయనను ఎన్నుకున్నాడు. దీని అర్థము, యేసు క్రీస్తు మనకు మాదిరిగా ఉండటానికి, ఆయన సువార్తను బోధించడానికి, మన పాపముల కొరకు ప్రాయశ్చిత్తము చేయడానికి, మరియు మరణము నుండి మనల్ని విడిపించడానికి భూమిమీదకు వచ్చాడు. యేసు క్రీస్తు వలన, మనము పశ్చాత్తాపపడినప్పుడు మన పాపములనుండి క్షమించబడతాము. యేసు క్రీస్తు కూడా అనేక బాధలు అనుభవించాడు, గనుక ఆయన అర్థము చేసుకొని, మనకు సహాయపడగలడు. యేసు క్రీస్తు మరణించి, ప్రతిఒక్కరూ మరలా జీవించడాన్ని సాధ్యపరుస్తూ, మరలా జీవించాడు.

పరిశుద్ధాత్మ త్రియేక దేవుని యొక్క సభ్యుడు, ఆయనకు భౌతిక శరీరము లేదు. ఆయన ఒక ఆత్మ. పరిశుద్ధాత్మ మన ఆత్మలతో నేరుగా సంభాషించగలడు. దేవుడు నిజమని, యేసు క్రీస్తు మన రక్షకుడని ఆయన మనకు సాక్ష్యమిస్తాడు. ప్రేమ, నడిపింపు, లేక ఓదార్పు భావనలను మనకివ్వడానికి దేవుని యొక్క రాయబారిగా పరిశుద్ధాత్మ పనిచేస్తాడు. మనము బాప్తీస్మము పొంది, నిర్ధారించబడినప్పుడు, మనము పరిశుద్ధాత్మ యొక్క వరమును పొందుతాము. బాప్తీస్మము తరువాత, మనము దేవుని ఆజ్ఞలను పాటించినప్పుడు, పరిశుద్ధాత్మ మనతో ఎల్లప్పుడు నిలిచియుండగలడు.

కాలక్రమేణా ప్రజలు దేవుని గురించి అయోమయంలో పడ్డారు. దేవుడు, యేసు క్రీస్తు, మరియు పరిశుద్ధాత్మ గురించి ప్రజలు అంగీకరించలేదు. అందుకే జోసెఫ్ స్మిత్‌కు కలిగిన మొదటి దర్శనము చాలా ముఖ్యమైనదనుటకు ఇది ఒక కారణము. పరలోక తండ్రి మరియు యేసుక్రీస్తు శరీరాలను కలిగియున్నారని, వారు ఇద్దరు వేర్వేరు వ్యక్తులను అతడు చూసాడు.

దేవుడు, యేసు క్రీస్తు, మరియు పరిశుద్ధాత్మ ఒకే ఉద్దేశముగల వేర్వేరు వ్యక్తులని లేఖనాలు, మరియు ఆధునిక ప్రవక్తలు మనకు బోధిస్తున్నారు: మన అమర్త్యత్వము మరియు నిత్య జీవము (మోషే 1:39 చూడండి). ఒకే జట్టులోని సభ్యుల వలె, ప్రతీరోజు మనకు సహాయపడటానికి వారు కలిసి పనిచేస్తారు. మన పాపములకు మనము పశ్చాత్తాపపడి మరియు సరైనది ఎన్నుకొన్నప్పుడు వారికి దగ్గరగా మనము భావించగలము.

• పరలోక తండ్రి మరియు యేసు క్రీస్తు ఉద్దేశములో ఒకటిగా ఉన్నారు (యోహాను 10:30 చూడండి).

• పరలోక తండ్రి తన కుమారునితో మాట్లాడాడు (మత్తయి 3:16–17 చూడండి).

• యేసు క్రీస్తు తన తండ్రితో మాట్లాడాడు (యోహాను 11:41 చూడండి).

• ఎదో ఒకరోజు మనము ఒకటి కావాలని యేసు క్రీస్తు మనకోసం ప్రార్థన చేసాడు (యోహాను 17:11 చూడండి).

• పరలోక తండ్రి మరియు యేసు క్రీస్తును జోసెఫ్ స్మిత్ చూసాడు (జోసెఫ్ స్మిత్—చరిత్ర 1:17 చూడండి).

• యేసు క్రీస్తు మన రక్షకుడని పరిశుద్ధాత్మ సాక్ష్యమిచ్చును (యోహాను 15:26 చూడండి).