E Tuangira te Atua bwa Ti na Bwabetitoaki

Ngkana ti a ikawai riki ao n ataibwai riki n ata te kaokoro imarenan te eti ao te kairua, Tamara are i Karawa e tangirira bwa ti na bwabetitoaki (taraa Reirei ao Berita aika Tabu 18:42). Iesu e kororaoi, ma E bon rineia naba bwa E na bwabetitoaki ni ira nanon Ana tua te Atua (taraa Mataio 3:13–17; 2 Nephi 31:7). N ai aroia ake a tia ni mate a kona naba ni bwaabetitoaki. Ti karekea nakoia man bwabetitoakira ibukiia inanon te tembora. (Taraa Reirei ao Berita aika Tabu 128: 15–18.)

E aki bwabetitoaki Iesu iroun temanna ae e aki akaka. E bon kaonoti n nakon ai Tarina are Ioane, are iai irouna te kariaiakaki ibukin te nakoanibonga mairoun te Atua. Imwiin maten Iesu ao Ana reirei a tiringaki, te kariaiakaki anne ibukin te nakoanibonga e a bua mai aon te aba. Ngkanne, inanon 1829 Ioane te Tia Bwabetito e kaoti nakon Iotebwa Timiti ao n anganna te kariaiakaki ibukin te bwabetito n aran te Atua. Ibukin kaokakin bwaai, ti kona ni bwabetitoaki n te kariaia anne n te bong aei.

Te Bwabetito e irekereke ma te berita ae uoua kawaina, ke te berita, i marenara ao te Atua. Ti berita:

1. Ni katoka i aora aran Kristo.

2. Bwa ti na ururingnga n taainako.

3. Ni kawakin Ana tua.

Ni kabooan mwina, E berita te Atua bwa Tamneina e na memena i roura. Taekan te tataro n toa e kauringira te berita aei ni katoa wiiki. (Taraa Reirei ao Berita aika Tabu 20:77 79.)

Imwiin bwabetitoan Iesu, e kaoti te Tamnei are Raoiroi n rabwatana ae te taobe (taraa 2 Nibwaai 31:8). N te bong aei, i mwiin bwabeitoakiia aomata, a kamatoaki. Nanon aio bwa a karekea te kakabwaia ae onoti are a kaoaki iai ni karekea te bwai n tangira ni kaitiakan tamneia iroun te Tamnei are Raoiroi (taraa 2 Nibwaai 31:17). Te Tamnei are Raoiroi e kona ni kauringira ibukin te kanganga, karaui nanora, e kairira bwa ti na karaoi babaire aika raraoi, ao ni buokira n namakina ana tangira te Atua (taraa Reirei ao Beerita aika Tabu, 39:6).

E ataia te Atua bwa ti na karaoi kairua. E ngae ngke ti kabanea ara konaa, ti na bon bure ao ni bwaka man maiuakinan ara berita ni bwabetito. Ma E anganira n tatabemaniira ara tai n rairanano. (Taraa Reirei ao Berita aika Tabu 18:13.) Ni katoa bong ti kona ni karaoa are ara kabanea n tamaroa ni kabwara bure ao ni kaeti kairua. Ti kona n tataro ni butiia te Atua ibukin kabwaraan ara bure. Ngkanne, ngkana ti kana te toa ma te nanorinano, ti kona ni karekea te Tamnei are Raoiroi iroura (taraa 3 Nibwaai 18:11).

Kaaro a na buokiia natiia ni katauraoi nakon te bwabetito (taraa Reirei ao Berita aika Tabu 68:25).

Ake i aan te ririki ae waniua a aki kainnanoa bwabetitoaia (taraa Moronaai 8).

Ngkana ti bwabetitoaki, ti berita bwa ti na “tang ma ake a tang; … karau nanoia ake a kainnanoa karauannanoia ao n tei bwa taan kakoaua ibukinn te Atua n taainako ao ni bwaai nako, ao n taabo nako.” (Motiaea 18:9).