Orrenges, Olngesenges, e Oltirakl

Sunga er a Guev Design

Sel kot el tekoi el ngara Doctrine and Covenants a olngesenges (mesa Doctrine and Covenants 1:1). Ng belkul a kmo “orrenges loba blakerreng el mo oltirakl.” Mo olngesenges a belkul a kmo “Mrengesii”—mo remenges a lolekoi a Osobel e mo oltirakl a Llechul. Aike el eru el tekoi—“Mrengesii”—A Dios a meskid a llecheklel a klungiaol, deurreng, me a deuil a reng er tia el klengar. Kid a mo orrenges a tekingel a Rubak, e olngesenges, e oltirakl a ikel Ngii a bla lolekoi er kid!

Kede mor ker eng sebeched el Rongesii?

Ng sebeched el mo er a chedaol llechukl. Ng dirrek el sebeched el mo Rongesii er a chelsel a templo. Kede dirrek el Rongesiise el sekum e kede mengikiid a techelled el mo sebeched el melechesuar a ongelulau er a Chedaol Reng. Me a, sel mong meng ulebongel, kede mo Rongesiise el doltirakl a tekingir a reprofet, rechad er a ues, me a rechad er a ocholt.

Ngera mo duubech alsekum e kau a mo meral ngar ngii a rengum a mo orrenges, olngesenges, e oltirakl aika el ngii a Osobel a mla melekoi e ngera Ngii a mla ouchais er chelechang el okiu a reprofet er Ngii? Ak yaksok er kau el kmo kemo mukngeltengat er a lmuut el bebil er a klisiich el mo obangel a ongetikaik, ringel, me a chelitechut. Ak yaksok a mengasireng er a deleongel er a telungalek er kau, me a urerem er a bek el sils. Ak dirrek el yaksok el kmo a techellem el mo melechesuar a deurreng a mengai el mo klou dirrek el sekum e a ringel a mo betok er a chelsel a klengar er kau.