Motoyil, Mfol, ngam Thapeg

Pi sasing rok Guez Design

Bin tha’abi somm’on e thin ulan fare Doctrine and Covenants e telmed (mu guy Doctrine and Covenants 1:1). Bayipfan “mu motoyil ni ri ga ba adag ni ngam nang fan.“ Telmed e be yipfan ningan “motoyil Ngak”—ningan rung’ag e n’en ninge yoeg fare Tathapeg min rrin’ fapi machib Rok. Ko gali thin ney— “motoyil Ngak”—Got e ke pii’ ngodaed kanawo’en e mon’og, falfalaen’, nge falfalaen’ ulane biney e yafos. Ngaed motoyilgaed ko fapi thin rok Somoel, telmed ko pin’ey, magmed rrin’ e n’en nike yoeg ngodaed!

U uw e rayog ni ngad dared ngay nggu pi’ew e ayuw?

Rayag ningad dared ko fapi thin nib thothup. Ma krayag ningan motoyil Ngak ulan fare temple. Ma kagdaed be motoyil Ngak nib tamilang ko napan ni gadaed be gay rogon ningaed motoyilgaed ko fare Kan ni Thothup. Ma bin, tomur ngay, gadaed ra motoyil Ngak u napan ni gadaed be teldaed ko fapi thin rok fapi profet, nge fapi tayi’iy, nge fapi tathogthog.

Mang era buch ko napan ni garam rung’ag, mag telim, mag motoyil ko n’en nibe yeog fare Tathapeg nge mang e Be yoeg e chiney ngak fapi profet Rok? Gube michegnag ngom ni ran tawa’ath nigem ngan pii’ gelngim ngam gel ko lumel, tin ni gabe gafgow riy, nge tin ni gabe mo’war riy. Gube michegnag nra yib e ma’ang’ang ko tha’ romed ko tabinaew romed, nge murwel romed ni gubin e rran. Ma gube micheg ni gamedra thamiy e falfalaen’ nra gel ndariy fan ni bo’or e gafgow nibe yib ulane yafos romed.