Yezu Kilisto Wakatulomba bua Tuangata Biakudia bia Tshijila

Pavua Ekelezia wa Yezu Kilisto muibakuludibua pa buloba, biakudia bia tshijila biakashala tshitupa tshia kutendelela kua mu lumingu. Mu tshisangilu, biakudia bia tshijila bidi bibeneshibua ne biabanyibua kudi badi ne buakuidi. Badi basambila mu kuangata miaku ya mu mifundu (tangila Moloni 4; 5). Nanku muntu yonsu udi mu tshisangilu udi udia diampa ne unua mâyi bua kuvuluka Yezu Kilisto ne kudilambula Kuende buetu, anu bu Muvuaye mutuleja.

Bua kuikala pabuipi ne kuangata biakudia bia tshijila, tudi ne bua kuela meji bimpe pa nsombelu ne masungula etu. Tudi ne bua kukudimuna mutshima bua bilema ne mibi bitudi benza mu lumingu lushala, ne tulomba Nzambi luse. Katuena ne dijinga dia kuikala bakana tshishiki bua kuangata biakudia bia tshijila to, kadi mioyo yetu idi ne bua kuikala midipuekesha.

Diangata dia biakudia bia tshijila tshidi tshipolo tshia tshijila Disambila dia biakudia bia tshijila didi dituvuluija se patudi tuangata diampa ne mâyi, tudi tuvuluka mubidi ne mashi bia Yezu Kilisto bifila buetu. Tudi tulaya bua Kumulonda ne kuikala ne nsombelu wa buena Kilisto. Tudi tulaya bua kuteta kulama mikenji ya Nzambi. Mu dipingana, Nyuma wa Tshijila neatukankamika, neatulombola, neatondopa.

Padi aba ba munkatshi muetu bavua bikala batambula bangata biakudia bia tshijila ne moyo mutoke, badi benzulula bipungidi bienza ku ntambu. Bia momumue ne kuangata kua Nyuma wa Tshijila kudi kutusukula mibi ne tulua bu batambula kabidi. Etshi tshidi ditekemena ne lusa bidi Yezu upesha ewu yonso wa kutudi. Diba kindianji kupita bua kukudimuna mutshima ne kufuidibua luse.

Tudi mua kudipima mu nyuma, tuditangila bimpa munda muetu, kumpala kua kuangata biakudia bia tshijila (tangila 1 Kolinto 11:28).

Pakabikaye ku Lufu, Yezu wakaleja bantu Bende ba mu Amelika mushindu wa kuangata biakudia bia tshijila (tangila 3 Nefi 18).

Bambi ba lelu bakatuambila bua tuikala tuangata diampa ne mâyi bu biakudia bia tshijila, kadi bitudi tudia anyi tunua kabiena anu ne mushinga to (tangila Dilongesha ne Bipungidi 27:2). Misangu mikuabu, bantu batu kabayi badia mampa badi mua kuangata tshintu tshikuabu.