Rong, Peikiong, oh Kapwaiada

Kasansal kan sang Guev Design

Keieun lepin mahsen nan Doctrine and Covenants iei peikiong (tehk Doctrine and Covenants 1:1). E wehwehki “en rong pwehn peikiong.” Pwehn peikiong wehwehki en “rong Ih”—pwehn rong dahme Sounkomouro mahsani oh uhd peikiong Sapwellime kaweid. Nan lepin lokaia riauko—“Rong Ih”—Koht ketkihong kitail mwomwen atail pahn pweida, peren, oh popohl nan mour wet. Kitail en kin rong mahsen kan en Kauno, peikiong irail, oh kapwaiada dahme E ketin mahsanihongehr kitail!

Iawasa kitail kak kohla ie pwehn rong Ih?

Kitail kak kohla nan pwuhk sarawi kan. Kitail pil kak rong Ihnan tehnpas sarawi. Kitail pil kin rohng Ih mwahu ni atail kin kakairada atail kak en kasawiada mwenginingin kan en Ngehn Sarawi. Oh, keimwsekla, kitail kin rong Ih ni atail kin kapwaiada mahsen kan en soukohp kan, ohl sarawi kan, oh sounkihla kaudiahl kan.

Dahme pahn wiawi ni amwail kin inengieng rong, peikiong, oh kapwaiada dahme Sounkomouro mahsaniher oh dahme E ketin mamahsani met rehn Sapwellime soukohp akan? I inouki me kumwail pahn kapaikihda manaman laud pwehn powehdi kasongosong, kahpwal, oh luwet. I inouki manaman kan nan pwungen amwail ehupenehn peneinei kan oh doadoahk en rahn akan. Oh I inouki me amwail kak en wie pereperen pahn laudla tetehn kahpwal kan pahn laudla nan amwail mour.